Lk 21:27 - Meta’

²⁷ À yɨ ənɨ ə nyùmə̀ we nɨ mbɨ bɨrɨ zə Wan Wə̀d nɨə yeʼe ɨŋga pàʼ, zə ɨka we nɨ wɨ̀ berɨ bə̀ zə ɨwumnɨ kyeŋ we nɨ wɨ̀ bə̀ berɨ.

Ikan feg

²⁷ Anyumə̀ we, mbi biri bàd Ŋwan Wə̀d inga pàʼ ne we yèʼe tì ika fɔrɔ ighumni kyen.

Lk 21:27 ক্রস রেফারেন্স

Ɨnû 1:7

Mbə̀ zə, ɨ wɨə yeʼe ɨŋga pàʼ. Bə̂d mɨjìm bɨrɨ zə əməd, ka àbei mbe nɨ nyaʼa zum əməd. Mɨnəbɨ jìm rɨ ɨgwɨ ə si bɨrɨ di ɨmbə̀ʼ əməd. À yɨ ɨchî nɨ zɨə bɨrɨ yeʼ we! À yɨ əne.

Matìyò 24:30

“Nyùmə̀ we mɨ kùʼ, ənweenɨ ze nɨ chwiə ni Wan Wə̀d wɨə yeʼe ə bɨrɨ jwɨ̀ əton ɨkaŋ, əne mɨnəbɨ jìm rɨ ɨgwɨ ɨsɨg bɨrɨ dì. Mbɨ bɨrɨ zə Wan Wə̀d nɨə yeʼe ɨgwɨ ə pàʼ, zə ɨka we nɨ wɨ̀ berɨ bə̀ zə ɨwumnɨ kyeŋ we nɨ wɨ̀ bə̀ berɨ.

Mk 13:26

“Ənɨ ə nyùmə̀ we, bə̂d bɨrɨ zə Wan Wə̀d nɨə yeʼe ɨŋga pàʼ, zə ɨka kyeŋ we nɨ wɨ̀ berɨ bə̀ zə ɨwumnɨ we nɨ wɨ̀ bə̀ berɨ.

Matìyò 26:64

Yeso nyaʼa wììrɨ̀ ɨ bɔ ni, “À fə ghà əne. Àyɨə mə ghà ɨ nən ni, ɨ kɔ rɨ̀nîn, mbə bɨrɨ zə Wan Wə̀d nɨ chub əbà əbɔ ə jɨg ə Ŋwìə̀ we nɨ berɨ ɨka jìm, bə̀ zə ənɨ wɨə yeʼe ɨgwɨ ə pàʼ.”

Matìyò 25:31

“Ənɨ Wan Wə̀d wɨrɨ yeʼe ɨghabɨ ɨfɔ̀n mbɨ mbɨ̀aŋgɨrə̀ mɨ̀jìm mbɨ məd, wɨ̀ bɨrɨ chub ɨgun e ətən ɨfɔ̀n.

Ɨnû 14:14

Mə nyaʼa nèŋ, əne zə pàʼ rɨ̀fɨ. Wə̀d mɔʼɔ nɨ nyaʼa ɨghabɨ ə Wan Wə̀d nyaʼa chub ɨgun ə pàʼ ze. Wɨ̀ nyaʼa zɨ̀ ɨdəm ɨfɔ̀n nɨ mbɨ nyaʼa tekɨ ənɨ ə gôl. Wɨ̀ nyaʼa bə̀ yim ɨbi tɔtɔ nɨ mbɨə kwə̀ŋ ɨghɨ əngu.

Lk 21:26

Bə̂d bɨrɨ gu nə̀ŋ ɨmbə̀ʼ ɨbɔɔ fɔrɨ ɨmbə̀ʼ ɨkɔndɨ ɨmbə̀ʼ ɨnû mbe nɨ bɨrɨ yeʼe ɨgwɨ ɨsɨg, ɨmbə̀ʼ ɨghəm nɨ Ŋwìə̀ bɨrɨ chɨ ɨzwî mbe nɨ yeʼ ɨkaŋ.