Jn 6:27 - Ikan feg

²⁷ Imbə̀ʼ mbə̰ fàʼa awən məyi ni beri ighijəg ne biri bə. Mbə̀ fàʼa yaʼ ni beri ighijəg ne biri ghì gha bəd beri ìtḛ̀ ighə̀m imɔʼ. Ighijəg mbe ya mbe ne Ŋwan Wə̀d biri nàʼ inən. Ŋwiye we ne yaʼi Mbaʼ fə nàʼ ika ibo gha wì ghiyə ane.”

Meta’

²⁷ Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

Jn 6:27 ক্রস রেফারেন্স

Kòlosè 3:2

Mbə̀ nɔŋɔ ìtən tikɔndi məyi igun ighi mbe ne yaʼi ikaŋ àbɔ̀ŋɔ, kayi igun ighi mbe ne yaʼi igun isəg.

Jn 6:54

Wə̀d ne kuri ìmə nyàmnyɔd bə̀ no àmə anəm, wì biri jəg ìtḛ̀ ighə̀m imɔʼ. Mə biri zwemni aməd ane iwu igun aneg ìnwḭ.

2 Timotì 2:19

Si ya gha, ati nəb ka ka ze ne Ŋwiye ya fə zi, ze təm kà. Mbe ŋwàʼrì igun gha; “Anɔŋisəg kyèri bəd mbe ne yaʼi ìmbi məd” bə̀ ŋwàʼrì gha, “Wə̀d ijìm ne bḛ gha zìye ya wə̀d Anɔŋisəg Yeso, wì mənyìʼ waʼ inug tibɔ̀ŋ”.

Jn 6:40

Anug ze ne ìmə Mbaʼ we kə̀bə̀ ya gha, bəd məjìm ne zì ìwɔb ibḛfiŋ igun Ŋwan məd, mbɔb biri jəg ìtḛ̀ ighə̀m imɔʼ. Mə biri zwemni awɔb ane iwu ane aneg ìnwḭ.

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

Jn 10:28

Mə ya nàʼà ìtḛ̀ ighə̀m imɔʼ inɔb. Chəyi mbɔb biri nɔ̀ʼ ku nim. Chəyi tì wə̀d mɔ̀ʼɔ chì awɔb inga ìtum tikye abo.

Jn 6:51

Mo ya ngə̀ŋ ze ne swiʼi ikaŋ àbɔ̀ŋɔ ne nàʼà ìtḛ̀. Mbə̰ mə̀ jəg ngə̀ŋ izo̰, mbə biri chughi izɔm ane ighə̀m imɔʼ. Ngə̀ŋ ze ne mə̀ biri nàʼ abə wə̀d ijìm igun isəg gha wì jəg bèrì ìtḛ̀, à ya ìmə nyàmnyɔd.”

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Jn 17:2

Àghò fə nàʼ ika ibo igun bəd məjìm ni ghì gha wì nàʼ ìtḛ̀ ighə̀m imɔʼ abə bəd məjìm mbe ne àghò nàʼi ibo.

Matìyò 6:19

Yeso ya chè imbìghè gha, “Imbə̀ʼ mbə̰ nɔŋɔ awən ìmbən ighi igun isəg ne ìfùmə fɔrɔ ìsəʼə biri chìkì kə̀ məji tòʼ nəb nyi ji.

Jn 6:58

Ngə̀ŋ ìzo̰ ya ze ne nɔ̀ʼi ikaŋ àbɔ̀ŋɔ. Ìmbən mə̀mbaʼ aneg ya kurə manà bə̀ kiri ku, si ya gha, wə̀d ne jəghi ngə̀ŋ ìzo̰ biri yaʼ izɔm ane ighə̀m imɔʼ.”

2 Pità 1:17

Ŋwiye ya nàʼ ighumni fɔrɔ ìzḛzḛ njandi njandi ibo anyumə̀ ne gì Ŋwiye ne mbə̰ mbe nàʼà ighumni kyen ibo ya gha gha, “Aŋa ya ìmə Ŋwan ne mə̀ taŋ kɔ̀ŋ ne ghìyə̀ mə gyende.”

Fìlipì 2:13

Mbə̀ kyeri gha, à ya Ŋwiye we fàʼà inga ìtən fìŋ ni ghì gha mbə̀ ya ghìyə̀ inug chɔm mbe ne məd kə̀bi. À ya məd we bə̀ nàʼà ika inən ni ghì inug mbe ne məd kɔ̀ŋi.

1 Pità 1:24

A ze inga Àŋwàʼrì Ŋwiye gha, “Bəd məjìm ya icheg agyen. Ìwɔb ighumni ya icheg ngwèn mbè tewàrà. Agyen mə̀ nə̀ŋə̀, mbe tewàrà bə̀ nə̀ŋə̀ kwè.

