Wana ni mbaktumba hi Job-pa 13:4 - Bible azumeina

⁴ Kayam agi ni suma ka zlad’a, agi ni dokdor suma hawa ya’â.

Wana ni mbaktumba hi Job-pa 13:4 Referències creuades

Sawal la giled’a 119:69

Suma yam mba ad’enga a nga togon zla d’a kad’a kanu, wani an nga ni ngom gat manga ki hurun pet.

Jeremi 8:22

Na ni kuma ma mbilâ mi nga Galät tuo zu? D’oze dokdorâ mi nga kua d’uo mi zu? Ni kayam me ba, mbilâ hi sum manina nga mi tchil luo ge?

Jeremi 6:14

Azi nga djin mbilâ hi sum manina hina lologod’or, a nga dala: Halasa nga! Halasa nga! Wani halasa nga d’uo ko.

Marik 5:26

Ti i dokdorâ yat ablaud’a, ti b’lak bege mata woi pet. Hina pî, buzu mat ma djangâ mi ka nga d’i, wani tugud’ei mata nga d’i it avogovogo.

Marik 2:17

Kid’a Jesus mi humba, mi dazi ala: Suma a nga kad’eng tazina, va mi ndolozi nga ki dokdor ri, wani ni suma tugud’eid’a hol. An mba ná yi suma d’ingêrâ d’i, wani ná yi suma tchona.

Wana ni mbaktumba hi Oze-d’a 5:13

Suma Efraim-ma a we tugud’ei mazid’a, suma Juda-na a we mbil mazina. Suma Efraim-ma a ge sunda ata amul ma ngol ma Asiri-na. Wani amul máma mi nga kad’enga á sud’uzi d’oze a hazi kumana yam mbil mazina d’uo mi.

Ezekiyel 34:4

Agi hagi nga ad’enga mi suma amangeîna d’i, agi sud’ugi nga suma tugud’eid’a d’i, agi djinigi nga suma a fe mbuleinina d’i, agi hulongî nga suma a i á bad’a woina d’i, agi halagi nga suma a ba woina d’uo mi, wani agi tagi kazi ni kad’enga ki ngopa mi.

Jeremi 46:11

Ndak gor wei d’a Ezipte-d’a, ndak i Galät á halï kumana á tchil tagu. Ndak nga d’i hal kumana andjavam teteng pî, ni hawa na! Kuma ma tchilik nga d’i!

Jeremi 30:13

Sama mi hle zla magid’a kam á djinigi mbiligina nga d’i, kuma ma djivi ma mi ndak á tchiligi mbiligina nga d’uo mi.

Jeremi 23:32

An nga ni ngop suma djok vun suma a nga djok vun adï d’a ka zlad’a mi suma suma a nga vit sum mana woi ki zla mazi d’a kad’a ki lop ir mazid’ina. Wani an sunuzi nga d’i, ni hazi nga vun ndi, azi ndak á le vama djivi yam sum mana tu d’i. An Ma didina ni de na!

Wana ni mbaktumba hi Job-pa 16:2

An hum andjaf zla d’a de d’a hina d’a yan ablaud’a, agi ni suma b’leng hur suma a b’lak hur sumina.

Wana ni mbaktumba hi Job-pa 6:21

Ki tchetchemba, agi ni hina mi. Agi wagi vama mbud’un mandarina, agi tagi mbud’ugi mandarâ mi.

Buzuk ka Abud’a 20:16

Ar ang le glangâs ma aboina yam ndrangâ d’i.

Nehemi 6:8

An hulongôm humba ala: Zla d’a ang dat wanda ni zla d’a kad’a, ni zla ma anga ki yanga.

Wana ni mbaktumba hi Job-pa 6:15

B’oziyona a mbud’un iran d’igi toliyonda na, d’igi toliyon nda mbiyo mat ma djangâ mi so woid’a na.

Wana ni mbaktumba hi Job-pa 6:20

Azi mbut zulona yam tin nda azi tin huruzi kamba, ata yima azi mbaza kuana, a mang ngeyo.

Wana ni mbaktumba hi Job-pa 27:12

Wani agi tagi pet, agi wagi ad’ud’a. Ni kayam me ba, agi igi bugol zla d’a hawa yaka ge?