Jn 15:20 - Ikan feg

²⁰ Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Meta’

²⁰ Mbə̀ kɔndɨ ɨŋgam we nɨ mə̀ nyaʼa gha ɨ nən ni, 'Chəi wə̀d ə̀fàʼì dabə chè i mbǎʼ ə̀fàʼì.' À mɨ yeʼ nɨ mbɨ nyaʼa nwendɨ tum rɨkyerɨ-ɨwu, njɨ mbɨ bɨrɨ bɨ nwendɨ tən. À mɨ yeʼ nɨ mbɨ nyaʼa zu mɨ ɨŋgam, njɨ mbɨ bɨrɨ bɨ zu wən.

Jn 15:20 ক্রস রেফারেন্স

2 Timotì 3:12

Tesiʼ ya gha, wə̀d ijìm ne kə̀bə̀ ni chughi icheg ne Ŋwiye kə̀bi anjìm icheg ne wì nɔŋi ibḛfiŋ igun Yeso Kristo, mbi mənyìʼ chɔʼ ibɔʼì ighog məd.

Jn 13:16

Mə gha tesiʼ inən gha, chəyi ŋwan àfàʼì we kweʼè chè mbaʼ àfàʼì məd. Chəyi wə̀d ne mbi tɔmi aməd we bə̀ kweʼè chè wə̀d ne tɔmi aməd.

Matìyò 10:24

Chəyi àmə̀nənùg che wə̀d we ne chwìte inug ibo. Chəyi ŋwan àfàʼì bə chè mbaʼ àfàʼì məd.

2 Kɔrèn 4:9

Bəd mbe chɔ̀ʼɔ ìmba ibɔʼì ighog, si ya gha, chəyi Ŋwiye waʼi awa. Bəd mbe gwìyè awa tùmə aseg, si ya gha, chəyi tì ku.

1 Kɔrèn 4:12

Tì ya zìyè atog fàʼà ane ìmba ibo. Anyumə̀ ne bəd zɔmbi awa, tì ya chàʼrà Ŋwiye zìyè àbɔrɔ̀bɔd igun inɔb. Anyumə̀ ne bəd mbe chɔ̀ʼɔ ìmba ibɔʼì ighog, tì ya nyìʼè.

Jn 8:51

Mə gha tesiʼ inən gha, wə̀d mə ya zùgrə ìmə ìngam, chəyi tengàŋ biri nɔʼ ku.”

Lk 6:40

Chəyi ŋwan àŋwàʼrì che àchwitì àŋwàʼrì. Tesiʼ ya gha, wə̀d ne mbi fə də̀ni aməd icheg chɔm biri yaʼ icheg àchwitì àŋwàʼrì.

1 Tèsàlonikà 2:15

Mbɔb ya zweti Anɔŋisəg Yeso, bə̀ zweti bədkə̀n Ŋwiye, bə̀ chɔʼ ìmba ibɔʼì ighog. Mbɔb ya ghì inug ne chəyi fìŋ Ŋwiye ya bɔ̀ŋi tì inɔb. Mbɔb ya yaʼ bəd ìpàb abə wə̀d ijìm.

Jn 10:31

Mə̀Ju ya ywìrì gwe ateg ni tumbi məd.

Jn 11:57

Ane, itog bəd mbàn Ŋwiye fɔrɔ mə̀Farìsi ya fə ghà abə bəd gha, wə̀d mɔ̀ʼɔ mə̀ kyeri asiŋi ne Yeso yaʼi angu, tengàŋ ghò ghà inɔb, imbə̀ʼ mbi gho gwì aməd.

Jn 8:59

Anyumə̀ ne wi ya gha ane, mbi ya gwe ateg ni tumbi məd. Si ya gha, Yeso ya nə̀mbì nyaʼ dù yi inga mbàn Ŋwiye.

Jn 7:32

Mə̀farìsi ya zug icheg ne inɔ̰ bəd we we jìte inug imbə̀ʼ Yeso. Ane, itog bəd inga mbàn Ŋwiye ya chà mə̀sogyì ne fàʼà inga mbàn Ŋwiye gha, “Mbə̀ gwiye aməd niŋ yèʼe.”

Jn 5:16

Itog bəd abə mə̀Ju ya ko se chɔ̀ʼɔ ibɔʼì ighog ìmbi Yeso imbə̀ʼ icheg ne wì ya ghù wə̀d igun aneg àzwètì mə̀Ju.

Lk 2:34

Simìyòn ya zì àbɔrɔ̀bɔd igun inɔb, si ghà abə Mèri, ngɔb ŋwan gha, “Ŋwan gho̰ ya Ŋwiye chɔ̀ʼi ni ghì gha bəd ndan ndàn biri gùg. Wì biri bə nɔ̀rì bəd ndan ndàn inga Izre. Məd ya aneni ne nɔʼi abə Ŋwiye ne bəd ndan ndàn biri chàpì aməd.

Jn 8:52

Wì ya gha ane, mə̀Ju si ghà ibo gha, “Tè kə kyeri amad anìŋ gha azwighi tibɔ̀ŋ ze inga ine. Abràham ya ku, bədkə̀n Ŋwiye bə̀ ku, àghò gho̰ se gha, wə̀d ne zùgrə ìwe ìngam chəyi wì biri nɔʼ ku.

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

Mk 10:39

Mbi ya ywìtì ibo gha, “E! Tì we tì tì zə̰ iku ngəʼ we bə̀ niŋ mənib mbe.” Yeso ya si ghà inɔb gha, “Mbə̰ biri zə̰ ngəʼ ze ne mə zə̰, bə̀ niŋ mənib icheg ne mə̀ niŋ;