Jn 14:13 - Meta’

¹³ Mə bɨrɨ ghɨ ənû ə mɔʼɔ ze nɨ mbə̀ biirɨ ənɨ mɨ ɨkum, ɨmbə̀ʼ ə bə̂d wumnɨ ə Mbǎʼ ənjìm ə Wan.

Ikan feg

¹³ Mə biri fàʼ inug mbe ne mbə̀ biri biri ane ìmə ikum, ni ghì gha, bəd ghumni ìmə Mbaʼ anjìm Ŋwan.

Jn 14:13 ক্রস রেফারেন্স

Jn 15:7

Mbə mɨ chub ənɨ ənû ə mɔʼ mbɨ num, mɨ ɨŋgam bə̀ chub ɨŋga nən, mbə bɨrɨ biirɨ ənû ə mɔʼɔ ze nɨ mbə̀ kəbɨ, əne mɨ Mbǎʼ bɨrɨ ghɨ ənû ze ɨ nən.

Mk 11:24

Əne mə ghà ɨ nən ni, ɨnû jìm mbe nɨ mbə̀ kɔŋgɨ ə Ŋwiə̀ nɔnə ɨ bɔ, mbə̀ ben ni mbə fə berɨ, əne mbɨ bɨrɨ yeʼ mbən.

Matìyò 21:22

Mbə mɨ berɨ ɨbenɨ, njɨ Ŋwìə̀ bɨrɨ naʼ ɨghɨjìm mbe nɨ mbə̀ kɔŋgɨ əməd nɔn ɨ bɔ.”

Matìyò 7:7

“Mbə̀ nɔn, Ŋwìə̀ bɨrɨ naʼ ɨ nən. Mbə̀ kəbə, mbə bɨrɨ zə. Mbə̀ goŋgɨ, Ŋwìə̀ bɨrɨ fiʼ ɨ nən.

1 Jɔn 5:14

Əton nɨ chəi tɨə bɔə ənɨ tɨə kɔŋgɨ ə Ŋwiə̀ yɨ ɨmbə̀ʼ ɨghəm nɨ tɨ̀ fə kyerɨ ni məd wɨə zu ɨnû mbe nɨ tɨə biirɨə əwù ze nɨ tɨ̀ biirɨ ɨchî nɨ wɨ̀ kəbɨ.

Jn 16:23

À sɨ əni ze, chəi mbə̀ bɨrɨ wɨrɨ biirɨ ənû ə mɔʼɔ ɨ num. Mə̀ ghà rəsìʼ ɨ nən ni mbə mɨ biirɨ ənû ə mɔʼɔ tɨ əmbɨ mɨ Mbǎʼ ənɨ mɨ ɨkum, wɨ̀ bɨrɨ ghɨ ənû ze ɨ nən.

1 Jɔn 3:22

Məd wɨə nàʼ ɨghɨjìm mbe nɨ tɨ̀ biirɨ ɨ bɔ. Ɨ wɨə ghɨ̀ əne ɨmbə̀ʼ ɨghəm nɨ tɨ̀ wɨə nùŋ tɨkə rɨ məd bə̀ ghɨ̀ ɨnû mbe nɨ bɔŋ ɨ bɔ.

Jn 15:16

Kaʼi mbə̀nə nyaʼa chɔʼ əmɨ. À yɨə mɔ̌ nyaʼa chɔʼ əwən tom ni mbə̀ wo kɔ rɨtam, nɨ yeʼ rɨtam te nɨ bɨrɨ ten i koŋ. Mbə mɨ ghɨ̀ əne, Mbǎʼ bɨrɨ naʼ əghɨ ə mɔʼɔ ze nɨ mbə̀ biirɨ ɨ bɔ ənɨ mɨ ɨkum.

Jn 14:14

Mbə mɨ biirɨ ənû ə mɔʼɔ ənɨ mɨ ɨkum, mə bɨrɨ ghɨ ənû ze.”

