2 Kɔrèn 3:18 - Ikan feg

¹⁸ Mba məjìm mbe ne chəyi ndwi ze ywirì kən ìta tìfe, ne te bàrà icheg ne ìzḛzḛ Anɔŋisəg we njànda icheg ni gha à ya inga manə̀m, Anɔŋisəg ya kɔ̀pɔ awa tì fùghə məd. Tì ya kɔ̀pɔ yètì yeti ghò imbìghè ni bèrì ìzḛzḛ icheg məd. Ìzḛzḛ we ya nɔ̀ʼɔ ibo, məd we ne yaʼi Azwighi Ŋwiye.

Meta’

¹⁸ Mba mɨjìm mbe nɨ chəi ngywɨ̌ kən ta rɨfě, nɨ tɨə zə ɨzeŋɨ zeŋɨ Ə̀nùŋɨ̀sɨg ɨchî nɨ wɨə mèŋnɨ̀ ɨghabɨ ni à yɨ ɨŋga əneŋ ɨfě, fə bèŋ ɨghabɨ əməd ɨchî nɨ tɨə teə wò ɨmbì ɨmbì. Ɨzeŋɨ zeŋɨ we yɨ rɨ əmbɨ Ə̀nùŋɨ̀sɨg we nɨ yeʼ Əzwî.

2 Kɔrèn 3:18 ক্রস রেফারেন্স

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Rm 12:2

Imbə̀ʼ mbə̰ ghiyə awən inug icheg we ne bəd inga isəg mbe ghìyə̀. Ane, mbə̀ saŋa Ŋwiye kɔpi ìwən ikuchèg icheg ne məd we nàʼà tikɔndi feg inən. Àze biri ghì gha mbə̀ kyeri inug mbe ne məd kə̀bi. Inug mbe ne məd kəbi ya inug chɔm tì inug ne wì kɔ̀ŋi fɔrɔ inug ne koʼi ibo.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

1 Kɔrèn 13:12

Amad anìŋ, tì we bàrà inug mbi ndwìʼrè. Anyumə̀ ne Kristo biri ywiri yeʼe, tì biri bàd Ŋwiye kwàʼ icheg chɔm. Amad anìŋ, mə kyèri məyi inug mɔ̀ʼɔ imbə̀ʼ Ŋwiye. Si ya gha, nyùmə̀ we yèʼe ne Yeso Kristo biri bə̀ndì yeʼe. Anyumə̀ we, mə biri taŋ kyeri Ŋwiye kwàʼ icheg ne Ŋwiye kyèri amə.

Kòlosè 3:10

Amad anìŋ, mbə̰ fə bèrì ikuchèg feg. À ya Ŋwiye ya nàʼi ikuchèg feg gho̰ ni gha mbə̀ taŋ kyèri aməd we ne ghi mbə bèrì ikuchèg feg we.

Rm 8:29

Bəd mbe ne wì ya fə chɔʼi, wì ya fə chì awɔb nɔ̀ŋì icha gha mbe yaʼ icheg Ŋwan məd. Ane ya ni ghì gha Ŋwan məd yaʼ ŋwan mbèg inga inəbi kyen.

1 Kɔrèn 15:49

Icheg ne tì yaʼi icheg wə̀d we ne mbi tangi ane ìseg, à ya bə̀ ane ne tì biri bə yaʼ icheg wə̀d we ne nɔ̀ʼi ikaŋ àbɔ̀ŋɔ.

2 Kɔrèn 5:17

Àze chwi gha wə̀d mɔ̀ʼɔ mə̀ yaʼ ane ifɔti tì Kristo, məd ya si wə̀d feg. Inug anun fə chè, ìmbi feg fə yeʼe.

