Jeremi 31:2 - Bible azumeina

² Ma didina mi dala: An we hohowa suma a sut tei avun ayînina abagei hur fulâ. Israel-lâ a nga i ata yi mazi ma tuk tad’a.

Jeremi 31:2 Referències creuades

Sawal la giled’a 95:11

Ni na ba, kur hur man ma zala an gun tan ala: Azi mba kal kur ambas sa an nga hazizi á tuk tazi kuad’a d’i.

Ndumba 10:33

A tchol yam ahinad’a hi Ma didinid’a a i á tit burâ hindi. Zandu’â hi Ma didinina nga mi i avorozi á hal yima azi tuk tazi kuana.

Matiye 11:28

Agi pet suma kawagi abo anekina, agi mbeyegï gevenu, agi tugugi tagiya.

Gat ta a hat á mbàd’id’a 1:33

ma nga mi tit avorogi á halagi yima ve kangîna d’i. Andjege nga mi tit avorogi aduk aku d’a tchola gongzonga á tagagi lovot ta agi tid’igi kuad’a, falei nga mi tit avorogi kur d’ugul la tchola gongzonga mi.

Jeremi 2:2

Ang i de mi suma Jerusalem-ma ala: Ma didina mi dala: Humun gan yam o mak ka ndak nga ki sed’et ki weyek ata yima ndak tit blogon kid’a an kaka, ata yima ndak tit blogon kur ful ma gangras ma bei sa mi zumum ba na.

Sawal la giled’a 78:52

Ma didina nga mi i ki sum mama d’igi sana mi i kaho’â na, nga mi tit ki sed’ezi abagei hur fulâ d’igi sana mi pol tumiyôna na.

Gat ta a hat á mbàd’id’a 12:9

Agi lagi hina, kayam agi mbagi nga ata yima tuk ta ma Ma didina Alo magina nga mi hagizina d’uo tua.

Gat ta a hat á mbàd’id’a 8:16

Ni mam ma mi hagi man ma abuyogi ngolo a wum nga yazi tu d’uo abagei hur fulâ á ted’a á hulongôgi yagi kä á lagi djivid’a bugolâ.

Gat ta a hat á mbàd’id’a 2:7

Kayam Ma didina Alo magina mi b’e vunam kagi yam sun nda pet ta agi nga lata, mi we tit magi d’a abagei hur ful ma ngol ma wanid’a mi. Gola! Bizad’a wan dok fid’i Alo magina mi nga ki sed’egiya. Va tu pî kid’agagi nga d’uo mi.

Gat ta a hat á mbàd’id’a 1:30

Ma didina Alo magi ma nga mi tit avorogina, mba mi dur kagi d’igi mi le ki Ezipte-na kä iragi na.

Ndumba 14:20

Ma didina mi dum ala: An nga ni vat hurun ndei kazi d’igi ang de na.

Buzuk ka Abud’a 33:14

Ma didina mi hulong dum ala: An tanda mba ni tit ki sed’engû, an mba ni kalang kur yima tuk tad’a.

Buzuk ka Abud’a 1:22

Wani Faron mi he vuna mi sum mama ala: Agi tchugugi gro andjof suma Hebre suma a vut awilina woi pet kur aluma. Wani agi tchugugi gro aropma woi aduk aluma d’i.

Buzuk ka Abud’a 1:16

Le agi vud’ugi arop suma Hebre-na, le agi wagi ni gor mandjufâ ni, agi tchum mbeyo; le ni gor atchad’a ni, agi arat bei tchid’a.

Buzuk ka Abud’a 12:37

Israel-lâ a tchol avo Ramses á i Sukot. Ablawazi ni go ki 600.000 ni suma ndak andjofîna bei ndum kemba ba.

Buzuk ka Abud’a 5:21

Azi dazi ala: Ar Ma didina mi gologiya, mi ka ir zla ndata! Agi mbud’umi ndjendjed’a avok Faron ki sum mama, agi hazi mbigeud’a abozi á tchamiya.

Buzuk ka Abud’a 2:23

Bugol la biza d’a ablaud’a kala, amul ma Ezipte-na mi mid’a. Israel-lâ a nga zam tazi abo magom mba a nga lazizid’a, a nga tchi mi. Tchi mazi ma abo magombina mi i gak mi fAlona.

Josue 1:13

Agi djib’eregi yam zla d’a Moise azongâ hi Ma didinina mi dat ata yima mi hagi vunina ala: Ma didina Alo magina mi hagiya wa tuk tad’a, mi hagiya wa ambas sa wanda da d’a.

Wana ni mbaktumba hi Oze-d’a 11:4

An tanazï ki ziyo ma we hohoud’a, ni ki kindjing ma od’a ba, ni mbazïya, ni an ba ni hlazi dju’â woi keleziya, ni an ba ni hazi tena mi.

Ezekiyel 20:35

An mba ni i ki sed’egi hur fulâ handjaf suma dingîna; ni kua ba, an mba ni togogi avoron á kagi sariyad’a kagiya.