Ɨnû 12:5 - Ikan feg

⁵ Àyi we ya gwi ŋwan mbaŋà. Ŋwan mbaŋà we ya we ne beri ni tùmbì bəd məjìm igun isəg ane ika ijìm. Mbi ya zàmbì wèbì ŋwan mbaŋà we ghò tì ìwiwən abə Ŋwiye ghò nɔ̀ŋì igun atən ifɔn məd.

Meta’

⁵ Əyi we nyaʼa gywɨ wan mbaŋə̀. Wan mbaŋə̀ we yɨ we nɨ bɨrɨ tumbɨ ɨbeŋ jìm ənɨ ɨka jìm. Mbɨ nyaʼa zàmbɨ̀ fè wan mbaŋə̀ we wò mbɨ wɨwən əmbɨ ə Ŋwiə̀ fɔrɨ ɨgun ətən ɨfɔ̀n əməd.

Ɨnû 12:5 ক্রস রেফারেন্স

Ɨnû 19:15

Ibeg ibid tɔ tɔ ya dù ibo inga ichug. À ya ibeg ibid ne wì biri niŋ màʼ ibid chè iben ijìm angu. Wì biri tùmbì awɔb ane ika ijìm. Wì biri mḭ̀ titam vayìn inga asiŋi ze ne mbe mḭ̀yḛ̀ mənoʼ. Àzo̰ ya chwìye icheg ne Ŋwiyekɔʼ we taŋ gàŋa.

Ɨnû 12:2

Àyi we ya yaʼ tì ibum. Wì yaya nɔ̀mbɔ ni gwi. Tibuʼ te ne wì yaya zùghə ya ghì gha wì se dèghè kwàʼ ane gì ka ka.

Ɨnû 11:12

Ane, bədkə̀n mbe məbe ya zug gì ka ka ikaŋ àbɔ̀ŋɔ ne ya kyḛ gha, “Mbə̀ yèʼe aŋa!” Pàʼ ya bèʼì awɔb ghò ikaŋ àbɔ̀ŋɔ. Ìmbɔb bəd ìpàb ya təm se nḛ̀ icheg ne mbe kɔ̀ʼɔ ghò.

Matìyò 1:25

Wì ya niŋ ane, si ya gha, chəyi wì ya fɔti tì məd anene wì gwi ŋwan mbaŋà we. Jòseb ya chùb ikum ŋwan we ane Yeso.

2 Kɔrèn 12:2

Mə kyèri wə̀d mɔ̀ʼɔ ne yaʼi wə̀d Kristo. Ŋwiye ya ghì wì kɔʼ ghò nyi inga àbɔ̀ŋɔ ze ne pè ane itad. Kə̀ wì ya ghò nyi ane nyàmnyɔd kə̀ kayi ane nyàmnyɔd, chəyi mə̀ kyeri. Tèchɔ̀ŋ ya fə si tituʼ ìghum chɔ̀b ikwe ne anug azo̰ ya du.

Mk 16:19

Anyumə̀ ne Anɔŋisəg Yeso ya fə ghàmi abə mə̀mə̀nənùg mbe, Ŋwiye ya niŋ aməd ikaŋ àbɔ̀ŋɔ. Wì ya pè chùghi aba abo jəghi Ŋwiye.

2 Kɔrèn 12:4

Si ya gha, wì ya nyi inga paràdayìs, zug inug ne che ibo, ne chəyi tì wə̀d mə̀tì ane ichug.

Ɨnû 12:13

Anyumə̀ ne tìsɔ̀ʼ jo ze ya bàri gha mbi fə màʼ aməd igun isəg, zì ya ko ni kamni àyi we ne ya gwi ŋwan mbaŋà we.