2 Kɔrèn 11:29 - Ikan feg

²⁹ Wə̀d ne bɔri ne chəyi ibɔri bə gwì mə, àkə we? Wə̀d ne gughi anug ne chəyi ze se amə, àkə we?

Meta’

²⁹ À kɨə we nɨ bɔrɨ, nɨ chəi mə̀ bə bɔd ə? À kɨə we nɨ mbɨ ghɨ ni wɨ̀ ghɨ̌ ənû rɨbɔ̀ŋ, nɨ chəi mɨ fîŋ tɔb əmɨ ə?

2 Kɔrèn 11:29 ক্রস রেফারেন্স

1 Kɔrèn 9:22

Anyumə̀ ne mə̀ yaʼi abɔ̀ʼ bəd ne ìwɔb ibḛfiŋ bɔri, mə̀ ya icheg wə̀d abɔ̀ʼ inɔb ni ghì gha mbe bḛ Kristo. Ane, mə fə bə̀ŋə̀ ane iku ighi ijìm abə bəd məjìm, imbə̀ʼ chè ane mənɔnjì nɔʼ nɔʼ ni ghì gha inun bəd mɔ̀ʼɔ pum.

1 Kɔrèn 8:13

Ane, aghi ne mə jə̀ghə mə̀ ya ghìyə̀ gha ìmə ifi gughə anug, chəyi mə̀ biri nɔ̀ʼ jəg aghi ze. Ane ya ni ghì gha, imbə̀ʼ ìmə ifi nɔ̀ʼ chè gùg anug.

Ɨnû 2:20

Si ya gha, mə beri anug mɔ̀ʼɔ imbə̀ʼ awe. Anug ze ya gha, chəyi àghò chɔ̀ʼri inug ìmbi àyi we ne mbe kàrà ane Jesebè. Məd we gha zìye ya wə̀dkə̀n àyi. Məd we chwìte inug ni fèbrì ìmbum bəd àfàʼì gha mbe ghi ifanì inug bə̀ ghì gha mbe jəg tijəg te ne mbe nàʼà ane ighi àfàtì abə mə̀ŋwiye.

Ɨnû 2:2

mə kyèri inug mbe ne àghò we ghìyə̀. Mə kyèri icheg ne àghò fə fàʼi ane ika bə̀ kyèri icheg ne àghò fə nyìʼi inug aton ngəʼ. Mə kyèri gha chəyi àghò kɔ̀ŋi ni bàd bəd mbe ne ghìyə̀ inug tibɔ̀ŋ. Mə bə̀ kyèri gha àghò fə kwàʼrì bəd mbe ne gha mbɔb ya bədtɔm ne mbɔb kayi bədtɔm. Àghò fə kwàʼrì ane bàd gha mbɔb ya bəd inug ako.

Gàlesìyà 6:2

Wə̀d mɔ̀ʼɔ abɔ̀ʼ inən mə̀ yaʼ inga ngəʼ, mbə̀ wete aməd. Mbə̰ mə̀ ya ghìyə̀ ane, nji mbə fə nɔ̀ŋì nɔ̀ʼɔ̀ we ne Kristo ya nàʼi inən.

Gàlesìyà 2:14

Anyumə̀ ne mə̀ ya bàri gha chəyi mbɔb mbe bène abɔ̀ʼ tesiʼ we ne yaʼi inga ikən chɔm, mə̀ ya ghàm kyen abə Pità kwàʼ imbìghè abə bəd məjìm. Mə ya kyen ibo gha, “Àghò ya Ju, si ya gha, chəyi àghò we ghìyə̀ inug icheg Ju. Àghò ya ghìyə̀ inug yaʼ icheg wə̀d ne kayi Ju. Àghò kə se ghìyə̀ gha bəd mbe ne kayi mə̀Ju mənyìʼ ghì inug ane ikuchèg aben mə̀Ju iye?”

2 Kɔrèn 13:9

Tì we gyènde anyumə̀ ne tì bɔri, mbə̰ si təm kà ane ibḛfiŋ. Ìwa ichàʼri Ŋwiye inən ya gha mbə̀ təm zen mànì.

1 Kɔrèn 15:36

À ya kwàʼ ibiri anen! Fitam ngwèd ne mbi nyɔʼi inga ìseg ya mənyìʼ bɔb bɔŋ se gwère.

1 Kɔrèn 12:26

Asiŋi nyɔd amɔʼ mə̀ ya zə̰ ngəʼ, mbin tì isiŋi nyɔd ijìm mbe bə̀ zə̰ ngəʼ abɔ̀ʼ. Mbi mə̀ nàʼ ighumni abə asiŋi nyɔd amɔʼ, mbin tì isiŋi nyɔd ijìm mbe bə̀ gyènde abɔ̀ʼ.

1 Kɔrèn 11:22

Àkə chəyi mbə̀ beri ichan ne tì mbə̰ jəg bə̀ no inga ìmbən ichan? Kə̀ mbə̰ kə wèghè yaʼ ifeti bəd Ŋwiye bə̀ zìyè tìnìrètog igun bəd ne chəyi mbi beri ighi? Mbə kə kə̀bə̀ gha mə gha inən gha? Mə̀ wa naʼa məyakà inən ane inug mbo̰? Chəyi tì mə bḛ iku anug gho̰ ka.

Rm 15:1

Mba mbe ne ìwa ibḛfiŋ ka tè kòʼ ni ya nyìmbe fìŋ tì bəd mbe ne ìwɔb ibḛfiŋ bɔri. Imbə̀ʼ tì ya ghìyə̀ awa məyi inug ne bɔŋi ina.

Rm 12:15

Mbə̀ ya gyènde tì bəd ne gyènde bə̀ sɔ̀mnɔ̀ tì bəd ne sɔ̀mnɔ̀.

Jn 2:17

Mə̀mə̀nənùg məd ya si wendi icheg ne mbi ya ŋwàʼri imbə̀ʼ aməd gha, “Tèta, icheg ne mə̀ zi atog ni fàʼ inga ìze nəb, à ya anug ne biri niŋ àmə atog.”

Matìyò 11:6

Ŋwiye zì àbɔrɔ̀bɔd igun wə̀d ne chəyi we jə̀mə̀ amə.”

1 Kɔrèn 8:9

Ane, mbə̀ we awən, imbə̀ʼ mbə̰ nɔ̀ʼ niŋ icheg ne chəyi mbə̰ mbe jə̀ghə aghi mɔ̀ʼɔ, kə̀ niŋ icheg ne mbə̰ mbe jə̀ghə aghi mɔ̀ʼɔ si ghì bəd mbe ne ìwɔb ibḛfiŋ bɔri, mbi gùg anug.