Lk 18:32 - Ikan feg

³² Mbi biri nàʼ aməd abə bəd ne kayi mə̀Ju. Mbi biri chəʼ aməd, zɔ̀mbɔ aməd, ched timad igun məd, te aməd bə̀ zwète aməd.

Meta’

³² Mbɨ bɨrɨ yim əməd nàʼ əmbɨ bə̂d mbe nɨ kaʼi mɨ̀Jû. Bə̂d nɨ kaʼi mɨ̀Jû bɨrɨ baʼrɨ əməd, naʼ tɨ̀nìd ətu ɨ bɔ bə̀ chèd mad ənɨ məd.

Lk 18:32 ক্রস রেফারেন্স

Lk 23:11

Erɔ̀d tì mə̀sogyì məd ya chəʼə Yeso, bə̀ ywìrì chàpà aməd. Mbɔb ya zì ndwi àka inun igun məd si ywìrì chà aməd abə Payilèd.

Ɨ̀fàʼì 3:13

Wə̀d ne ghi wə̀d gho̰ nɔ̀ʼ se yḛ̀ ya Ŋwiye we ne Abràham tì Jàkɔb tì Azìg fɔrɔ ìmba mə̀mbaʼ aneg yaya ghùmnə. À ya məd nàʼi ighumni abə wə̀d àfàʼì məd Yeso Kristo. Mbə̰ ya ton awən məd kwàʼ imbìghè abə Payilèd. Mbə̰ ya kə̀b àzən gha mbe zweti aməd ne Payilèd ya kə̀bi ni sàŋì aməd.

Mk 14:65

Bəd mɔ̀ʼɔ ya ko se ched timad igun məd. Mbi ya bə̀ kɔd aghə məd, kɔ̀m aməd ane abo, si ghà ibo gha, “Mə̀ti wə̀d ne kɔ̀mi awe!” Bəd mbe ne nə̀ngə mbàn Ŋwiye ya bə̀ niŋ aməd sɔm.

Matìyò 26:67

Anyumə̀ ne mbɔb ya gha ane, mbi ya ched timad igun ìfe abə Yeso, bə̀ sɔm aməd. Mbi mɔ̀ʼɔ tì bəd ya twi aməd,

Matìyò 16:21

Ni ko ane nyùmə̀ we ne Pità ya mə̀ti wə̀d ne Yeso yaʼi ìwiwən, Yeso ya ko se mə̀tə̀ icheg ne wì mənyìʼ ghò a Jèrusalèm abə mə̀mə̀nənùg məd. Wì ya mə̀tì icheg ne wì biri zə̰ ngəʼ nɔʼ nɔʼ ikye abo abə itog bəd inga aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀. Wì ya gha, mbi biri mənyìʼ zwèti yi, àsi igun aneg ne pè ane itad, Ŋwiye zwemni aməd ane iwu.

Ɨ̀fàʼì 2:23

Ŋwiye ya fə kyeri àzi aghi, ane, wi ya fə nɔ̀ŋì gha mbi biri gwì Yeso gho̰ nàʼ inən. Mbə̰ biri ghì gha bəd mbe ne ghìyə̀ inug tibɔ̀ŋ mbe kɔmbɔ məd igun azed abaʼri, zwèti.

Jn 18:35

Payilèd ya ywìtì ibo gha, “Mo wa kə Ju? Imbə̀ʼ à ya ìmbe bəd fɔrɔ itog bəd mbàn Ŋwiye cha awe inum? Anug ne àghò gùghi, àkə aghə?”

Jn 18:30

Mbi ya ywìtì gha “Àkə aghi ne chəyi wì kə̀ gùghi anug, nji chəyi tì niŋ aməd yèʼe nàʼ ine.”

Jn 18:22

Anyumə̀ ne Yeso ya ghàmi anìŋ, wə̀d mɔ̀ʼɔ ne yaya chə̀ʼə̀ mbàn Ŋwiye ya yaʼ iban itəmi. Wì ya kɔ̀m Yeso igun ife. Wì ya kɔ̀m aməd ane, si bìri ibo gha, “Aŋa kə ikuchèg ne àghò biri ywìtì anug abə atog wə̀d igun bəd mbàn Ŋwiye?”

Lk 23:35

Bəd ya təm iban se nḛ̀. Itog bəd yaya chàpà aməd. Mbi ya gha, “Wì yaya pùmnə bəd ndəŋ. Àmə yaʼ aghə ne məd yaʼi Wə̀d we ne Ŋwiye zɔ̀ʼi, ne Ŋwiye bə̀ chɔʼ, wì pumni ìwi nyɔd.”

Lk 23:1

Itog bəd mbe məjìm ya niŋ Yeso ghò abə Payilèd ne yaʼi gɔbnà.

Matìyò 27:2

Mbɔb ya chuʼri ane, gwì aməd kɔd niŋ ghò nàʼ abə Payilèd ne ya yaʼi gɔbnà.

Jn 18:28

Isusu izimi izimi, mə̀Ju ya niŋ Yeso abə Kayifàs ghò tì məd inga ìtɔʼ Payilèd ne yaʼi gɔbnà. Chəyi itog bəd mə̀Ju ya nyi inga ìtɔʼ ze imbə̀ʼ icheg ne mbi yaya kə̀bə̀ ni ya zḛ icheg ne mə̀nɔ̀ʼɔ̀ chwi imbə̀ʼ jəg Iteri Chègun.

Mk 15:1

Kwàʼ isusu izimi izimi, itog bəd mbàn Ŋwiye tì bəd kyen mbe inga aben tì mə̀chwitì mə̀nɔ̀ʼɔ̀ bə̀ fɔrɔ itog bəd ne sàʼa aben məjìm ya nyimi ifeti ni chuʼri anug ne mbi biri ghì tì Yeso. Mbi ya chuʼri ane, kɔd aməd, niŋ ghò nàʼ abə Payilèd.

Matìyò 20:19

Mbi biri ghì ane, nàʼ aməd abə bəd ne kayi mə̀Ju gha mbe chapa aməd, ywìri aməd ane fìngwàn, bə̀ kɔ̀mbì aməd igun azed abaʼri. Si ya gha, ineg mə̀ pè ane itad, Ŋwiye zwemni aməd.”

Matìyò 22:6

Mə̀mbin ya gwìtì bəd àfàʼì məd mbe ne wì ya cha, chə awɔb, zwèti.

Lk 18:33

Si ya gha, wì biri zwemne ane iwu ane ineg pè ane itad.”

Jn 18:32

Anug azo̰ ya dù anìŋ imbə̀ʼ ìngam we ne Yeso ya ghàmi, mə̀tì iku iwu ne wì biri ku, wi duwə ane tesiʼ.