اِلهام 18:4 - هُدائے پاکێن کتاب، بلۆچی زبانا

⁴ رندا من چه آسمانا دگه تئوارے اِشکت، گوَشگا اَت: ”او منی مردمان! چه اِشیا در آێت تانکه شما اِشیئے گناهان شریک مبێت و اِشیئے اَزاب شمئے سرا مکپنت،

اِلهام 18:4 ক্রস রেফারেন্স

په تیموتاووسا پولُسئے ائولی کاگد 5:22

کَسیئے سرا دستئے اێر مُشگ و آییا کلیسائے کَماش کنگا اِشتاپ مکن که دگرانی گناهان شریکدارَ بئے. وتا پاک و پَلگار بدار.

زَبور 50:18

دُزّے که گندئے، دێمِت رۆشنَ بیت و گۆن زناکاران همراهَ بئے.

یوهَنّائے دومی کاگد 1:11

پرچا که اے ڈئولێن مردمێئے وشّاتک کنگ، گۆن آییئے رَدێن کاران شریکدار بئیگ اِنت.

مَتّا 23:30

چُش هم گوَشێت که ’اگن ما وتی پت و پیرُکانی وهد و باریگا بوتێنێن، گڑا پئیگمبرانی کُشت و کۆشا گۆن آیان همراه نبوتگ‌اَتێن.‘

پێدایش 19:14

گڑا لوت شت و وتی زاماتی گوَشتنت، هما که گۆن آییئے جنکّان سانگ کنگی اَتنت: ”اِشتاپ کنێت و چه اِدا در کپێت که هُداوند اے شهرا تباهَ کنت.“ بله آییئے زاماتان دلا گوَشت که لوت مسکرا کنگا اِنت.