دَرگوَز 24:6 - هُدائے پاکێن کتاب، بلۆچی زبانا

⁶ موسّایا هۆنانی نێم تَگاران کرت و آ دگه نێمی کُربانجاهئے سرا دْرَنزِتنت.

دَرگوَز 24:6 ক্রস রেফারেন্স

پِتْرُسئے ائولی کاگد 1:19

گۆن هما بےائیب و بێکِچهێن گوَرانڈ، بزان مَسیهئے بێبهاێن هۆنا بها زورگ بوتگێت.

دَرگوَز 24:8

موسّایا هۆن زرت، مهلوکئے سرا دْرَنزِت و گوَشتی: ”اے سجّهێن وانتگێن هبر هما اَهد و پئیمانئیگ اَنت که هُداوندا گۆن شما بستگ و اے همے اَهد و پئیمانئے هۆن اَنت.“

دَرگوَز 29:20

تئو گوَرانڈا هلار کن و چه آییئے هۆنان کمّے بزور و هارون و آییئے چُکّانی راستێن گۆشئے دُرجاها و آیانی راستێن دست و راستێن پادئے ماتی لنکُکان پِر مُش و سر آتکگێن هۆنان کُربانجاهئے سجّهێن نێمگان درَنز دئے.

دَرگوَز 29:16

تئو گوَرانڈا هلار کن و هۆنانی بزور و کُربانجاهئے سجّهێن نێمگان درَنز دئے.

دَرگوَز 12:22

بَندُکے زوپا بزورێت، تْرَشتئے تهئے هۆنانی بجنێت و وتی لۆگانی دروازگئے چانٹا، سَربُر و دوێن کَشانی داران پِری مُشێت، چه همے هۆنان که تْرَشتئے تها اَنت. تان سُهبا چه شما کَسّ چه لۆگئے دروازگا ڈَنّ در مئیئیت.

دَرگوَز 12:7

مردم کمّے هۆن بزورنت و هما لۆگا که اے گۆشتا ورنت، آ لۆگئے دروازگئے چانٹا، بزان دروازگئے سربُرا و کَشان اے هۆنا پِر بِمُشنت.

زَبور 99:6

موسّا و هارون چه هماییئے دینی پێشوایان اتنت و سَموییل هم چه همایان اَت که هُداوندئے نامِش گپت. هُداوندِش تئوار کرت و آییا پَسّئو داتنت.