Matìyò 14:2 - Meta’

² Wɨ̀ nyaʼa zu əne ghà əmbɨ mbi bə̂d ə̀fàʼì ni, “Mbaŋə̀ zɔ̂ yɨə Jɔ̌n we nɨ nyaʼə nàʼ mɨnib nɨ fə zwemə. À yɨ əton nɨ wɨ̀ berɨ ɨka nɨ ghɨ ɨnû yiirɨ.”

Ikan feg

² Wì ya ghà abə bəd àfàʼì məd gha, “Aŋa ya Jɔn we ne yaya nàʼà mənib wì zwème iwu! À ya aton ne tika ni fàʼ iyeti inug yaʼi inga məd.”

Matìyò 14:2 ক্রস রেফারেন্স

Matìyò 16:14

Mbɨ nyaʼa wììrɨ̀ ni, “Bə̂d mɔʼɔ mbɨə ghàə̀ ni àwɔ̀ yɨə Jɔ̌n we nɨ nyaʼə nàʼ mɨnib. Mbɨ cherə mbɨə ghàə̀ ni àwɔ̀ yɨə Èlaijà. Mbɨ cherə ghàə̀ ni àwɔ̀ yɨə Jèrèmià, kɨ̀ wə̀d ɨ̀kə̀n Ŋwìə̀ cherə.”

Jn 10:41

Bə̂d mɨ̀nɔnɔʼ nyaʼa wò əsɨ məd. Mbɨ nyaʼə ghàə̀ mbənə mbənə ni, “Chəi Jɔ̌n nyaʼa ghɨ ɨnû yiirɨ mɔʼɔ, àyɨə ɨnû jìm mbe nɨ wɨ̀ nyaʼa ghǎ ɨmbə̀ʼ mbaŋə̀ zɔ̂ yɨ ɨnû rəsìʼ.”

Mk 8:28

Mbɨ nyaʼa wììrɨ̀ ɨ bɔ ni, “Bə̂d mɔʼɔ mbɨə ghàə̀ ni àwɔ̀ yɨə Jɔ̌n we nɨ nyaʼə nàʼ mɨnib. Mbɨ cherə mbɨə ghàə̀ ni àwɔ̀ yɨə Èlaijà. Mbɨ cherə ghàə̀ ni àwɔ̀ yɨ wɨ mɔʼɔ rəbɔʼ bə̂d ɨ̀kə̀n Ŋwiə̀.”

Matìyò 11:11

Mə ghà rəsìʼ ɨ nən ni, rəbɔʼ bə̂d mɨ̀jìm mbe nɨ məyi gywɨ, chəi wɨ mɔʼɔ əŋgu nɨ dabə chè ə Jɔ̌n we nɨə nàʼə̀ mɨnib. Àyɨə wə̀d we nɨ kə chè mbɨ mɨjìm ɨŋga ənû ɨfɔ̀n rɨkaŋ ə dabə chè əməd.

Matìyò 3:1

À nyaʼa ənɨ ə nyùmə̀ we, Jɔ̌n we nɨ nyaʼə nàʼ mɨnib nyaʼa wò ɨŋga ɨbad rɨkwàʼi we rɨ ə Jùdeyà. Wɨ̀ nyaʼa pè kɔ gha ɨŋgam Ŋwiə̀

Mk 6:14

Ɨfɔ̂n Herɔ̀d nyaʼa zu ɨnû mbɔ̂ jìm, ɨmbə̀ʼ ɨghəm nɨ ɨkum Yeso nyaʼa fə jàŋ ɨsɨ jìm. Bə̂d mɔʼɔ mbɨə nyaʼə ghàə̀ ni, “Jɔ̌n we nɨ nyaʼə nàʼ mɨnib fə zwemə. À yɨ əton nɨ wɨ̀ berɨ ɨka nɨ ghɨ ɨnû yiirɨ mbɔ̂.”

Lk 9:7

Ənɨ Herɔ̀d we nɨ nyaʼə tùmbɨ̀ ə Galiliî nyaʼa zu ɨnû jìm mbe nɨ nyaʼa ghɨ̌, ətu əməd ə nyaʼa bùùrɨ̀ ɨmbə̀ʼ ɨghəm nɨ bə̂d mɔʼɔ mbɨə nyaʼə ghàə̀ ni Jɔ̌n we nɨ nyaʼə nàʼ mɨnib fə zwemə.