Jn 14:30 - Ikan feg

³⁰ Chəyi mə̀ biri ghàm tì inən ane agha ne sa imbə̀ʼ icheg ne wə̀d we ne sàʼa igun isəg gho̰, we yèʼe. Chəyi wì beri ika igun inum.

Meta’

³⁰ Chəi mə wɨrɨ berɨ nyùmə̀ nɔnɔʼ nɨ ghambɨ mbɨ nən, ɨmbə̀ʼ ɨghəm nɨ wə̀d we nɨə tùmbɨ̀ ɨsɨg wɔ̂ wɨə yeʼe. Chəi wɨ̀ berɨ ɨka ɨgwɨ num,

Jn 14:30 ক্রস রেফারেন্স

1 Jɔn 5:19

Tè kyèri gha mba ya bəd Ŋwiye. Tè bə̀ kyèri gha isəg ijìm ya aton Wə̀d Tibɔ̀ŋ.

1 Jɔn 4:4

Àsi awən, mbə̰ ìmbum bɔn, mbə̰ ya bəd Ŋwiye. Ane, mbə̰ fə zɔ̀ŋ chè bədkə̀n mbe ne ghà inug ako imbə̀ʼ icheg ne azwighi ze ne yaʼi inga inən bèrì ika chè azwighi ze ne yaʼi inga isəg.

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

Jn 12:31

Nyùmə̀ fə kòʼ ne Ŋwiye biri saʼ bəd igun isəg gho̰. Wì biri kamni wə̀d we ne sàʼa isəg gho̰, chì igun isəg.

Efesùs 6:12

Chəyi tì ya zɔ̀ŋɔ̀ yaʼ bəd. Tì ya zɔ̀ŋɔ̀ yaʼ izwighi tibɔ̀ŋ fɔrɔ tika afub te ne tùmbə̀ ikaŋ. Tì ya bə̀ zɔ̀ŋɔ̀ yaʼ tika te ne yaʼi inga isəg inug tibɔ̀ŋ gho̰ fɔrɔ tika te ne yaʼi ikaŋ àbɔ̀ŋɔ ne chəyi tì ya bàrà.

1 Pità 2:22

Chəyi wì ya gùghi anug. Chəyi wì ya bə ghà anug ako mɔ̀ʼɔ.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

Mə̀Hibrù 4:15

Tè bèrì atog wə̀d kyen igun bəd mbàn Ŋwiye ne tì wì sɔmnɔ̀ igun ina anyumə̀ ne te bɔ̀rɔ ane ìwa ibḛfiŋ igun Ŋwiye. À ya ane imbə̀ʼ icheg ne Sàtàn ya kwàʼrì aməd ane mənɔnjì nɔʼ nɔʼ icheg ne Sàtàn we bə̀ kwàʼrà awa, si ya gha, chəyi wì ya gùghi anug.

Lk 22:53

Mə ya kə̀ tì inən ineg ijìm inga ikam mbàn Ŋwiye, chəyi mbə̀ beti amə ane abo. Ìwən nyùmə̀ fə kòʼ. Nyùmə̀ ne ika afub fə che imbìghè mbə se ghìyə̀ inug tibɔ̀ŋ.”

Kòlosè 1:13

Məd fə chì awa ikye ibo abə tika afub, si nàʼ ati ina inga anug ìfɔ̀n Ŋwan məd ne wì kɔ̀ŋi.

Mə̀Hibrù 7:26

Yeso gho̰ ya atog wə̀d igun bəd mbàn Ŋwiye ne nàʼà ighi ijìm ina. Məd ya wə̀d ne zḛ. Chəyi wì gùghi anug. Chəyi məd abɔ̀ʼ bəd inug tibɔ̀ŋ. Ŋwiye fə bə̀ nɔ̀ aməd nàʼ ati ighumni ibo ne chè iti ijìm ikaŋ àbɔ̀ŋɔ.

2 Kɔrèn 5:21

Ŋwiye ya ghì gha Kristo yaʼ wə̀d inug tibɔ̀ŋ ne chəyi wì ya beri anug tibɔ̀ŋ. Ŋwiye ya ghì ane ni gha tì we tì tì təm kòʼ imbìghè abə Ŋwiye anyumə̀ ne tì yaʼi ane ifɔti tì Kristo.

Ɨ̀fàʼì 1:3

Anyumə̀ ne wì ya zweme ane iwu, wì ya chwiti ìwi nyɔd inɔb kwàʼ tì ineni nɔʼ nɔʼ, ni chwi gha zìye we yi izɔm. Wì ya chughi tì inɔb ane ineg ìghum ikwè bə̀ ghàm inɔb imbə̀ʼ anug ìfɔ̀n Ŋwiye.

Lk 1:35

Angirə̀ ya ywìtì ibo gha, “Azwighi Ŋwiye biri yeʼe igun ine. Ika Ŋwiyekɔʼ biri bə kəndi awe. Ane, bəd biri se kàrà ŋwan ìzḛzḛ gho̰ ne àghò biri gwi, ane Ŋwan Ŋwiye.

1 Pità 1:19

Ŋwiye ya zon awən ane anəm àka inun ze ne Yeso Kristo ya chəmni. Yeso Kristo ya icheg ŋwan njə̀g ne chəyi gəʼ angu.

1 Jɔn 5:18

Tè kyèri gha chəyi wə̀d Ŋwiye mɔ̀ʼɔ angu ne chè imbìghè ni ya ghìyə̀ inug tibɔ̀ŋ. Ŋwan Ŋwiye we kyèʼrè aməd ne chəyi icheg ne tì Wə̀d Tibɔ̀ŋ ywirì zì anə igun məd.