Mateus 22:5 - Kaxinawá Bíblia (BR)

⁵ hawa bekatsi ikama betsa hawẽ bai anu katanũ betsa hawẽ mabu hiwe anu dayai kakẽ

Kashinawa : Diosun Jesúswen taexun yuba bena yiniki

⁵ jawa bekatsi ikama betsa jawen bai anu katanun betsa jawen mabu jiwe anu dayai kaken

Mateus 22:5 ক্রস রেফারেন্স

Hebreus 2:3

Uĩwẽ. Ha dukũ nukũ Shanẽ Ibũ hamebi hawẽ pashati hakiri ibubis bebũkiri txani taeniki. Hanushũ nuku yubakĩ tsuabũra hakiri nĩkai txanima Deusũ hãtxa nũ unãkubainibuki. Nukuburã, hawẽ pashati ewapa txanima hubianikẽ mekei peama hiwe kayabikatsi ikamarã, haskatã ibubis nũ pashatirubumaki.

2 Timóteo 3:4

Haska inũ, betsarã, yura pepabu tsuabura hatuki sinataibu hatũ hatu unãmamis inũ, hawara itiru bebũkiri xinãma hamapai amisbu inũ, hamebi kẽkĩ xinãkĩ: “Yura betsã atirumabiakẽ eã besti ẽ atiruki”, iwanã, xinaĩ inũ, hawẽ kemu pae bestiwẽ xinaĩ pe hiwenũ ika Deus benakĩ xinãma iriashãkanikiki.

Romanos 8:6

Haska inũ, hawara txakabũ nuku amakatsis ikai nukũ huĩti babukĩ tsuabũra ha besti txibãkubaĩmisburã, hawẽ mawatã Deusbe hiweama ishãkanikiki. Hakia tsuabũra Deusũ Yushĩ Pepatũ bai txibaĩ unãnumati hawẽ nũ hiwenũ ikai ha besti xinaĩbu nuku duawakĩ hawama unãnuma nukũ hiwea nuku inãkubainikiki.

Romanos 2:4

Hakia Deus pepahaira mã danãbiaya matũ txakabu tanabiakubaĩkĩ hau ana ha xinãma Deusũ buanũ tsuabura hakiri kakĩ xinã betsa watã mã yukashanũbũ matu xinaĩ matuwẽ nuikĩ hatiãra mã hakiri yukashanai hĩ hĩ ikama Deusũ manakubainikiki.

Hechos 24:25

hiwea pepatikiri inũ ibubis pe meketikiri inũ dasibi txakabu Deusũ kupishanaikiri Paulõ hatu hãtxa wakĩ yusĩaĩ nĩkai datekĩ Félixsĩ nitxĩkĩ yuikĩ: —Kayuwe, xinãshũ ana ẽ daya hayamatiã ana mia nĩkakatsis ikĩ ẽ mia ana kenashanairã— atã

Hechos 2:13

hakia huni betsabũ hawa xinãmari hatu kashe wakĩ ikaibukiri hatu yuikĩ: —Paẽa daki hãtxai ikanikika!— ikaibũ

Mateus 13:22

Hamapai hawẽ hiweawẽs kemui heneama hawẽs besti nuitxakayamakĩ Deusũ hãtxa nĩkabiakĩ ana tapĩkatsi ikama mabuwẽs besti kemui pepaisbumaki, haskatũ yabua hãtxa pepa txibãma yurabu mibã bimiuma keskabuirã.

Provérbios 1:7

Senhor Deus duawakĩ haki datekĩ hawẽ hãtxa nĩka pewakĩ unanepakĩ tapĩ taewabaĩtirubuki. Hakia tsuara unaĩsmapabũ unanepati inũ yusĩti hãtxa pepa danãmisbuki.

Gênesis 25:34

ma yuba nĩkatã misi inũ yusu mabesh tashipa Jacó inã pitã benikaini ka haskakũkaini iyuabia Esaú shanẽ ibutiruma pe shinãma ikũkainikiaki.

Gênesis 19:14

hanua Ló kaĩkaini ha hunibu hatu dais wakatsi ikĩ hatu yubaima i kashũ hatu yuikĩ: —Senhor Deusũ na mae samama yamawaikiaki, hatũ txakabuwẽ kupikinã. Bestẽtã nenua hawaira bukãwẽ— hatu wa hawẽ hãtxa ikũwãbuma hatu kashe wai dabanẽ ikaibũ

Mateus 22:4

ana hawẽ tsuma betsabu yunukĩ: “Ẽ hatu ikatsis ikairã, eska ea yuishũtãkãwẽ: ‘Nukũ tsumapã ina awa inũ hawẽ yuinaka ina tibi shuarãwã deteshũ ma matu bawakĩ shui pewashunabuki. Haskakẽ hawẽ bakebe nawai bekãwẽ’, ea hatu washũtãkãwẽ”, hatu wa bui hatuki txanikubaũbiabu

Mateus 22:6

hanushũ hatiritũ shanẽ ibũ tsumabu atxishũ itxakawakĩ betsabu hatu tenaĩbũ

2 Pedro 2:3

Habunã, matũ pei itxapa binũ ishũ txani hãtxa yusĩkĩ matu parãkĩ itxakawashãkanikiki. Haskanũbariaibu ma bebũkiri Deusũ hatu kupini hawa betsa waismawẽ taeshũ tsuã Deus hatu daewashũtirumawẽ taeshũ Deusũ hatu kupikatsi manayuikiki.