Lk 9:44 - Ikan feg

⁴⁴ “Mbə̀ zug anug azo̰ ne mə ghà inən kwàʼ icheg chɔm. Mbi biri fèn Ŋwan Wə̀d abə bəd.”

Meta’

⁴⁴ “Mbə̀ zu ɨŋgam wɔ̂ wɨ̀ jeŋgɨ nyɨ ɨŋga mbə ɨtu. Ɨŋgam rəŋgu yɨ ni mbɨ bɨrɨ fen Wan Wə̀d əmbɨ ə bə̂d.”

Lk 9:44 ক্রস রেফারেন্স

Ɨ̀fàʼì 2:23

Ŋwiye ya fə kyeri àzi aghi, ane, wi ya fə nɔ̀ŋì gha mbi biri gwì Yeso gho̰ nàʼ inən. Mbə̰ biri ghì gha bəd mbe ne ghìyə̀ inug tibɔ̀ŋ mbe kɔmbɔ məd igun azed abaʼri, zwèti.

Lk 9:22

Wì ya si chè imbìghè gha, “Ŋwan Wə̀d biri zə̰ ngəʼ ne nɔʼi igun isəg aŋa. Itog bəd inga aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀ biri to̰ awɔb məd. Mbi biri bə zweti aməd, si ya gha, ineg biri pè ane itad, Ŋwiye zwèmne məd ane iwu.”

Mə̀Hibrù 2:1

Ze bɔ̀ŋ gha tì mənyìʼ zì atog taŋ nyìmi inug ijìm mbe ne tì ya zughi ni gha imbə̀ʼ tì nɔ̀ʼ sàŋì se fàʼà yaʼ ìmbi ndəŋ.

Lk 2:19

Mèri ya nɔ̀ŋì inug mbo̰ ijìm inga ìzi fìŋ se chìyè kɔ̀ndɔ.

Jn 19:11

Yeso ya ywìtì gha, “Chəyi tì àghò ghi aghi mɔ̀ʼɔ inum ane chəyi Ŋwiye kə̀ nàʼi ika ine. Ane, wə̀d we ne nàʼi amə ine fə ghì anug tibɔ̀ŋ ne bə̀ chè.”

Jn 16:4

Mə ya anìŋ fə ghà inug mbo̰ inən imbə̀ʼ nyùmə̀ ghi mə kòʼ, mbə biri wendi gha mə̀ ya fə pati awən. Chəyi mə̀ ya bi ghà inug mbo̰ inən anyumə̀ ne mbə̀ ya ko ni beni abɔ̀ʼ inum imbə̀ʼ icheg ne mə̀ ya yaʼ tì inən.”

Lk 24:44

Wì ya kud ane si ghà inɔb gha, “Aŋa ya inug mbe ne mə̀ yaya ghà inən anyumə̀ ne mə̀ ya yaʼi tì inən. Inug ijìm mbe ne Muse ya gha inga mə̀nɔ̀ʼɔ̀ tì inug ijìm mbe ne bədkə̀n Ŋwiye ya gha, fɔrɔ inug ijìm mbe ne àŋwàʼrì mə̀Sam gha, mbi mənyìʼ dù.”

Lk 18:31

Yeso ya kàrì bədtɔm məd mbe ìghum chɔ̀b ibe ghò iban, si ghà inɔb gha, “Tì ya anìŋ kɔ̀ʼɔ ghò a Jèrusalèm. Inug ijìm mbe ne bədkə̀n Ŋwiye ya ŋwàʼrì imbə̀ʼ Ŋwan Wə̀d biri dù.

Lk 2:51

Ane, Yeso ya bə̀ndì ghò a Nazarèd tì inɔb. Wì yaya zùgrə awɔb. Ngɔb məd ya zug inug mbo̰ ijìm nyìmi inga fìŋ.

Lk 1:66

Wə̀d ijìm ne ya zughi anug azo̰, ya kɔndi inga fìŋ bə̀ se bìre gha, “Ŋwan gho̰ kə ghum yaʼ iku ŋwan weg?” Ze ya fə dù zen gha ika Anɔŋisəg we igun məd.

Mk 9:31

Wì ya ghì ane imbə̀ʼ icheg ne wì yaya chwìte inug abə ìmbi mə̀mə̀nənùg gha, “Mbi biri fèn Ŋwan Wə̀d abə bəd, mbi zweti aməd. Si ya gha, igun aneg ne pè ane itad, wì ywirì zwème ane iwu.”

Mk 8:31

Yeso ya ko ni chwiti inug abə ìmbi mə̀mə̀nənùg gha, Ŋwan Wə̀d bèrì ni taŋ zə̰ ngəʼ, bəd kyen mbe inga aben tì itog bəd mbàn Ŋwiye tì mə̀chwitì mə̀nɔ̀ʼɔ̀ biri to̰ awɔb məd. Mbi biri zweti aməd. Igun aneg ne pè ane itad wì zwème ane iwu.

Matìyò 26:2

“Mbə̰ kyèri àzən aghi gha à si bùʼ ineg ibe ni jəg Iteri Chègun. Inga ineg iteri mbo̰, mbi biri gwì Ŋwan Wə̀d nàʼ gha mbe kɔmbɔ igun azed abaʼri.”

Matìyò 16:21

Ni ko ane nyùmə̀ we ne Pità ya mə̀ti wə̀d ne Yeso yaʼi ìwiwən, Yeso ya ko se mə̀tə̀ icheg ne wì mənyìʼ ghò a Jèrusalèm abə mə̀mə̀nənùg məd. Wì ya mə̀tì icheg ne wì biri zə̰ ngəʼ nɔʼ nɔʼ ikye abo abə itog bəd inga aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀. Wì ya gha, mbi biri mənyìʼ zwèti yi, àsi igun aneg ne pè ane itad, Ŋwiye zwemni aməd ane iwu.

Jn 16:31

Yeso ya ywìtì gha, “À ya anìŋ mbə̀ kə bḛ!