2 Pità 2:2 - Ikan feg

² Bəd nɔʼ nɔʼ biri ko se fàʼà tiku inug bə bə te ne mbɔb mbe fàʼà, bə̀ se ghà inug bə bə imbə̀ʼ ikuchèg tesiʼ we bəd koʼi ni bèrì.

Meta’

² Bə̂d mɨ̀nɔnɔʼ bɨrɨ kɨrɨ beenɨ əbɔʼ ɨnyamnɨ-ɨnû məchwiə̀-ɨnû mɨ̀ghab mbe. À yɨ ɨmbə̀ʼ ɨnû mbe nɨ mbɨə ghɨ̀ə̀ nɨ bə̂d bɨrɨ gha ɨnû rɨbɔ̀ŋ ɨmbə̀ʼ ɨchî rəsìʼ we nɨ bə̂d berɨ chubɨ.

2 Pità 2:2 ক্রস রেফারেন্স

Rm 2:24

A ze inga Àŋwàʼrì Ŋwiye gha, “Bəd mbe ne kayi mə̀Ju mbe zɔ̀mbɔ̀ ikum Ŋwiye ne à ya mbə̰ mə̀Ju ghi.”

Jûd 1:10

Àsi bəd mbo̰, mbi ya ghàmà chàtà inug mbe ne chəyi mbi kyeri. Mbi ya ghìyə̀ inug icheg nyam mben, bə̀ fàʼà inug icheg ne ìtɔb fìŋ te chwìye gha mbe faʼa. Inug mbe ne mbɔb mbe ghìyə̀, à ya mbiwən mbe chìkə̀ ìwɔb.

Ɨnû 13:14

Zì ya tambi bəd məjìm igun isəg ane iyeti inug ne zì yaya ghìyə̀ icheg ne nyam kyen mbègtog ze ya nàʼi ika ibo. Nyam kyen ze ya ghà inɔb mbi tangi aghi-ŋwiye nɔ̀ŋì ni ghumni nyam kyen ze ne mbi ya zì ana̰ igun məd ane ibeg ibid, si ya gha chəyi zì ya ku.

Jûd 1:15

ne biri saʼ bəd igun isəg, zì ngəʼ igun inɔb imbə̀ʼ ìmbɔb inug tibɔ̀ŋ. Wì biri saʼ awɔb imbə̀ʼ tìngam tibɔ̀ŋ tijìm te ne mbɔb mbe ghàmà imbə̀ʼ Ŋwiye.”

2 Pità 2:15

Mbɔb fə waʼ ikuchèg chɔm, fèbè, si niŋ yaʼ ikuchèg tibɔ̀ŋ we abə Balàm, ŋwan Beyò. Balàm ya wə̀d ne ya kɔ̀ŋi ikab we ne wì yaya ghìyə̀ inug tibɔ̀ŋ bèrè.

1 Pità 2:12

Mbə̀ bere ikuchèg chɔm inga bəd mbe ne kayi mə̀Ju. Ane, anyumə̀ ne bəd gha mbə̰ mbe ghìyə̀ inug tibɔ̀ŋ, mbi biri bàd ìwən ikuchèg chɔm, si ghùmni Ŋwiye ane aneg ze ne wì biri ywiri yeʼe.

Tayitùs 2:8

Àghò ya ghàmà yaʼ ìngam chɔm ne chəyi tì wə̀d mɔ̀ʼɔ chàpì. Àze biri nàʼ tìnìrètog abə ìmbe bəd ìpàb icheg ne chəyi mbɔb biri ywiri bèrì anug tibɔ̀ŋ mɔ̀ʼɔ ni ghàm imbə̀ʼ awa.

Ɨ̀fàʼì 24:14

Anug ne mə bḛ ine ya gha, mə we ghùmnə Ŋwiye we ne ìmba mə̀mbaʼ mbe aneg yaya ghùmnə. Mə bə̀ bḛ ikuchèg we ne Kristo yaya chwìte ne bəd mbo̰ mbe se kàrà gha à ya Inɔnjì ako. Mə bə̀ bḛ inug ijìm mbe ne Muse ya ŋwàʼri inga mə̀nɔ̀ʼɔ̀ fɔrɔ inug mbe ne bədkə̀n Ŋwiye ya ŋwàʼri.

Ɨ̀fàʼì 16:17

Wì yaya bène abɔ̀ʼ Pɔl tì ina nè kyḛ ghà gha, “Bəd mbo̰ ya bəd ne fàʼà abə Ŋwiyekɔʼ. Mbɔb ya ghà inug imbə̀ʼ inɔnjì we ne tì bəd chè angu pum.”