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jems 1:23

Wə̀d ne zùghə Ìngam Ŋwiye ne chəyi wì ya fàʼà anug ne Ìngam Ŋwiye we ghà, tengàŋ ya icheg wə̀d ne nḛ̀ ìwi ìfe inga manə̀m,

Jn 17:24

Ìmə Mbaʼ, mə kə̀b gha bəd mbe ne àghò ya nàʼi inum, mbe yaʼ tì inum inga asiŋi ne mə̀ yaʼi angu. Ane, mbi biri bàd ìmə ighumni, ne ya ighumni we ne àghò ya kɔ̀ŋi amə, nàʼ inum, bɔŋ se tànga isəg.

Tayitùs 3:5

chì awa inga ngəʼ. Wì ya chì awa inga ngəʼ imbə̀ʼ icheg ne wì beri àsɔ̀mnəfiŋ igun ina, kayi imbə̀ʼ inug chɔm ne tì ya ghi. Wì ya pumni awa icheg ne Azwighi Ŋwiye ya sò awa tì zen bə̀ bə̀ŋì awa tì si yaʼ icheg bɔn bɔd. Azwighi Ŋwiye ya bə̀ nàʼ ìtḛ̀ feg ina.

Rm 8:7

Bəd mbe ne nɔ̀ŋɔ̀ ìtɔb fìŋ igun inug tibɔ̀ŋ mbe ne ìtɔb nyàmnyɔd te ghə̀ʼrə̀, mbɔb ya bəd ìpàb Ŋwiye. À ya ane imbə̀ʼ icheg ne chəyi mbɔb mbe zùgrə Ŋwiye. Ane, chəyi tì mbɔb bə̀ zùgri mə̀nɔ̀ʼɔ̀ Ŋwiye.

Rm 8:4

Ŋwiye ya fàʼ anìŋ ni ghì gha mba mbe ne chùghə icheg ne Azwighi Ŋwiye kəbi, ne chəyi te ghìyə̀ inug mbe ne ìta nyàmnyɔd te ghə̀ʼrə̀, tì təm kòʼ icheg ne mə̀nɔ̀ʼɔ̀ Muse chwi.

Jn 12:41

Àzayà ya ghà anug azo̰ anìŋ imbə̀ʼ icheg ne, wì ya fə bàd icheg ne bəd biri ghumni Yeso. Ane, wì ya fə bə̀ ghàm imbə̀ʼ aməd.

Rm 13:14

Mbə̀ ghiyə gha Anɔŋisəg Yeso Kristo ya tùmbə̀ awən. Imbə̀ʼ mbə̰ nɔŋɔ awən ìtən fìŋ igun ighi mbe ne nyàmnyɔd ze ghə̀ʼrə̀.

Gàlesìyà 6:15

Kə̀ mbe ŋwed wə̀d kə̀ chəyi, àze kayi anug mɔ̀ʼɔ ze. Anug kyen ne angu ya gha, ikuchèg wə̀d si yaʼ ìwi feg anjìm ibḛfiŋ məd igun Kristo.

1 Timotì 1:11

Tì we tì tì bàd tikə Ŋwiye ìto̰ inga ikən chɔm we ne Ŋwiye zi inum ikye abo. Məd ya Ŋwiye we ne bəd mbe yète bə̀ ghùmnə.

Jn 17:22

Ighumni we ne àghò ya ghi mə bèrì, mə bə̀ ghì mbɔb bèrì ìwiwən ni ghì ghà mbɔb yaʼi ane anug amɔʼ icheg ne mo tì ine bə yaʼ ane anug amɔʼ.

2 Kɔrèn 3:17

Amad anìŋ, Anɔŋisəg ya Azwighi Ŋwiye ze. Asiŋi ne Azwighi Anɔŋisəg yaʼi angu, wə̀d ya pùmə.

1 Jɔn 3:2

Ìmbum mə̀sə̀ʼ ne mə̀ taŋ kɔ̀ŋ, amad anìŋ, mba ya bɔn Ŋwiye. Chəyi tì kiri kyeri icheg ne tì biri ghum yaʼ. Si ya gha, tè kyèri gha anyumə̀ ne Yeso yèʼe tì biri yaʼ icheg məd imbə̀ʼ icheg ne tè bàd aməd icheg ne wì yaʼi.