Jn 10:28 - Ikan feg

²⁸ Mə ya nàʼà ìtḛ̀ ighə̀m imɔʼ inɔb. Chəyi mbɔb biri nɔ̀ʼ ku nim. Chəyi tì wə̀d mɔ̀ʼɔ chì awɔb inga ìtum tikye abo.

Meta’

²⁸ Mə wɨə nàʼ ɨ̀tènɨ̀ rɨ mì əmbɨ tɨ njɨ̀g. Chəi tɨ bɨrɨ nɔ kwɨ. Chəi wə̀d nɨ tɨ wɨ̀ fe mɨ̀mə̌d rɨ num.

Jn 10:28 ক্রস রেফারেন্স

Jn 6:37

Bəd məjìm mbe ne ìmə Mbaʼ fə nàʼi inum, mbi biri yeʼe inum. Wə̀d ne biri yeʼe inum, chəyi mə̀ biri kamni aməd.

Mə̀Hibrù 7:25

Ane, Yeso we tì wì pùmni bəd mbe ne yeʼe abə Ŋwiye anjìm məd mà nyumə̀ ijìm imbə̀ʼ icheg ne məd we dèghè abə Ŋwiye atog inɔb.

Rm 8:29

Bəd mbe ne wì ya fə chɔʼi, wì ya fə chì awɔb nɔ̀ŋì icha gha mbe yaʼ icheg Ŋwan məd. Ane ya ni ghì gha Ŋwan məd yaʼ ŋwan mbèg inga inəbi kyen.

Jn 18:9

Anug azo̰ ya dù ni ghì gha, ìngam we ne məd ya ghum ghà we duwə ane tesiʼ. Wì ya ghùm gha, “Chəyi wə̀d mɔ̀ʼɔ imɔʼ inga bəd mbe ne àghò ya naʼi inum nìmi.”

Fìlipì 1:6

Mə kyèri kwàʼ tesiʼ gha, Ŋwiye we ne ya ko àfàʼì chɔm azo̰ ni fàʼ inga ìwən ìtḛ̀, wì biri chè imbìghè ni fàʼ ajìm ghò pè ane aneg ze ne Yeso Kristo biri ywiri yeʼe.

1 Jɔn 2:25

Anug ze ne Ŋwan ya kàʼi ni nàʼ ina ya ìtḛ̀ ighə̀m imɔʼ.

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

Jûd 1:24

Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.

Jn 17:2

Àghò fə nàʼ ika ibo igun bəd məjìm ni ghì gha wì nàʼ ìtḛ̀ ighə̀m imɔʼ abə bəd məjìm mbe ne àghò nàʼi ibo.

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

1 Jɔn 2:19

Bəd ìpàb mbo̰ ya yaʼ abɔ̀ʼ ina. Si ya gha, chəyi mbɔb ya yaʼi ane ifɔti tì Kristo icheg ina. Àkə aghi ne mbɔb ya yaʼi ane ifɔti tì Kristo icheg ina, nji chəyi mbɔb ya du. Icheg ne mbɔb du, ze chwi gha chəyi mbɔb ya yaʼi ìmba bəd.

1 Jɔn 5:11

Anug ze ne wì gha imbə̀ʼ ìwi Ŋwan ya gha: Ŋwiye fə ghì gha tì jəg ìtḛ̀ ighə̀m imɔʼ we ne Ŋwan məd we nàʼà ina.

Jûd 1:21

Mbə̀ ya chùghə kyère gha Ŋwiye kɔ̀ŋ awən icheg ne mbə̰ mbe ghɔ̀mɔ̀ ìwa Anɔŋisəg Yeso Kristo. Anɔŋisəg biri bèrì àsɔ̀mnəfiŋ igun inən bə̀ ghì gha mbə̀ jəg ìtḛ̀ ighə̀m imɔʼ.

1 Pità 1:5

Icheg ne mbə̀ nɔŋi ìwən ibḛfiŋ igun Kristo, Ŋwiye fə chì awən inga ngəʼ ane ìwi ika. Ane aneg ìnwḭ, Ŋwiye biri ghì mbə pum, wə̀d ijìm bad.

Jn 11:25

Yeso ya ghà ibo gha, “Mo ya wə̀d we ne zwèmne bəd iwu bə̀ nàʼà ìtḛ̀ abə bəd. Wə̀d ne nɔŋi ibḛfiŋ igun inum biri yaʼ izɔm, ka wi ku.”

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.

2 Tès 2:13

Ìmbum məfi fɔrɔ ìtum njàbi ne Anɔŋisəg kɔ̀ŋi, ze kòʼ ina ni ya nàʼà məyakà abə Ŋwiye imbə̀ʼ awən mà nyumə̀ ijìm imbə̀ʼ icheg ne Ŋwiye ya chɔʼ awən bɔŋ se tànga isəg gha mbə̀ pum. Mbə̰ biri pum icheg ne Azwighi Ŋwiye ze ghìyə̀ mbə zḛ, fɔrɔ anjìm icheg ne mbə̀ nɔŋi ibḛfiŋ igun tesiʼ.

Jn 3:36

Wə̀d ijìm ne nɔŋi ìwi ibḛfiŋ igun Ŋwan Ŋwiye, wì fə jəg ìtḛ̀ ighə̀m imɔʼ. Àsi wə̀d ne chəyi wì bḛ Ŋwan Ŋwiye, chəyi wì biri jəg ìtḛ̀ ighə̀m imɔʼ. Ane, agaŋ Ŋwiye ze igun tengàŋ.”