Matìyò 24:24

À ya icheg ne ze biri yaʼ imbə̀ʼ icheg ne mə̀kristo ako biri yeʼe, wə̀d imɔʼ imɔʼ abɔ̀ʼ inɔb biri se ghà gha, ‹Mo ya wə̀d we ne Ŋwiye zɔ̀ʼi.› Bədkə̀n ne ghà inug ako biri bə yeʼe. Mbi biri ghì iyeti inug kyen kyen ni tambi bəd. Mbɔb biri kə̀b ni gha ze mə̀ chwi mbi tambi fɔrɔ bèyi bəd mbe ne Ŋwiye ya fə chɔʼi.

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

2 Pità 2:21

Ze ya bì bɔ̀ŋ gha nji chəyi mbɔb ya bì kyèri icheg ne wə̀d beri ni təm kòʼ, sɔ̀m ni kyeri ywìrì ton ni nɔ̀ŋì mə̀nɔ̀ʼɔ̀ ìzḛzḛ mbe ne mbi ya nàʼi inɔb.

Tayitùs 2:5

Mbe ya bə̀ nyìmbe ìwɔb nyɔd bə̀ ya ghìyə̀ inug ìzḛzḛ, bə̀ chùghi icheg mə̀yi chɔm inga ìtɔb nəb, bə̀ ghùmni ìmbɔb mənɔm. Mbə̀ ya ghìyə̀ ane ni ghì gha imbə̀ʼ wə̀d mɔ̀ʼɔ chàpà yi Ìngam Ŋwiye ka.

1 Timotì 5:14

Ane, mə we nàʼà ikə abə məku àyi mbe ne chəyi mbi kiri nṵ gha, mbe ywiri nam, gwi bɔn, kyèʼì bəd mbe ne yaʼi inga nəb tì inɔb. Mbe ghiyə ane ni gha imbə̀ʼ bəd ìpàb nɔ̀ʼ bèrì apan ni ghà inug tibɔ̀ŋ igun ina.

Ɨ̀fàʼì 19:9

Si ya gha, bəd mɔ̀ʼɔ abɔ̀ʼ inɔb ya ghùbì ìtɔb fìŋ. Chəyi mbi ya bḛ anug ne Pɔl yaya ghà. Bəd ya ko se ghàmà inug tibɔ̀ŋ imbə̀ʼ Ikuchèg we ne Anɔŋisəg Yeso yaya chwìte. Ane, Pɔl ya sàŋì awɔb, nɔ̀ʼ yi. Wì ya niŋ mə̀mə̀nənùg Yeso se mùghə̀ tì inɔb tòʼrò inug inɔb ineg ijìm inga ichamì we abə Tayiranùs.

Ɨ̀fàʼì 18:26

Wì ya ko se ghàmà Ìngam Ŋwiye inga ichamì Ŋwiye kwàʼ ane fìŋ ka ka. Si ya gha, anyumə̀ ne Prìsilà tì Àkwilà ya zughi icheg ne wì yaya ghàmà, mbi ya niŋ aməd ghò, taŋ tòʼrì inɔnjì we ne Ŋwiye ya chwìye gha bəd kyeri aməd.

Ɨ̀fàʼì 14:2

Si ya gha, mə̀Ju mbe ne chəyi mbi ya bḛ Kristo ya to atog abə bəd mbe ne kayi mə̀Ju, chìkì ìtɔb fìŋ, mbi ko se pàbà bəd mbe ne ya bḛ Kristo.

Ɨ̀fàʼì 13:10

“Àghò ya kwàʼ ŋwan Debrə̀! Àghò bàn inug mbe ne koʼi ijìm. Àghò ya ghìyə̀ aku anug ajìm ni tambi bəd. Inug tibɔ̀ŋ bə̀ sweg ine inga fìŋ. Àghò wa kə anìŋ, chəyi aneg ne àghò biri sàŋì anug ni niŋ inug chɔm mbe ne Anɔŋisəg ghìyə̀ bə̀ŋì ane inug ako?

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Mk 13:22

Mə̀kristo ako ne biri gha mbɔb ya bəd ne Ŋwiye zɔ̀ʼi, tì bədkə̀n ne ghà inug ako biri dù, ane ghì ineni inug bə̀ ghì inug yeti, imbə̀ʼ fèbrì bəd. Ze mə̀ chwi, mbi fèbrì bəd mbe ne Ŋwiye chɔ̀ʼi.

Mk 12:14

Mbi ya ghò pè ghà abə Yeso gha, “Àchwitìnùg, tè kyèri gha àghò we ghàmà tesiʼ. Tè bə̀ kyèri gha chəyi àghò we bɔ bəd imbə̀ʼ icheg ne chəyi àghò we ghìyə̀ ighə. Àghò ya chwìte yaʼ tesiʼ imbə̀ʼ icheg ne Ŋwiye kə̀bi gha bəd chughi. Mə̀nɔ̀ʼɔ̀ wa chwi gha tì nàʼ mə̀tag abə Kayisà kə̀ chəyi?

