Ɨnû 1:7 - Meta’

⁷ Mbə̀ zə, ɨ wɨə yeʼe ɨŋga pàʼ. Bə̂d mɨjìm bɨrɨ zə əməd, ka àbei mbe nɨ nyaʼa zum əməd. Mɨnəbɨ jìm rɨ ɨgwɨ ə si bɨrɨ di ɨmbə̀ʼ əməd. À yɨ ɨchî nɨ zɨə bɨrɨ yeʼ we! À yɨ əne.

Ikan feg

⁷ Mbə̀ nḛ, məd we yèʼe inga pàʼ. Bəd məjìm biri bàd aməd, fɔrɔ bèyi bəd mbe ne ya zùmi məd ane ighɔŋ, zweti. Tinəbi tijìm igun isəg biri dèg imbə̀ʼ aməd. À ya icheg ne ze biri yaʼ! À ya ane.

Ɨnû 1:7 ক্রস রেফারেন্স

Matìyò 24:30

“Nyùmə̀ we mɨ kùʼ, ənweenɨ ze nɨ chwiə ni Wan Wə̀d wɨə yeʼe ə bɨrɨ jwɨ̀ əton ɨkaŋ, əne mɨnəbɨ jìm rɨ ɨgwɨ ɨsɨg bɨrɨ dì. Mbɨ bɨrɨ zə Wan Wə̀d nɨə yeʼe ɨgwɨ ə pàʼ, zə ɨka we nɨ wɨ̀ berɨ bə̀ zə ɨwumnɨ kyeŋ we nɨ wɨ̀ bə̀ berɨ.

Jn 19:37

Mbɨ ŋwàʼnɨ̀ ɨŋga əsɨ Ə̀ŋwàʼnɨ̀ ə Ŋwiə̀ ə cherə ni, “Mbɨ bɨrɨ neŋ əməd we nɨ mbɨ nyaʼa zum ənɨ ɨwɔŋ.”

Mk 14:62

Yeso nyaʼa wììrɨ̀ ni, “Mə yɨ wɨwən. Əne mbə bɨrɨ zə Wan Wə̀d nɨ chub əbà əbɔ ə jɨg ə Ŋwìə̀ we nɨ berɨ ɨka jìm, bə̀ zə ənɨ wɨə swiʼ ɨŋga pàʼ.”

Lk 21:27

À yɨ ənɨ ə nyùmə̀ we nɨ mbɨ bɨrɨ zə Wan Wə̀d nɨə yeʼe ɨŋga pàʼ, zə ɨka we nɨ wɨ̀ berɨ bə̀ zə ɨwumnɨ kyeŋ we nɨ wɨ̀ bə̀ berɨ.

1 Tèsàlonikà 4:17

Mbe nɨə zwemə, Ŋwìə̀ sɨ nɨŋ mba mbe nɨ yeʼ ɨkǎ nɨ sɨ buʼ ɨgwɨ ɨsɨg ni tɨ̀ wo fɔtɨ mbɨ mɨ̀mə̌d ɨŋga pàʼ əne bòmnɨ̀ mbɨ Ə̀nùŋɨ̀sɨg ɨŋga ɨfə. Əne tɨ̀ bɨrɨ sɨə chubə mbɨ Ə̀nùŋɨ̀sɨg koŋ.

1 Tèsàlonikà 1:10

Mbɨ nyaʼa bə̀ ghà ni mbə mbɨə wòmə̀ ni Wan Ŋwìə̀ we nɨ wɨ̀ nyaʼa zwemnɨ wɨrɨ yeʼe rɨkaŋ. Wan we yɨə Yeso we nɨə chɨ̀ əwa rɨŋga ŋgəʼ ze nɨ Ŋwìə̀ bɨrɨ sə ɨtəm chə bə̂d ɨnû rɨbɔ̀ŋ.

Mk 13:26

“Ənɨ ə nyùmə̀ we, bə̂d bɨrɨ zə Wan Wə̀d nɨə yeʼe ɨŋga pàʼ, zə ɨka kyeŋ we nɨ wɨ̀ berɨ bə̀ zə ɨwumnɨ we nɨ wɨ̀ bə̀ berɨ.