2 Timotì 1:12

À ya aton ne mə zə̰ ngəʼ anìŋ. Si ya gha, chəyi mə̀ bèrè tìnìrètog imbə̀ʼ icheg ne mə kyèri wə̀d ne mə̀ zì ìmə ibḛfiŋ igun məd. Mə bə̀ taŋ kyèri gha məd bèrì ika ni nɔ̀ŋì aghi ze ne məd zì inum ikye abo ghò pè ane aneg ìnwḭ.

Rm 5:21

Icheg ne inug tibɔ̀ŋ ya beri ika igun isəg anjìm iwu, à ya bə̀ ane ne ìchɔ̀mì Ŋwiye biri bèrì ika igun isəg anjìm icheg ne bəd mbe ghìyə̀ inug ne təmi kòʼ, ane, se nàʼà ìtḛ̀ ighə̀m imɔʼ anjìm ìwa Anɔŋisəg Yeso Kristo.

1 Timotì 1:16

Ŋwiye ya chwi àsɔ̀mnəfiŋ inum, mo wə̀d inug tibɔ̀ŋ ne bə chè, ni ghì gha Yeso Kristo chwi ìwi inyimbifiŋ ne chəyi wì beri ìnwḭ. Àzo̰ biri chwi aneni abə bəd mbe ne biri bḛ Yeso, jəg ìtḛ̀ ighə̀m imɔʼ.

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

Rm 5:17

À ya tesiʼ gha anjìm anug tibɔ̀ŋ Adàm, iwu ya bèrì ika igun wə̀d ijìm. Si ya gha, àfàʼì ne wə̀d imɔʼ ne ya Yeso Kristo fàʼi, ze faŋ chè. Ane, bəd mbe ne niŋi ìchɔ̀mì nɔʼ nɔʼ we ne Ŋwiye nàʼi ne Ŋwiye fə bə ghì fìŋ chɔ̀m niŋ awɔb ane bəd ne ghìyə̀ inug ne təmi kòʼ, mbi biri chughi se fɔrɔ tùmbə̀ isəg tì Kristo.

Rm 5:2

À ya anjìm Yeso Kristo ne tì nyi inga ìchɔ̀mì gho̰ ne tì yaʼi inga tèchɔ̀ŋ. Ane, tì we kɔ̀mɔ̀ igo nɔ̀ŋɔ̀ ikɔndi ghɔ̀mɔ̀ ni chughi tì Ŋwiye inga kə̀tə̀d məd.

Ɨ̀fàʼì 7:59

Anyumə̀ ne mbi yaya tùmbə məd, wì ya chàʼra Ŋwiye gha, “Anɔŋisəg Yeso, niŋ àmə azwighi.”

Jn 14:19

Àsi bùʼ məyi ikə nyumə̀ ne chəyi bəd igun isəg biri ywiri bàd amə. Si ya gha, mbə̰ biri bàd amə. Icheg ne mə̀ yaʼi izɔm, à ya bə̀ icheg ne mbə biri yaʼ izɔm.

Jn 6:47

Mə gha tesiʼ inən gha, wə̀d ne bḛ anug azo̰ biri jəg ìtḛ̀ ighə̀m imɔʼ.

Jn 6:27

Imbə̀ʼ mbə̰ fàʼa awən məyi ni beri ighijəg ne biri bə. Mbə̀ fàʼa yaʼ ni beri ighijəg ne biri ghì gha bəd beri ìtḛ̀ ighə̀m imɔʼ. Ighijəg mbe ya mbe ne Ŋwan Wə̀d biri nàʼ inən. Ŋwiye we ne yaʼi Mbaʼ fə nàʼ ika ibo gha wì ghiyə ane.”

Rm 5:9

Icheg ne anəm Yeso fə ghi tì təm kòʼ imbìghè abə Ŋwiye, à ya kwàʼ ane ne Ŋwiye biri chì àzi agaŋ igun ina anjìm Kristo.

Jn 6:68

Sayimùn Pità ya biri ibo gha, “Anɔŋisəg, tì kə ywiri ghò abə we? À ya məyi àghò beri ìngam we ne nàʼà ìtḛ̀ ighə̀m imɔʼ.

Lk 23:46

Yeso ya chàʼrà Ŋwiye ane gì ka ka gha, “Ìmə Mbaʼ, Mə zì àmə azwighi inga ìte tikye abo.” Wì ya ghàm anìŋ, si ku.

Mk 13:22

Mə̀kristo ako ne biri gha mbɔb ya bəd ne Ŋwiye zɔ̀ʼi, tì bədkə̀n ne ghà inug ako biri dù, ane ghì ineni inug bə̀ ghì inug yeti, imbə̀ʼ fèbrì bəd. Ze mə̀ chwi, mbi fèbrì bəd mbe ne Ŋwiye chɔ̀ʼi.

Jn 10:29

Ìmə Mbaʼ we ne nàʼi njə̀g te inum, we chè wə̀d ijìm. Chəyi wə̀d mɔ̀ʼɔ angu ne tì wì bən njə̀g te abə ìmə Mbaʼ.

1 Jɔn 1:2

Anyumə̀ ne ìtḛ̀ we ya chwi ìwi nyɔd kwàʼ asaŋ asaŋ, tì ya bàd aməd. Ane, tì ya anìŋ ghà tesiʼ inən imbə̀ʼ aməd. Tì ya anìŋ bə̀ ghà inən gha məd ya ìtḛ̀ ighə̀m imɔʼ we ne ya yaʼi tì Mbaʼ ne Mbaʼ ghi tì kyèri.