Matìyò 22:16

Ane, mbi ya chà ìmbɔb mə̀mə̀nənùg tì bəd mɔ̀ʼɔ abɔ̀ʼ mə̀sə̀ʼ ìmbi ifɔn Erɔ̀d abə Yeso. Bəd mbe ya ghò pè ghà abə Yeso gha, “Àchwitìnùg, tè kyèri gha àghò we ghàmà tesiʼ. Àghò ya chwìte yaʼ tesiʼ imbə̀ʼ icheg ne Ŋwiye kə̀bi gha bəd chughi. Tè bə̀ kyèri gha chəyi àghò we bɔ bəd imbə̀ʼ icheg ne chəyi àghò we ghìyə̀ ighə.

Matìyò 7:14

Àsi inuʼ ikam kwa tì inɔnjì kwa ya we ne ghò inga asiŋi ne bəd biri jəg ìtḛ̀. Bəd ne biri nyi inga asiŋi ìtḛ̀ ze ya məyi iki piʼì.”

Ɨnû 13:8

Bəd ne yaʼi igun isəg məjìm biri ghumni nyam kyen ze, chèyi ane bəd mbe ne Ŋwan njə̀g we ne mbi ya zweti ya fə ŋwàʼri ìtɔb tikum inga àŋwàʼrì ze ne wì ŋwàʼri tikum bəd mbe ne biri jəg ìtḛ̀. Wì ya fə ghum ŋwàʼri ane bɔŋ se tànga isəg.

2 Pità 2:12

Bəd mbo̰ ya ghàmà chàpà inug ne chəyi mbɔb kyeri. Mbɔb ya icheg nyam ne chəyi iwe, ne fàʼà məyi inug ne kɔ̀ʼɔ inɔb inga fìŋ. Mbɔb ya icheg nyam ne kweghe məyi ni gha bəd ghum gwì awɔb zwèti. Bəd mbo̰ biri bə ghum ku nim icheg nyam.

Ɨ̀fàʼì 22:4

Mə yaya chɔ̀ʼɔ ibɔʼì ighog abə bəd mbe ne ya beni abɔ̀ʼ Inɔnjì gho̰ ne Kristo yaya chwìte. Mə yaya zwète ìmbi mɔ̀ʼɔ. Mə yaya gwìtè mbaŋà fɔrɔ mə̀yi kɔ̀rɔ ghò nàʼà gha mbe ziye inga nəb ndəŋ .

2 Pità 2:7

Wì ya pumni Lɔd ne ya yaʼi wə̀d ne təmi kòʼ bə̀ yaʼ wə̀d ne inug tibɔ̀ŋ ìmbi bəd mbe ne chəyi mbe nɔ̀ŋɔ̀ mə̀nɔ̀ʼɔ̀ yaya se aməd.

2 Pità 2:18

Mbɔb ya ghàmà inug ako məyi ni kɔ̀m igo bə̀ ghìyə̀ məyi inug ne ìtɔb nyàmnyɔd te ghə̀ʼrə̀. Mbɔb ya nə̀rə bəd mbe ne chìyè ìfɔb ìfeg ane bəd inug tibɔ̀ŋ ni ghì gha mbe febe.

Jûd 1:4

Mə ya ghàmà anìŋ imbə̀ʼ icheg ne bəd mɔ̀ʼɔ ne chəyi mbe ghùmnə Ŋwiye fə nyaʼ nyi se abɔ̀ʼ inən. Mbɔb fə niŋ anug imbə̀ʼ ìchɔ̀mì we ne ìwa Ŋwiye we ghìyə̀ bə̀ŋì ane apan ni ghì ifanì inug. Mbɔb mbe bə̀ to̰ awɔb Yeso Kristo ne ya məyi məd yaʼi ìwa Mbaʼ àfàʼì bə̀ yaʼ ìwa Anɔŋisəg. Àŋwàʼrì Ŋwiye ya fə ghùm ghà icheg ne Ŋwiye biri chə awɔb.

Jûd 1:7

Mbə̀ bə̀ wendi Sodòm tì Gòmorà fɔrɔ isiŋi mbe ne ya yaʼi iban inɔb, ne yaya ghìyə̀ ifanì inug fɔrɔ izunì inug. Ŋwiye ya zì awɔb inga atəŋ iywid ighə̀m imɔʼ ane aneni ni chwi gha wə̀d ijìm pati ìwi nyɔd.