2 Pità 2:7 - Meta’

⁷ Wɨ̀ nyaʼa bə̀ chɨ ə Lɔ̂t rəŋgəʼ. Lɔ̂t yɨə nyaʼə wə̀d chɔ̀m. Ɨ wɨə nyaʼə kàŋə̀ kə̀n ɨmbə̀ʼ ɨnyamnɨ-ɨnû mbe nɨ bə̂d mbe nɨ chəi mbɨ nyaʼə wumnɨ ə Ŋwiə̀ nyaʼə ghɨ̀ə̀.

Ikan feg

⁷ Wì ya pumni Lɔd ne ya yaʼi wə̀d ne təmi kòʼ bə̀ yaʼ wə̀d ne inug tibɔ̀ŋ ìmbi bəd mbe ne chəyi mbe nɔ̀ŋɔ̀ mə̀nɔ̀ʼɔ̀ yaya se aməd.

2 Pità 2:7 ক্রস রেফারেন্স

2 Pità 3:17

Əne mbə̀nə mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ fə bè kyerɨ ə ənû zɔ̂. Mbə̀ we əwən ɨmbə̀ʼ ɨchî nɨ bə̂d mbe nɨ chəi mbɨ kyerɨ tɨkə ə kəb febrɨ əwən, njɨ mbə bɨrɨ nim ɨnə̂njɨ̀, əne feŋ rɨ əsɨ ze nɨ mbə kəʼ fə təm ɨgun kàànɨ̀.

1 Kɔrèn 10:13

Chəi ənû ə mɔʼɔ ə kweʼ numbɨ əwən nɨ chəi zɨə kweʼ numbɨ bə̂d cherə. Ŋwìə̀ wɨə ghɨ̀ ənû ze nɨ wɨ̀ kàʼi, əne ka wɨ̀ bɨrɨ saŋ i ni ənû ə mɔʼɔ ə numbɨ əwən chè ə ɨka. Ənɨ mbɨ numbɨ əwən, wɨ̀ bɨrɨ chwi ɨnə̂njɨ̀, ɨmbə̀ʼ mbə mbe tɨ̀ mbə nyìʼ ənû ze.

2 Pità 2:2

Bə̂d mɨ̀nɔnɔʼ bɨrɨ kɨrɨ beenɨ əbɔʼ ɨnyamnɨ-ɨnû məchwiə̀-ɨnû mɨ̀ghab mbe. À yɨ ɨmbə̀ʼ ɨnû mbe nɨ mbɨə ghɨ̀ə̀ nɨ bə̂d bɨrɨ gha ɨnû rɨbɔ̀ŋ ɨmbə̀ʼ ɨchî rəsìʼ we nɨ bə̂d berɨ chubɨ.

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.

Jûd 1:4

Mə wɨə ghà əne ɨmbə̀ʼ ɨghəm nɨ bə̂d mɔʼɔ nɨ chəi mbɨə wumnɨ ə Ŋwiə̀ fə nyaʼrɨ yeʼe nyɨ əkaʼ nən. Ɨ mbɨə bèŋ ɨ̀chɔ̀m a Ŋwìə̀ ɨmbə̀ʼ ghɨ ɨnyamnɨ-ɨnû. Ɨ mbɨə bə̀ ton ə Yeso Kristo nɨ àmei məd yeʼ a Mbǎʼ ə̀fàʼì bə̀ yeʼ a Ə̀nùŋɨ̀sɨg we mɔʼ. Ə̀ŋwàʼnɨ̀ ə Ŋwìə̀ ə nyaʼa fə ghà rəŋwe ni Ŋwìə̀ bɨrɨ zɨ ɨsaʼi ɨgwɨ mɨ̀mə̌d.