Ɨnû 22:7 - Meta’

⁷ Yeso ə ghà ni, “Mbə̀ zə, mə bɨrɨ zambɨ yeʼe! Ŋwìə̀ zɨ əbɔrəbɔd ɨgun ə wə̀d we nɨə ghɨ̀ ɨnû mbe nɨ mbɨ ŋwaʼnɨ ɨŋga ə̀ŋwàʼnɨ̀ zɔ̂ ɨmbə̀ʼ ɨnû mbe nɨ bɨrɨ nɨ ghɨ̀.”

Ikan feg

⁷ Yeso gha, “Mbə̀ zug, mə biri zàmbi yeʼe! Ŋwiye zì àbɔrɔ̀bɔd igun bəd mbe ne zùgrə inug mbe ne mbi ŋwaʼri inga àŋwàʼrì azo̰”.

Ɨnû 22:7 ক্রস রেফারেন্স

Ɨnû 3:11

Mə bɨrɨ zambɨ yeʼe. Àwɔ̀ nuŋ fîŋ ɨgwɨ num, ɨmbə̀ʼ tɨ wə̀d mɔʼɔ fe i ɨneʼe we nɨ à berɨ.

Ɨnû 1:3

Ŋwìə̀ zɨ əbɔrəbɔd ɨgun ə wə̀d we nɨ foŋ mɨŋgam mbɔ̂ ɨmbə̀ʼ ɨnû mbe nɨ bɨrɨ ghɨ̀. Ŋwìə̀ zɨ əbɔrəbɔd ɨgun ə bə̂d mbe nɨ zu mɨŋgam mbɔ̂ bə̀ ghɨ̀ ɨnû mbe nɨ mbɨ ŋwàʼnɨ̀, ɨmbə̀ʼ ɨghəm nɨ nyùmə̀ we nɨ ɨnû mbɔ̂ bɨrɨ ghɨ̀ fə tiinə.

Ɨnû 22:20

Wə̀d we nɨ gha ɨnû mbɔ̂ jìm ə ghà ni, “À yɨ rəsìʼ, mə bɨrɨ zambɨ yeʼe.” À yɨ əne, Ə̀nùŋɨ̀sɨg Yeso, yeʼe!

Ɨnû 22:12

Yeso ə ghà ni, “Mbə̀ zə, mə bɨrɨ zambɨ yeʼe! Mə bɨrɨ yeʼe mbɨ ɨchwɨ we nɨ mə bɨrɨ nàʼ əmbɨ wə̀d mɔʼ mɔʼ ɨgwɨ ɨnû mbe nɨ wɨ̀ ghɨ̌.

Ɨnû 16:15

Ə̀nùŋɨ̀sɨg Yeso ə ghà ni, “Mbə̀ zə, mə bɨrɨ yeʼe ɨghabɨ ɨjɨ! Ŋwìə̀ zɨ əbɔrəbɔd ɨgun ə wə̀d we nɨ chub ɨkyèʼe bə̀ tekɨ ti ngywɨ̌ nùŋ ɨmbə̀ʼ tɨ wɨ̀ yen i tɨ̀sɔ̀ʼ ɨkyerɨ, ətu əməd ə bə̀ nìd ɨmbə̀ʼ ɨchî nɨ bə̂d ə nèŋ əməd!”

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 2:16

Əne beŋ e fîŋ! À mɨ ton beŋ e, mə bɨrɨ zambɨ yeʼe əsɨ ne pè màʼ bid mbɨ mɨ̀mə̌d mbɨ ɨbi bid we nɨ yeʼ ɨŋga mɨ ɨchû.

Ɨnû 3:3

Əne kɔndɨ ɨnû mbe nɨ mbɨ nyaʼa chwiə ɨ ne à zu. Beŋ e fîŋ, nùŋ ɨnû mbe. À mɨ ton nɔʼ e rɨ əŋgwenɨ, mə bɨrɨ yeʼe ɨghabɨ ɨjɨ. Chəi à bɨrɨ kyerɨ ə nyùmə̀ we nɨ mə̀ bɨrɨ yeʼe.

Ɨnû 22:18

Mə wɨə patɨə wə̀d jìm we nɨ zu mɨŋgam mbɔ̂ nɨ mbɨ ə̀ŋwàʼnɨ̀ ɨmbə̀ʼ ɨnû mbe nɨ bɨrɨ ghɨ̀. Wə̀d mɔʼɔ mɨ yì ɨnû əbɔʼ mbɔ̂, Ŋwìə̀ bɨrɨ yi ŋgəʼ kǎ kǎ te nɨ mbɨ mə̌ ɨŋga ə̀ŋwàʼnɨ̀ zɔ̂ ɨgwɨ məd.

Ɨnû 22:19

Wə̀d mɔʼɔ mɨ chɨ ənû ə mɔʼɔ rəbɔʼ mɨŋgam mbɔ̂ nɨ mbɨ ŋwaʼnɨ ɨmbə̀ʼ ɨnû mbe nɨ bɨrɨ ghɨ̀, chəi Ŋwìə̀ bɨrɨ ben ni wɨ̀ nyɨ ɨŋga əsɨ ə zeŋɨ ze, kɨ̀ ni wɨ̀ jɨg rɨtam tɨ ənɨ əzed ze nɨə nàʼ ɨ̀tènɨ̀, nɨ mbɨ mə̌ ɨŋga ə̀ŋwàʼnɨ̀ zɔ̂.

Ɨnû 22:21

Ə̀nùŋɨ̀sɨg Yeso ghɨ ɨ̀chɔ̀m ənɨ ə bə̂d Ŋwiə̀ mɨ̀jìm. À yɨ əne.