Jûd 1:14

À yɨ ɨmbə̀ʼ ə bə̂d mbɔ̂ nɨ Enɔ̀k nyaʼa ghamɨ rəŋwe. Enɔ̀k yɨə nyaʼə tɨ ənɨ əghaŋ ə Adàm nɨ pè ənɨ ɨwaŋ sambe. Wɨ̀ nyaʼa ghà ni, “Mbə̀ zə, Ə̀nùŋɨ̀sɨg wɨə yeʼe mbɨ mbi mbɨ̀aŋgɨrə̀ zeŋɨ chuʼ mbɨ ə chuʼ

Matìyò 26:64

Yeso nyaʼa wììrɨ̀ ɨ bɔ ni, “À fə ghà əne. Àyɨə mə ghà ɨ nən ni, ɨ kɔ rɨ̀nîn, mbə bɨrɨ zə Wan Wə̀d nɨ chub əbà əbɔ ə jɨg ə Ŋwìə̀ we nɨ berɨ ɨka jìm, bə̀ zə ənɨ wɨə yeʼe ɨgwɨ ə pàʼ.”

Ɨnû 22:20

Wə̀d we nɨ gha ɨnû mbɔ̂ jìm ə ghà ni, “À yɨ rəsìʼ, mə bɨrɨ zambɨ yeʼe.” À yɨ əne, Ə̀nùŋɨ̀sɨg Yeso, yeʼe!

1 Jɔn 3:2

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ yɨə bɔn Ŋwiə̀ tɨ̀nîn. Chəi zɨə kɨrɨ zeŋ ni tɨ̀ kɨə wò yeʼ rɨ ye ənɨ ə Kristo wɨrɨ yeʼe. Ənû nɨ tɨ̀ kyerɨ yɨ ni tɨ̀ bɨrɨ yeʼ ɨghabɨ əməd, ɨmbə̀ʼ ɨghəm nɨ tɨ̀ bɨrɨ zə əməd ɨchî nɨ wɨ̀ yeʼ ə.

Mə̀Hibrù 10:29

Zɨə nɨə yeʼ əne, njɨ mbə kɔn əzən ni à kɨ ɨkwɨ ɨchə nɨ kaanɨ rɨ ye nɨ tɨ̀ mbɨ nàʼ əmbɨ ə wə̀d we nɨ təənɨ Wan Ŋwìə̀, tìbrɨ̀ ənəm ze nɨ mbɨ nyaʼa nɨŋ san fɨso fe nɨ nyaʼa zeŋnɨ əməd, bə̀ zɔ̀m Əzwî ə Ŋwiə̀ ze nɨə ghɨ̀ ɨ̀chɔ̀m ənɨ ə na ə?

Jn 19:34

Àyɨə sɔgyɨ̀ fibɨ̀ nyaʼa zum ɨban ɨbeŋ məd ənɨ i ɨwɔŋ. Àmei əwu əwən, ənəm mbɨ mɨnib nyaʼa jwɨ̀ rəŋgu.

Ɨnû 22:4

Mɨ̀mə̌d bɨrɨ zə ɨfě Ŋwiə̀. Mbɨ bɨrɨ bɨ ŋwaʼnɨ ɨkum Ŋwiə̀ ənɨ ɨkəŋ ɨsɨ mɨ̀mə̌d.

Mə̀Hibrù 6:6

Mbɨ mɨ fə ton ə Ŋwiə̀, njɨ zɨə kàŋ seə nɨ wɨrɨ ghɨ ni mbɨ beŋ tə fîŋ, ɨmbə̀ʼ ɨghəm nɨ ɨ mbɨə wɨrɨə kòmbɨ̀ ə Wan Ŋwìə̀ əzed ə baʼnɨ bə̀ nàʼə̀ tɨ̀nìd ətu ɨ bɔ əsaŋ əsaŋ.

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Matìyò 16:28

Mə ghà rəsìʼ ɨ nən ni chəi bə̂d mɔʼɔ rəbɔʼ mbɔ̂ nɨ təmbɨ əgha bɨrɨ kwɨ ə zɨ rɨ tɨ̀ mbɨ zə Wan Wə̀d nɨə yeʼe ɨghabɨ ɨfɔ̀n.”

Matìyò 25:31

“Ənɨ Wan Wə̀d wɨrɨ yeʼe ɨghabɨ ɨfɔ̀n mbɨ mbɨ̀aŋgɨrə̀ mɨ̀jìm mbɨ məd, wɨ̀ bɨrɨ chub ɨgun e ətən ɨfɔ̀n.