1 Kɔrèn 12:12 - Ikan feg

¹² Nyàmnyɔd wə̀d bèrì isiŋi nyɔd nɔʼ nɔʼ. Ka isiŋi nyɔd jiʼì nɔ̀ʼ, à ya məyi nyàmnyɔd imɔʼ. À ya icheg ne ze bə yaʼ tì nyàmnyɔd Kristo.

Meta’

¹² Ɨchî nɨ nyamnyod mei mɔʼ mbɨ ɨsɨ ɨnyod nɔnɔʼ, əne ɨsɨ ɨnyod jìm, ka mbɨ bè nɔʼ i, yɨə nyamnyod mɔʼ. À yɨ ɨchî nɨ nyamnyod Kristo yeʼ we.

1 Kɔrèn 12:12 ক্রস রেফারেন্স

Kòlosè 3:15

Mbə̀ saŋa àbɔrɔ̀bɔd ze ne Kristo nàʼi inən ze tumbə ìtən fìŋ. À ya imbə̀ʼ àbɔrɔ̀bɔd ze ne Ŋwiye ya kàri awən gha mbə̀ yaʼ ane ifɔti inga nyàmnyɔd imɔʼ. Mbə̀ ya nàʼà məyakà ibo mà nyumə̀ ijìm.

1 Kɔrèn 12:27

Ane, mbə̰ məjìm ya nyàmnyɔd Kristo. Wə̀d imɔʼ imɔʼ bèrì àze asiŋi inga nyàmnyɔd Kristo.

Kòlosè 2:19

Tiku bəd ìto̰ fə sàŋì anug ni nyimi Kristo ne yaʼi atog abə nyàmnyɔd məd, ne ya ifeti bəd Kristo. À ya Kristo we ghìyə̀ ifeti bəd məd kweghe icheg ne Ŋwiye kə̀bi. À ya məd we nyìme ifeti bəd Kristo kwàʼ icheg ne atog ze nyìme nyàmnyɔd wə̀d ane tinḭ kyen kyen fɔrɔ mə̀nàra.

Efesùs 4:4

Nyàmnyɔd ya məyi imɔʼ. Azwighi ya bə̀ məyi amɔʼ. Anug ni nɔ̀ŋì ikɔndi ghɔ̀m icheg ne Ŋwiye ya kàri awən ya bə̀ məyi amɔʼ.

1 Kɔrèn 10:17

Ka tì jiʼì nɔʼ, à ya məyi chiŋ ngə̀ŋ imɔʼ ne te jə̀ghə ni chwi gha mba ya nyàmnyɔd imɔʼ.

Efesùs 5:30

Mba ya isiŋi nyɔd ane nyàmnyɔd məd.

Kòlosè 1:18

Məd ya Atog ane ifeti bəd Kristo. Ifeti bəd Kristo ya nyàmnyɔd məd. À ya məd ko anug ifeti bəd Kristo. Məd ya ŋwan mbègtog ne Ŋwiye zwemni ane iwu ni ghì gha wì bere ika igun ighi ijìm.

Efesùs 5:23

imbə̀ʼ icheg ne inɔm ya atog igun ìwi iweg icheg ne Kristo yaʼi atog igun ifeti bəd Kristo. Ifeti we ya nyàmnyɔd məd ze ne wì ghi zì pum.

Efesùs 4:12

Wì ya ghì ane ni gha mbɔb se chwìye ikuchèg abə bəd Ŋwiye, mbi se fàʼà ibo ni ghì gha ifeti bəd Kristo kweg kòʼ.

Gàlesìyà 3:16

Anug ze ne Ŋwiye ya ghum kàʼ ya abə Abràham tì ŋwan ne biri ghum yaʼ ane aghaŋ inəbi məd. Chəyi Ìngam Ŋwiye gha à ya abə bɔn ane aghaŋ inəbi məd. Anug ze ya kayi abə bɔn nɔʼ nɔʼ. Ane ya gha, à ya abə wə̀d imɔʼ. Wə̀d we ya Kristo.

Kòlosè 1:24

Mə we gyènde amad anìŋ imbə̀ʼ icheg ne Kristo ya zə̰ ngəʼ imbə̀ʼ awən. Mə ya zə̰ ngəʼ fàʼà anìŋ imbə̀ʼ icheg ne Kristo ya zə̰ ngəʼ imbə̀ʼ ìzi nyàmnyɔd, ni ghì gha zì kweg. Nyàmnyɔd məd ze ya ifeti bəd Kristo.

Efesùs 1:23

Ifeti we ya nyàmnyɔd Kristo. Kristo we swère inug ijìm imbə̀ʼ ifeti we, icheg we ne wì ya swère inug ijìm isiŋi ijìm.

1 Kɔrèn 12:7

À ya Ŋwiye ghi gha wə̀d imɔʼ imɔʼ ya fàʼà àze àfàʼì ne Azwighi Ŋwiye nàʼi ibo imbə̀ʼ ya wètì bəd məjìm.

1 Kɔrèn 12:20

Tesiʼ ya gha, isiŋi nyɔd nɔʼ, si ya gha, nyàmnyɔd ya məyi imɔʼ.