Romanos 8:25 - Kaxinawá Bíblia (BR)

²⁵ Habiaskabiakẽ hawara Deusũ mae nai anu kashũ nũ uĩriama nũ hawẽ nuiama Deusũ hãtxa ikũbestiwakĩ xinã mestẽwãtã nũ manayukubainaii.

Kashinawa : Diosun Jesúswen taexun yuba bena yiniki

²⁵ Jabiaskabiaken jawada Diosun mae nai anu kaxun nun uindiama nun jawen nuiama Diosun jancha ikunbestiwakin shinan mestenwantan nun manayukubainaii.

Romanos 8:25 ক্রস রেফারেন্স

Romanos 12:12

Ha inũ, Deusũ matu yubani hawa betsa wama ishanai unãkĩ mã manaiwẽ taea benimai hiwekubaĩkãwẽ. Ha inũ, matu itxakawaibu bika tenei txĩtuãma mestẽkubaĩkãwẽ. Haskakĩ Deusbe hãtxakĩ hamapai tibikiri yukai heneyamakubaĩkãwẽ.

Hebreus 10:36

Hamẽ matu akabumaki, bika tenemakinã. Haska Deus yubakani haska xinaĩ keskawẽ matu akaiburã, dateama binui hawẽ mestẽkubaĩkãwẽ. Mã haska tenekubaĩmisbuwẽ taeshũ haska Deus yubakaniwẽ matu manakua txanima mã uĩshanaii.

Salmos 27:14

Senhor Deuski mestẽtã hawẽ kushipai punu nukama hawẽ shinã betxipaikĩ hawa txĩtuãma haki mestẽkubaĩkãwẽ.

1 Tesalonicenses 1:3

Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

Colosenses 1:11

Haska inũ, eska ẽ matu yukashũmiski. Deusũ hawẽ kuxipa paepawẽ hau matu mestẽwanũwẽ. Haska kuxipa mã hayawẽ taeshũ hamapai bika tenebiai kuxipatã hĩ hĩ ikama inũ benimakĩ

Lucas 21:19

Ha inũ, tsuabũra ea txibaĩ txĩtuãmawẽ taeshũ hanu kupititiã ẽ matu piskumashanaii, matu kupiamarã.

Gênesis 49:18

hawẽ mekenika Deus datã akĩ: “Senhor Deusuũ, mĩ ea mekekubaĩshanai ẽ mia manahairaii”, itã

2 Tesalonicenses 3:5

Epa Deus nukuwẽ nuimis keskai betsabube mã nuinameairã, haska Cristõ bika tenei hawẽ kuxipa babuama ini keskai maturi mã babuyamanũbũ hau nukũ Shanẽ Ibũ matu merabewakubainũwẽ.

Romanos 8:23

Habu bestima nuku dikabirã, nũ Deusũ bakebunã, hawẽ Yushĩ Pepawẽ haska Deusũ nuku duawashanai hawẽ unãti wati yubani nũ haya hawẽ bake kaya keska wakĩ yura bena nuku inãshanai bishanũ ika hawara hawẽ bakebu yubabaini Deusũ nuku inãshanai huĩti detsupe ishũ bika tenekĩ nũ manayuaii.

Apocalipse 1:9

Ea ẽ matũ betsa Joãonã, matu keska Jesuski dasia Deusbe shanẽ ibuaibe nia betsa betsapa tenei txĩtuãma Jesusũ kuxipawẽ ẽ binukubainaii. Ha inũ, Deusũ kakape yusĩkĩ Jesusũ nuku mekekatsis ikai shabakabi ẽ hatu yuikubainaiwẽ taeshũ na natukã hawẽ kena Patmos anu ea nitxiãbu

Hebreus 6:12

Ha inũ, Jesus txibaĩ txikixi hau mã punu nukayamanũbũ Jesus ikũwãkubaĩkĩ hawẽ unãnuma hiweti Deus yubakani bikubainaibu keska wakĩ hatu txibãkĩ pepa besti wakubaĩkãwẽ, hanu mã mawaitianã.

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

Lucas 8:15

Hakia heshe betsa mai pepa anu banarã, Deusũ hãtxa pepa tapĩtã huĩti xinã txãkãkĩ heneama mestẽtã txibãkubaĩkĩ hanushũ yura betsabu yusĩkĩ hatu ikũwãmamisbuki, mai pepa anu heshe sa aka ewai benei pamis keskairã— hatu watã

Apocalipse 14:12

hanushũ habũ txanima Jesus ikũwãkĩ habũ hawa xinã betsawama Deusũ hãtxawẽ hiwekĩ hatũ kuxipa hatu uĩmashãkanikiki, ikũwaĩ meribibunã.

Apocalipse 13:10

“Tsuara bitxiti hiwe anu iyukatsi ikĩ bitxiti hiwe anu hatu bitxishãkanikiki. Hanushũ tsuara nupe txaipawẽ hatu tenãkatsis ikĩ nupewẽ hatu debuwashãkanikiki”, habũ txanima Deus ikũwãkĩ habũ hawa xinã betsa wama hatũ kuxipa hatu uĩmashãkanikiki, ikũwaĩ meribibunã.

Hebreus 6:15

nĩkatã hawẽ yubati hãtxa manai hĩ hĩ ikama ikũkaĩkĩ atimas haska Deusũ yubani bi benimanikiaki.