مَتّا 19:14 - هُدائے پاکێن کتاب، بلۆچی زبانا

¹⁴ ایسّایا گوَشت: ”چُکّان بِلّێت منی کِرّا بیاینت، آیانی دێما مدارێت، چێا که آسمانی بادشاهی اَنچێن مردمانیگ اِنت.“

مَتّا 19:14 ক্রস রেফারেন্স

مَتّا 18:3

گوَشتی: ”شمارا راستێنَ گوَشان، اگن شما وتا بدل مکنێت و کَسانێن چُکّانی پئیما مبێت، هچبر آسمانی بادشاهیا پاد اێر کرتَ نکنێت.

مَرکاس 10:14

ایسّایا که چُش دیست نارزا بوت و گۆن مریدان گوَشتی: ”چُکّان بِلّێت منی کِرّا بیاینت، آیانی دێما مدارێت، چێا که هُدائے بادشاهی اَنچێن مردمانیگ اِنت.

مَتّا 11:25

آ وهدا ایسّایا گوَشت: ”او منی پت، زمین و آسمانئے هُدابند! ترا ستا کنان و ساڑایان که تئو اے راز و هبر چه زانتکار و هۆشمندان چێر داتنت و کۆدکانی سرا پَدّر کرتنت.

پێدایش 21:4

اِساکئے اُمر که هشت رۆچ بوت، اِبراهێما سُنّت کناێنت، هما پئیما که هُدایا هُکم داتگ‌اَت.

مَتّا 5:3

”بَهتاور اَنت هما که آیانی روه وار و بَزّگ اِنت، چێا که آسمانی بادشاهی همایانیگ اِنت.

مَتّا 5:10

بَهتاور اَنت هما که په هُدائے راهئے گِرَگا بُهتام جنَگ و آزار دئیگَ بنت، چێا که آسمانی بادشاهی همایانیگ اِنت.

مَتّا 19:15

نون ایسّایا آیانی سرا دست پِر مُشت. گڑا وتی راهی گپت و شت.

مَرکاس 10:15

شمارا راستێنَ گوَشان، آ که هُدائے بادشاهیا چُکّانی پئیما ممَنّیت، هچبر اۆدا پاد اێر کرتَ نکنت.“