Jems 5:16

Əne mbə ben tə rɨ̀gùrɨ-ɨnû əkaʼ nən mbənə mbənə, kɔ̀ŋgɨ̀ ə Ŋwiə̀ ɨgwɨ mbə bɔŋgɔb, ɨmbə̀ʼ Ŋwìə̀ ghɨ ni mbə̀ bɔtɨ. Ə̀kɔ̀ŋgɨ̀ ə wə̀d we nɨ təm kùʼnɨ̀, ə berɨ ɨka kyeŋ nɨ ghɨ ənû ze nɨ wɨ̀ kɔŋgɨ ə Ŋwiə̀ nɔn.

Fìlipì 4:13

Mə we tɨ̀ mə ghɨ̀ ɨnû jìm ənjìm ɨka we nɨ Kristo naʼ ɨ num.

Jems 1:5

Wə̀d mɔʼɔ rəbɔʼ nən mɨ kwaŋ ɨwe, wɨ̀ nɔn rɨ əmbɨ ə Ŋwiə̀. Məd wɨə nàʼ ɨghɨ əmbɨ ə bə̂d mɨ̀jìm əbu əbu. Ɨ wɨə bə̀ nàʼ ənɨ ə fîŋ chɔ̀m. Wɨ̀ bɨrɨ naʼ ɨwe ɨ bɔ.

Efesùs 3:12

Ənɨ ɨfɔtɨ mbɨ Kristo bə̀ fɔrɨ ənjìm ɨbenɨ we nɨ tɨ̀ nuŋ ɨgwɨ məd, tɨ̀ fə berɨ ɨka nɨ wò əsɨ ə Ŋwiə̀ nɨ chəi ɨbɔɔ.

Jn 16:26

À sɨ əni ze, mbə bɨrɨ biirɨ ɨnû rɨ əmbɨ mɨ Mbǎʼ ənɨ mɨ ɨkum. Chəi mə̀ berɨ əton nɨ biirɨ ənû ə mɔʼɔ ɨ bɔ ənɨ wən rɨ ɨghəm,

Jn 10:30

Mɔ̌ mbɨ mɨ Mbǎʼ wɨ ənɨ ənû ə mɔʼ.”

Efesùs 2:18

À yɨə Kristo ghɨ ni mba mɨjìm, əne yɨ mɨ̀Jû mbɨ ə bə̂d nɨ kaʼi mɨ̀Jû, tɨ̀ berɨ ɨnə̂njɨ̀ nɨ wò əmbɨ ə Mbǎʼ ənjìm Əzwî ə Zeŋɨ.

Kòlosè 3:17

Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.

Jn 7:37

À nyaʼa əni ze nɨ sɨ nwìə̀, nɨ nyaʼa əni ə kyeŋ ənɨ mbɨ nyaʼə jɨg əchwɨ̂ ze, Yeso nyaʼa nɔ̀ʼ təm rətiə ghàm rɨ̀kǎ ni, “Ədɔʼ ə mɨ ne wə̀d mɔʼɔ, wɨ̀ yeʼe əsɨ num mə̀ naʼ mɨnib ɨ bɔ wɨ̀ nɔ.

Mə̀Hibrù 7:25

Əne məd ə berɨ ɨka ənɨ mɨ̀nyùmə̀ jìm nɨ chɨ bə̂d mbe nɨ che ənjìm məd tindɨ ɨban ə Ŋwiə̀ rəŋgəʼ, ɨmbə̀ʼ ɨghəm nɨ məd wɨ i ɨkǎ koŋ ɨmbə̀ʼ kɔŋgɨ ə Ŋwiə̀ ɨgwɨ mɨ̀mə̌d.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 12:44

Yeso nyaʼa ghàm rɨ̀kǎ ghà ni, “Wə̀d mɔʼɔ we nɨ ben əmɨ, kaʼi wɨ̀ ben àmei əmɨ. Wɨ̀ fə bə̀ ben yeʼ məd we nɨ nyaʼa tom əmɨ.

