Ɨ̀fàʼì 25:8 - Ikan feg

⁸ Pɔl ya ghàm ni chì inug igun àzi atog gha, “Chəyi mə̀ kweʼì ghà anug tibɔ̀ŋ mɔ̀ʼɔ imbə̀ʼ mə̀nɔ̀ʼɔ̀ mə̀Ju, kə̀ imbə̀ʼ mbàn Ŋwiye, kə̀ imbə̀ʼ Kayisà.”

Meta’

⁸ Ɨ chɨ ənû rɨ ɨgwɨ ni, Pɔ̂l nyaʼa ghà ni, “Chəi mə̀ kweʼ ghà ənû rɨbɔ̀ŋ dè rɨkə mɨ̀Jû, dè mbàn Ŋwìə̀ kɨ̀ dè ə Kaisà.”

Ɨ̀fàʼì 25:8 ক্রস রেফারেন্স

Ɨ̀fàʼì 28:17

Anyumə̀ ne ineg ya che itad, Pɔl ya kàrì itog bəd mə̀Ju. Anyumə̀ ne mbi ya fete, wì ya ghà inɔb gha, “Ìmbum məfi, ka chəyi mə̀ ya bi ghì anug tibɔ̀ŋ mɔ̀ʼɔ abə ìmba bəd, kə̀ bì ghà anug tibɔ̀ŋ mɔ̀ʼɔ imbə̀ʼ məcheg aben ìmba mə̀mbaʼ aneg, mbi ya gwì amə a Jèrusalèm zì inga tikye ibo abə məRom.

Ɨ̀fàʼì 24:12

Chəyi bəd mbo̰ ne zìyè isaʼi igun inum ya bàri amə ne mə taŋi anug mɔ̀ʼɔ tì wə̀d, kə̀ gwì achɔb tì wə̀d mɔ̀ʼɔ inga mbàn Ŋwiye, kə̀ inga məchamì Ŋwiye, kə̀ inga asiŋi mɔ̀ʼɔ ndəŋ inga Jèrusalèm.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

Ɨ̀fàʼì 28:21

Mbi ya ywìtì ibo gha, “Chəyi tì bari àŋwàʼrì mɔ̀ʼɔ ne nɔʼi a Jùdeyà imbə̀ʼ awe. Chəyi ìmba məfi mbe ne nɔʼi angu bə pùti anug mɔ̀ʼɔ ina imbə̀ʼ awe, kə̀ bì ghà anug tibɔ̀ŋ mɔ̀ʼɔ imbə̀ʼ awe.

Ɨ̀fàʼì 25:10

Pɔl ya ywìtì gha, “Mə ya anìŋ inga nəb isaʼi Kayisà, ne ya asiŋi ne mbi koʼi ni saʼ amə angu. Àghò taŋ kyèri àze aghi gha chəyi mə̀ gùg anug mɔ̀ʼɔ abə mə̀Ju.

Ɨ̀fàʼì 24:6

Wì yaya kə̀bə̀ gha nji tè chìkì mbàn Ŋwiye, si ya gha, tì ya gwì aməd. [Tì ya kə̀b ni saʼ aməd icheg ne ìmba mə̀nɔ̀ʼɔ̀ chwi.

Ɨ̀fàʼì 23:1

Anyumə̀ ne Pɔl təmi imbìghè abə itog bəd mbe ne yaya sàʼa aben, wì ya nèn awɔb kwàʼ igun ìfe, ghà inɔb gha, “Məmbon, mə yaya fàʼà àmə àfàʼì abə Ŋwiye kwàʼ ane fìŋ zḛ zḛ kə̀ bèyi amad anìŋ.”

Ɨ̀fàʼì 24:14

Anug ne mə bḛ ine ya gha, mə we ghùmnə Ŋwiye we ne ìmba mə̀mbaʼ mbe aneg yaya ghùmnə. Mə bə̀ bḛ ikuchèg we ne Kristo yaya chwìte ne bəd mbo̰ mbe se kàrà gha à ya Inɔnjì ako. Mə bə̀ bḛ inug ijìm mbe ne Muse ya ŋwàʼri inga mə̀nɔ̀ʼɔ̀ fɔrɔ inug mbe ne bədkə̀n Ŋwiye ya ŋwàʼri.