Matìyò 26:5 - Meta’

⁵ Àyɨə mbɨ nyaʼa ghà mbənə mbənə ni, “Chəi tɨ̀ bɨrɨ zwiirɨ əməd ənɨ mbɨə jɨg Əchwɨ̂ ə Che-ɨgun, njɨ bə̂d bɨrɨ bu əchɔb.”

Ikan feg

⁵ Mbɔb yaya se ghà mbɔb mbɔb gha, “Chəyi ze biri bɔ̀ŋ gha tì zweti aməd ane nyùmə̀ Iteri Chègun imbə̀ʼ bəd nɔ̀ʼ bàd, bùg ndum.”

Matìyò 26:5 ক্রস রেফারেন্স

Matìyò 27:24

Ənɨ Pailèt nyaʼa zə ni chəi ənû ə mɔʼɔ nɨ tɨ̀ rə nyaʼa wɨrɨ ghɨ̀, àmei ni tə mɨ wò ɨmbì, əchɔb ə bɨrɨ gù, wɨ̀ nyaʼa nɨŋ mɨnib sò mbi ɨbɔ ɨfě ɨnɔ̂n bə̂d we ghà ni, “Chəi mə berɨ əbɔ ənɨ ɨvɨ mbaŋə̀ zɔ̂! Ɨsaʼi yɨ wən!”

Matìyò 21:26

Tɨ̀ mɨ ghà ni, 'À yɨə bə̂d,' tɨ̀ wɨə bɔ ɨnɔ̂n bə̂d wɔ̂, ɨmbə̀ʼ ɨghəm nɨ mɨ̀mə̌d mɨ̀jìm ben ni Jɔ̌n yɨə nyaʼə wə̀d ɨ̀kə̀n Ŋwìə̀.”

Matìyò 14:5

Əne Herɔ̀d wɨə nyaʼə kə̀bə̀ ni njɨ tə zwiirɨ əməd, àyɨə ɨ wɨə nyaʼə bɔə bə̂d, ɨmbə̀ʼ ɨghəm nɨ mbɨ nyaʼa ben ni Jɔ̌n yɨə nyaʼə wə̀d ɨ̀kə̀n Ŋwìə̀.

Mk 14:27

Ənɨ Yeso mbɨ mbi mə̀mə̀ə̀nɨ̀-ɨnû nyaʼa pe ɨkaŋ Ɨwum mɨ̀Olìf we, wɨ̀ nyaʼa ghà əmbɨ mɨ̀mə̌d ni, “Mbə̀n mɨ̀jìm bɨrɨ norə əwən sàŋ əmɨ. Ə zɨ ɨŋga Ə̀ŋwàʼnɨ̀ ə Ŋwiə̀ ni, 'Mə bɨrɨ zwiirɨ ənə̂ŋgɨ̀-njɨ̀g, əne njɨ̀g te bɨrɨ jàŋə̀.'

Mk 14:12

À nyaʼa ɨgwɨ əni rɨtu ze nɨ mbɨ nyaʼə jɨgə ŋgə̀ŋ nɨ chəi mbɨ zɨ ɨfuʼ we nɨə ghɨ̀ ni ŋgə̀ŋ kɔʼ ɨŋga, ənɨ yɨ əni ze nɨ mbɨ nyaʼə kyemə wan njɨ̀g Əchwɨ̂ ə Che-ɨgun, mə̀mə̀ə̀nɨ̀-ɨnû Yeso nyaʼa ghà ɨ bɔ ni, “À kə̀b ni tɨ̀ wo tekɨ əsɨ ɨ ne ə yi nɨ à bɨrɨ jɨg Əchwɨ̂ ə Che-ɨgun ə?”

Mk 14:2

Mbɨ nyaʼa ghà ni, “Àyɨə chəi tɨ̀ bɨrɨ ghɨ əne ənɨ mbɨə jɨg əchwɨ̂, njɨ əchɔb ə bɨrɨ gù.”

Ɨ̀fàʼì 4:28

ɨmbə̀ʼ ghɨ ɨnû jìm mbe nɨ à nyaʼa nuŋ ənɨ e ɨka bə̀ fɔrɨ ənɨ e ɨkɔndɨ ni mbɨ bɨrɨ ghɨ̀.

Jn 18:28

Ɨtuʼ nyaʼa mɨ chɨg i chɨg ɨ, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa nɨŋ ə Yeso rɨ əkwɨ Kaifàs wò mbɨ məd ə tɔʼ gɔmnà. Chəi mbɨ nyaʼa nyɨ ɨŋga tɔʼ ze, ɨmbə̀ʼ ɨghəm nɨ mbɨ nyaʼa kəb chub ɨzeŋɨ zeŋɨ ɨmbə̀ʼ jɨg Əchwɨ̂ ə Che-ɨgun.

Lk 22:7

Əni ze nɨ mbɨ nyaʼə jɨg Əchwɨ̂ ə Ŋgə̀ŋ ze nɨ chəi ɨfuʼ we nɨə ghɨ̀ ni ŋgə̀ŋ kɔʼ ɨŋga ə nyaʼa yeʼe kùʼ, nɨ yeʼ əni ze nɨ mbɨ nyaʼə kyemə wan njɨ̀g Əchwɨ̂ ə Che-ɨgun.

Lk 20:6

Tɨ̀ mɨ bə̀ ghà ni, 'À yɨə bə̂d,' bə̂d mbɔ̂ mɨjìm bɨrɨ tumbɨ əwa ənɨ əti, ɨmbə̀ʼ ɨghəm nɨ mbɨ ben ni Jɔ̌n yɨə nyaʼə wə̀d ɨ̀kə̀n Ŋwìə̀.”

Ɨ̀fàʼì 19:29

Ə̀bùùrɨ̀ ə nyaʼa swi ɨŋga əsɨ ze əjìm. Əne bə̂d mɔʼɔ nyaʼa gywɨ̀ ə Gayùs mbɨ Àristakùs nɨ nyaʼə rɨ ə Màsèdonià. Ɨ mbɨə nyaʼə bə̀ yènə̀ mbɨ Pɔ̂l. Mbɨ nyaʼa gywɨ̀ əne sùŋ mɨ̀mə̌d nɨŋ wò ə sǎm əferɨ.

Ɨ̀fàʼì 21:38

Əne ka àwɔ̀ yɨ e wə̀d Ijìpt we nɨ nyaʼa cherə bù əchɔb, nɨŋ mə̀zwììrɨ̀-bə̂d chuʼ rɨkwè wò mbɨ mbɨwən ɨŋga ɨbad rɨkwàʼi ə?”