Lk 11:9

“Əne mə ghà ɨ nən ni, mbə̀ nɔn, Ŋwìə̀ bɨrɨ naʼ ɨ nən. Mbə̀ kəbə, Ŋwìə̀ bɨrɨ ghɨ̀ ni mbə̀ zə. Mbə̀ goŋgɨ, Ŋwìə̀ bɨrɨ fiʼ ɨ nən.

1 Pità 2:5

Mbə yeʼe ɨghabɨ əti nɨ yeʼ ɨka ɨmbə̀ʼ mbɨ nɨŋ əwən bɔm nəb əzwî əŋgu. Mbə mɨ ghɨ̀ əne, mbə bɨrɨ yeʼ bə̂d mbàn Ŋwìə̀ zeŋɨ, əne chè ənjìm ə Yeso Kristo naʼ ɨghɨ ə̀fà əzwî mbe nɨ Ŋwiə̀ benɨ.

Jn 5:19

Yeso nyaʼa ghà əmbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni, “Mə ghà rəsìʼ ɨ nən ni, chəi ənɨ tɨ̀ Wan ghɨ̀ ənû ə mɔʼɔ ənɨ i ɨghəm. Məd wɨə ghɨ̀ àmei ɨnû mbe nɨ wɨ̀ zə ənɨ Mbǎʼ ə ghɨ̀ə̀. Ənû ze nɨ Mbǎʼ ə ghɨ̀ə̀, Wan bɨrɨ bɨ ghɨ̀.

Mə̀Hibrù 13:15

Əne tɨ̀ che ənjìm məd wò ɨmbì nàʼ əghɨ ə̀fà nɨ yiirɨ ə Ŋwìə̀, əne yɨ ni, tɨ̀ nɨŋ mba mɨchû mbe nɨ ben ni məd yɨ Ə̀nùŋɨ̀sɨg wumnɨ əməd əŋgu.

Mə̀Hibrù 4:15

Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.

Efesùs 3:14

Mə mɨ kɔndɨ ənû ze nɨ Ŋwiə̀ nyaʼa fə taŋɨ, mə chìndɨ̀ ɨtu ɨnywɨ ɨfě Mbǎʼ

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Jn 4:10

Yeso nyaʼa wììrɨ̀ ɨ bɔ ni, “À mɨ kəʼ kyerɨ əghɨ ze nɨ Ŋwìə̀ ə nàʼə̀, bə̀ kyerɨ wə̀d we nɨə biirɨ mɨnib rɨ ne, njɨ à kəʼ ghà ni wɨ̀ naʼ mɨnib mbe nɨə nàʼ ɨ̀tènɨ̀ ɨ ne.”

Jn 16:7

Mə ghà rəsìʼ ɨ nən ni zɨə kàŋ bɔ̀ŋ ni mə̀ wo ə, ɨmbə̀ʼ ɨghəm nɨ mə mɨ rɨka wo əmɨ, njɨ chəi Ə̀wèèrɨ̀-bə̂d we bɨrɨ yeʼe ɨ nən. Mə mɨ wò, mə bɨrɨ cha əməd ɨ nən.

Jn 13:31

Ənɨ Judàs nyaʼa fə jwɨ i, Yeso nyaʼa ghà ni, “Nyùmə̀ fə kùʼi nɨ mbɨ bɨrɨ wumnɨ Wan Wə̀d, bə̀ wumnɨ ə Ŋwiə̀ ənjìm məd.

1 Kɔrèn 14:13

Əne, wə̀d we nɨə ghàm ɨŋgam rɨsɔ̀ʼɔ̀ berɨ kɔŋgɨ ə Ŋwìə̀ ni wɨ̀ naʼ ɨka ɨ bɔ ni wɨ̀ toʼrɨ ɨnû mbe nɨ wɨə ghàə̀,