Lk 3:22

Azwighi Ŋwiye swiʼi ikaŋ icheg bupə pè nàŋa igun məd. Gì mɔ̀ʼɔ ya ghàm ikaŋ àbɔ̀ŋɔ gha, “Àghò ya ìmə Ŋwan Mbaŋà ne mə̀ taŋ kɔ̀ŋ. Mə gyèndi ako imbə̀ʼ awe.”

1 Tèsàlonikà 1:3

Mà nyumə̀ ijìm ne te chàʼrà Ŋwiye tì we wènde àzən àfàʼì abə Ŋwiye ne yaʼi ìwa Mbaʼ. À ya àfàʼì ne mbə̰ mbe fàʼà imbə̀ʼ icheg ne mbə̀ zì ibḛfiŋ igun Kristo fɔrɔ imbə̀ʼ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi ne tì yaʼi ane anug amɔʼ inga Kristo. Tì we bə̀ wènde icheg ne mbə̰ mbe nyìʼè inug imbə̀ʼ icheg ne mbə̀ nɔŋi ikɔndi igun ìwa Anɔŋisəg Yeso Kristo.

Kòlosè 1:29

Mə we kìrə ika ghìyə̀ inug ijìm ni fàʼ anug azo̰ ane ika we ne Kristo nàʼi inum.

Jn 3:33

Àsi wə̀d we ne bḛ anug məd, ze chwi gha, tengàŋ bḛ gha anug ne Ŋwiye we ghà ya tesiʼ.

Ɨ̀fàʼì 2:22

Mə̀Izre! mbə̀ taŋ zug ìngam gho̰: Yeso we a Nazarèd ya wə̀d ne Ŋwiye ya chɔʼi. Mbə̰ kyèri àzən aghi gha Ŋwiye ya chè anjìm məd ghì iyeti inug kyen kyen mbə̰ bàd.

Jn 6:68

Sayimùn Pità ya biri ibo gha, “Anɔŋisəg, tì kə ywiri ghò abə we? À ya məyi àghò beri ìngam we ne nàʼà ìtḛ̀ ighə̀m imɔʼ.

Lk 9:35

Gì mɔ̀ʼɔ ya si ghàm inga pàʼ ze gha, “Aŋa ya ìmə Ŋwan ne mə chɔʼi. Mbə̀ zug anug ne we ghà.”

Mə̀Hibrù 12:16

Imbə̀ʼ wə̀d mɔ̀ʼɔ abɔ̀ʼ inən ya nɔ̀kɔ̀ yi mbaŋà kə̀ mə̀yi abu abu. Imbə̀ʼ wə̀d mɔ̀ʼɔ bə yaʼ yi icheg Esawò ne chəyi wì ya kyeri Ŋwiye. Esawò yaya ghìyə̀ inug ne chəyi mbi koʼi imbìghè abə Ŋwiye. Chəyi wì yaya bə̀ bɔ Ŋwiye. Wì ya fèn àzi ati ŋwan mbèg ane akaŋ ighijəg.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Mə̀Hibrù 4:11

Ane, tì kirə ika ni nyi inga asiŋi àzwètì ze ne Ŋwiye we nàʼà abə bəd məd, ni gha imbə̀ʼ wə̀d mɔ̀ʼɔ nɔ̀ʼ ghì tìzughə icheg ne ìmba mə̀mbaʼ aneg ya ghi tìzughə̀ abə Ŋwiye si sam àzwètì ze.

Kòlosè 2:22

Mə̀nɔ̀ʼɔ̀ mbo̰ məjìm ya ghàmà məyi imbə̀ʼ ighi mbe ne biri bə icheg ne bəd mbe bètè. Mə̀nɔ̀ʼɔ̀ mbe ya tikə bəd tì inug ne bəd tangi nɔ̀ŋì se chwìte.

1 Kɔrèn 9:2

Ka chəyi bəd mɔ̀ʼɔ bḛ gha mo ya wə̀dtɔm Kristo, mə kyèri gha mbə̰ bḛ. Aneni ni chwi gha mo ya wə̀dtɔm Kristo ya icheg ne mbə̀ yaʼi ane ifɔti tì Anɔŋisəg.

1 Kɔrèn 6:13

Wə̀d ndəŋ we tì wì gha, “Ighijəg mbe ne bəd mbe jə̀ghə ya chè ghò inga fibum imbə̀ʼ icheg ne fibum ya abə ighijəg.” Tesiʼ ne angu ya gha, Ŋwiye biri zì ìnwḭ ane ighi mbo̰ ibe. Chəyi Ŋwiye ya tangi nyàmnyɔd wə̀d gha mbi ŋa fànà. Tì kòʼ ni niŋ ìta nyàmnyɔd fàʼ abə Ŋwiye. À ya Anɔŋisəg we kyèʼrè ìta nyàmnyɔd.

