Jn 17:2 - Meta’

² À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Ikan feg

² Àghò fə nàʼ ika ibo igun bəd məjìm ni ghì gha wì nàʼ ìtḛ̀ ighə̀m imɔʼ abə bəd məjìm mbe ne àghò nàʼi ibo.

Jn 17:2 ক্রস রেফারেন্স

Jn 6:39

Ənû ze nɨ wə̀d we nɨ nyaʼa tom əmɨ kəbɨ yɨ ni tɨ mə̀ nimnɨ əmɨ wə̀d mɔʼɔ rəbɔʼ bə̂d mɨjìm mbe nɨ wɨ̀ naʼ ɨ num. Wɨ̀ kəb yeʼ ni mə̀ zwemnɨ mɨ̀mə̌d əni ze nɨ sɨ nwìə̀.

Jn 6:37

Bə̂d mɨjìm mbe nɨ mɨ Mbǎʼ naʼ ɨ num bɨrɨ yeʼe əsɨ num. Əne chəi mə̀ bɨrɨ nɔ fid wə̀d mɔʼɔ we nɨ yeʼe əsɨ num,

Jn 17:24

“Mɨ Mbǎʼ, mə kə̀b ni mɨ̀mə̌d mbe nɨ à nyaʼa naʼ ɨ num yeʼ mbɨ num əsɨ ze nɨ mə yeʼ əŋgu, ɨmbə̀ʼ mbɨ zə ɨchî nɨ à nyaʼə wumnɨ əmɨ, ɨmbə̀ʼ ɨghəm nɨ à nyaʼa ghaʼ əmɨ bɔŋ à nyaʼə sɨə tekɨ ɨsɨg.

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

Jn 17:9

“Mə wɨə kɔ̀ŋgɨ̀ əwe ɨmbə̀ʼ mɨ̀mə̌d. Chəi mɨə kɔ̀ŋgɨ̀ əwe ɨmbə̀ʼ ɨsɨg. Mə wɨə kɔ̀ŋgɨ̀ əwe yeʼ ɨmbə̀ʼ bə̂d mbe nɨ à nyaʼa naʼ ɨ num ɨmbə̀ʼ ɨghəm nɨ à yɨ mbe bə̂d.

Jn 17:6

“Mə fə ghɨ̀ ni bə̂d mbe nɨ à nyaʼa chɨ rɨŋga ɨsɨg nàʼ ɨ num kyerɨ əwe. À yɨə nyaʼa mbe bə̂d, əne à nyaʼa fə nàʼ mɨ̀mə̌d ɨ num. Mbɨ fə ghɨ̀ ənû ze nɨ à nyaʼa ghǎ əmbɨ mɨ̀mə̌d.

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Jn 3:35

Mbǎʼ ə ghaʼ i Wan əne wɨ̀ fə sàŋ ɨnû jìm ɨŋga tɨkyerɨ-ɨbɔ məd.

1 Jɔn 2:25

Ənû ze nɨ Wan fə kaʼ ni tə bɨrɨ naʼ ɨ na yɨ ɨ̀tènɨ̀ rɨ mì.

1 Pità 3:22

Wɨ̀ fə wo ɨkaŋ pè chub əbà əbɔ ə jɨgɨ ə Ŋwiə̀. Ɨ wɨə sɨə tùmbɨ̀ mbɨ̀aŋgɨrə̀ bə̀ tùmbɨ̀ ɨzwî jìm mbe nɨ yeʼ ɨkaŋ fɔrɨ ɨgwɨ ə si.

Mə̀Hibrù 1:2

Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.

Matìyò 11:27

“Mɨ Mbǎʼ fə nàʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chə bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ Wan fɔrɨ wə̀d mɔʼɔ we nɨ Wan də̀b nɨ chwi əməd ɨ bɔ.

Jûd 1:21

Mbə̀ chub kyerɨ ni Ŋwìə̀ ə ghaʼ əwən ɨchî nɨ mbɨə wòmə̀ ni a Ə̀nùŋɨ̀sɨg Yeso Kristo diirɨ əwən, ghɨ̀ mbə̀ jɨg ɨ̀tènɨ̀ rɨ mì.

1 Jɔn 1:2

Ɨ̀tènɨ̀ we nyaʼa chwi i ɨnyod əsaŋ. Tɨ̀ nyaʼa zə əməd, əne tɨ̀ wɨə ghà rəsìʼ ɨmbə̀ʼ əməd ɨ nən. Tɨ̀ wɨə bə̀ ghàə̀ ni məd yɨə nyaʼə ɨ̀tènɨ̀ rɨ mì we nɨ nyaʼa i mbɨ Mbǎʼ, nɨ Mbǎʼ ziə nyaʼa ghɨ̌ tɨ̀ kyerɨ.

1 Timotì 1:16

Àyɨə Ŋwìə̀ nyaʼa dììrɨ̀ əmɨ ɨmbə̀ʼ Kristo Yeso chwi ɨchî nɨ wɨ̀ kaŋ jeŋgɨ yim fîŋ ɨmbə̀ʼ əmɨ, mɔ̌ we nɨ yeʼ wə̀d ɨnû rɨbɔ̀ŋ nɨ bə̌ chè mbɨ mɨjìm. Wɨ̀ nyaʼa ghɨ̀ əne ɨmbə̀ʼ mə yeʼ ənweenɨ əmbɨ ə bə̂d mɨjìm mbe nɨ bɨrɨ nɨ ben əməd əne jɨg ɨ̀tènɨ̀ rɨ mì.

Fìlipì 2:10

Wə̀d mɔʼɔ mɨ tɔŋ ɨkum Yeso, bə̂d mɨ̀jìm ɨkaŋ, ɨgwɨ ə si, mbɨ əton ə si bɨrɨ chìndɨ̀ ɨtu ɨnywɨ ə si.

Efesùs 1:20

wɨ̀ nyaʼa faʼ mbɨ wɨwən ənɨ wɨ̀ nyaʼa zwemnɨ ə Kristo, ghɨ wɨ̀ chub əbà əbɔ ə jɨg əməd ɨŋga ɨsɨ mbe nɨ yeʼ ɨkaŋ.

1 Kɔrèn 15:25

Kristo berɨ tumbɨ ɨsɨg pè ənɨ wɨ̀ fə nuŋ mbi bə̂d pə̀n mɨjìm əton mbi ɨwu.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

Jn 6:27

Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

Matìyò 25:46

Əne mbɨ bɨrɨ wò nyɨ ɨŋga ɨchə rɨ nɔ mì, àyɨə bə̂d mbe nɨə ghɨ̀ ɨnû nɨ kuʼnɨ bɨrɨ jɨg ɨ̀tènɨ̀ rɨ mì.”