Jn 5:42 - Ikan feg

⁴² imbə̀ʼ icheg ne mə kyèri iku bəd ne mbə̀ yaʼi mbiwən. Chəyi mbə̰ mbe kɔ̀ŋɔ̀ Ŋwiye kwàʼ inən inga fìŋ.

Meta’

⁴² Àyɨə mə kyerɨ əwən kwàʼ ɨchî chɔ̀m. Mə kyerɨ ni chəi mbə̀ ghaʼ ə Ŋwiə̀ rɨŋga tə fîŋ.

Jn 5:42 ক্রস রেফারেন্স

1 Jɔn 4:20

Wə̀d mɔ̀ʼɔ mə̀ gha, “Mə kɔ̀ŋ Ŋwiye” si bàn ìwi ifi, tengàŋ ya wə̀d inug ako. Aton ya gha, wə̀d mə chəyi wì bi kɔ̀ŋ ìwi ifi ne wì ya bàrà, chəyi tì wì kɔ̀ŋ Ŋwiye ne chəyi wì ya bàrà.

1 Jɔn 3:17

Wə̀d ne beri ighi ne chəyi wì ya wètè bəd ne chəyi àzɔb, chəyi tì tengàŋ gha zìye kɔ̀ŋ Ŋwiye.

1 Jɔn 2:15

Imbə̀ʼ mbə̰ kɔ̀ŋɔ awən isəg kə̀ inug mbe ne yaʼi inga isəg. Wə̀d mɔ̀ʼɔ mə̀ kɔ̀ŋ isəg, ane ya gha, chəyi tengàŋ kɔ̀ŋi Mbaʼ.

Jn 2:25

Chəyi wə̀d mɔ̀ʼɔ ndəŋ ya beri ni tòʼrì awɔb abə Yeso imbə̀ʼ icheg ne wì ya fə kyeri inug ijìm ne yaʼi inga ìtɔb fìŋ.

Ɨnû 2:23

Mə biri zweti bəd məd. Tifeti bəd Kristo tijìm biri kyeri gha mo ya wə̀d ne kyèʼrè tikɔndi bəd bə̀ kyèʼrè ìtɔb fìŋ. Mə biri nàʼ chùd abə wə̀d imɔʼ imɔʼ abɔ̀ʼ inən ane inug mbe ne wə̀d we ghìyə̀.

Rm 8:7

Bəd mbe ne nɔ̀ŋɔ̀ ìtɔb fìŋ igun inug tibɔ̀ŋ mbe ne ìtɔb nyàmnyɔd te ghə̀ʼrə̀, mbɔb ya bəd ìpàb Ŋwiye. À ya ane imbə̀ʼ icheg ne chəyi mbɔb mbe zùgrə Ŋwiye. Ane, chəyi tì mbɔb bə̀ zùgri mə̀nɔ̀ʼɔ̀ Ŋwiye.

Jn 21:17

Wì ya ywìrì bìri ibo ane ighə̀m ne pè ane itad gha, “Sayimùn, ŋwan Jɔn, àghò kɔ̀ŋ amə?” Pità ya gaŋ gha Yeso ywìrì bìri ane ighə̀m ne pè ane itad gha, “Àghò kɔ̀ŋ amə?” Wì ya si ywìtì gha, “Anɔŋisəg, àghò kyèri inug ijìm. Àghò kyèri gha mə kɔ̀ŋ awe.” Yeso ya bə̀ si ghà ibo gha, “Àghò jə ìtum njə̀g

Jn 8:55

Ka chəyi mbə̀ kyeri aməd, mo kyèri aməd. Mo mə̀ gha chəyi mə̀ kyeri aməd, ze biri chwi gha mə ya ghàmà inug ako icheg inən. Mə kyèri aməd. Mə we bə̀ zùgrə ìngam məd.

Jn 8:47

Wə̀d Ŋwiye ya zùghə anug ne Ŋwiye we ghà. Aton ne chəyi mbə̰ mbe zùgrə Ŋwiye ya imbə̀ʼ icheg ne mbə̰ kayi bɔn Ŋwiye.”

Jn 8:42

Yeso ya ghà inɔb gha, “Àkə aghi ne Ŋwiye yaʼi ìwən Mbaʼ, nji mbə̰ mbe kɔ̀ŋɔ̀ amə imbə̀ʼ icheg ne mə nɔ̀ʼ yaʼ abɔ̀ʼ Ŋwiye yèʼe aŋa. Chəyi mə̀ yeʼe ane ìmə ighəm. À ya məd cha amə.

Jn 5:44

Mbə̰ ya kɔ̀ŋɔ̀ ni ghì inug ni ghumni awən mbə̰ mbə̰. Chəyi mbə̰ mbe ghìyə̀ inug ne məyi Ŋwiye məd we imɔʼ biri ghumni awən. Ane, mbə̀ kə si chè iye ni nɔ̀ŋì ibḛfiŋ igun inum?

Lk 16:15

Wì ya ghà inɔb gha, “À ya mbə̰ ne chwìte abə bəd gha mbə̰ təm kòʼ. Ighi ne bəd igun isəg mbe nìŋə gha à ya ijiʼi ighi ya ighi ne yaʼi ati ako abə Ŋwiye. Ŋwiye kyèri ìtən fìŋ.

Jn 5:41

Chəyi mə̀ kə̀bə̀ gha bəd ghumni amə

Jn 5:43

Mə yèʼe anìŋ ni ghà inən gha à ya ìmə Mbaʼ cha amə, si ya gha chəyi mbə̰ mbe bḛ amə. Wə̀d mɔ̀ʼɔ ndəŋ mə̀ yèʼe pè ghà yaʼ ìmbi tì inug, mbə biri bḛ aməd.