Rm 4:11

Àŋwerì ze ya yaʼ aneni ni chwi gha Ŋwiye niŋ aməd ane wə̀d ne təmi kòʼ anjìm ibḛfiŋ məd anyumə̀ ne chəyi mbi ya kiri ŋweri aməd. Ane, Abràham ya mbaʼ mbègtog abə bəd mbe ne nɔŋi ibḛfiŋ igun Ŋwiye ne chəyi mbi ŋweri awɔb. Ze ya yaʼ ane ni ghì gha Ŋwiye bə niŋ awɔb ane bəd ne təmi kòʼ.

Jn 15:24

Icheg ne mə ghi inug ne chəyi wə̀d mɔ̀ʼɔ kə kweʼì ghì inɔb, mbi biri nyimi awɔb ane ìmbɔb inug tibɔ̀ŋ. À ya ane imbə̀ʼ icheg ne, mbɔb bàd iyeti inug mbe bə̀ kiri pab amə, bə̀ pàb ìmə Mbaʼ.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 11:42

Mə kyèri gha, àghò we kà zùghə mə mà nyumə̀ ijìm. Mə ya ghàmà anìŋ ni ghì gha bəd mbo̰ ne aŋa asiŋi, mbe bḛ gha, à ya àghò cha amə.”

Jn 8:18

Mə ya ghà inug imbə̀ʼ ìmə nyɔd. Wə̀d ndəŋ ne ghà inug imbə̀ʼ amə ya ìmə Mbaʼ we ne cha amə.”

Mk 9:7

Anyumə̀ we, Pàʼ mɔ̀ʼɔ ya kubri awɔb, gì mɔ̀ʼɔ si ghàm inga pàʼ ze gha, “Aŋa ya ìmə Ŋwan ne mə̀ taŋ kɔ̀ŋ. Mbə̀ zug anug ne we ghà!”

Mk 1:11

Gì mɔ̀ʼɔ ya bə̀ ghàm ikaŋ àbɔ̀ŋɔ gha, “Àghò ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ awe.”

Matìyò 17:5

Icheg ne wì yaya kiri ghamà, pàʼ ne yaya fùyə njànda ya kəndi awɔb mbɔb məjìm. Gì mɔ̀ʼɔ ya si ghàm inga pàʼ ze gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd. Mbə̀ zug anug ne we ghà!”

Matìyò 3:17

Gì mɔ̀ʼɔ ya si ghàm ikaŋ àbɔ̀ŋɔ gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd.”

Jems 1:11

Nyùmə̀ ya zùʼə kà, achwi ghìyə̀ ighi nə̀ŋə̀. Anyumə̀ ne ighi nəŋə, tewàrà fèndi. Nyùmə̀ ne tewàrà fèndi, chəyi ighi mbe mbe ywìrè bèrè ngwèn. À ya bə̀ ane ne wə̀d ikab biri nim icheg ne we nòtò anjìm abə ìmbi ighi.

2 Kɔrèn 4:18

Ane, chəyi tì zi ìta fìŋ igun ighi ne te bàrà. Tè zì ìta fìŋ yaʼ igun ighi ne chəyi te bàrà. Aton ya gha, ighi mbe ne te bàrà, chəyi mbe tàndà. Àsi ighi mbe ne chəyi te bàrà, à ya ighi ne yaʼi ane ighə̀m imɔʼ.

Matìyò 8:20

Yeso ya ywìtì gha, “Ìchɔb bèrì ìmbɔb isiŋi chughi, tìnən bə̀ bèrì ìtɔb kàn, àsi Ŋwan Wə̀d, chəyi wì beri achan.”

Matìyò 25:46

Ane, mbi biri si ghò nyi inga asiŋi ichə ne chəyi ìnwḭ. Àsi bəd mbe ne yaya ghìyə̀ inug ne koʼi, mbɔb biri jəg ìtḛ̀ ighə̀m imɔʼ.”

Jn 3:15

Mbi biri nɔ̀ aməd ane ni gha wə̀d ijìm ne nɔŋi ibḛfiŋ igun məd mənyìʼ jəg ìtḛ̀ ighə̀m imɔʼ.

Jn 6:47

Mə gha tesiʼ inən gha, wə̀d ne bḛ anug azo̰ biri jəg ìtḛ̀ ighə̀m imɔʼ.

Jn 6:53

Yeso ya ghà inɔb gha, “Mə ghà tesiʼ inən, àmə chəyi mbə̀ kuri nyàmnyɔd Ŋwan Wə̀d bə̀ no anəm məd, chəyi mbə̀ biri jəg ìtḛ̀.

Jn 6:62

Mbə̀ kə ghum si ghì iye anyumə̀ ne mbə̀ bari Ŋwan Wə̀d we ghò yi ikaŋ, asiŋi ze ne wi yaya bè angu?