Gênesis 34:27 - Kaxinawá Bíblia (BR)

²⁷ hanua hatũ pui Diná Siquémnẽ itxakawashinawẽ taea Jacó huni bake betsabu ha hatũ betsã hatu tenãkãshu anu haburi bushũ hiwe tibi anua hatũ mabu biãbaũkĩ

Gênesis 34:27 ক্রস রেফারেন্স

1 Timóteo 6:10

Pei inũ maburã, hatũ kemuti pae txakabũ hatu atxia hanu hayaki. Haska mabu inũ peiwẽ kemui Jesus Cristo ikũwaĩbu bestibu has besti dayanũ ika haska abuai hatũ xinã pe henetã ana Jesus Cristo ikũwaĩ xinãma ma hakimawẽ taea hanua hakiri hawẽ txakabu betsa betsapa tashnibirãkĩ hatu nuitapawamiski.

Ester 9:16

Ha dikabi província betsa tibi anu hiweabu hatũ hiwea mekei habias ushe Arartiã inũ 13 shabatiã Judeu nawabu itxashũ hatuki sinataibu maemakĩ 75.000 yurabu tenãtã hakia hatũ mabu hawa biãma ushashini shaba 14tiã huĩrukuĩ benimakĩ piti mirima pewatã pi besiaibũ

Josué 7:21

Jericó nawabu nũ hatube detenameaitiã hatũ mabu uĩbaũkĩ Babilônia anua tari peyabukuti hawẽruahaira inũ, 200 prata pei heshe inũ, ouro ture pishta meio quilo binua betxishũ hawẽ kemukĩ bibaĩ ẽ tari hiwe merã mai pukĩtã ha dukũ pei heshe mãtxĩtã hanua ouro ture hanatã hamamaki peyabukutiwẽ atximashũ ẽ maiwashinaki— akaya

Josué 7:13

Ẽ matu ana merabewatirumẽkaĩ, mĩ shinaĩ benikaĩ ẽ daenũ minabu dasibi itxawashũ hatu pewariwe, eska hatu yuikinã: “Meshukiri eanu bekatsi hau petã benũbũwẽ. Earã, ẽ Israelbũ mekenika Senhor Deuski. Eã hatu yuikĩ: ‘Israelĩ enabuũ, ea nĩkakãwẽ. Jericó anua mabu kua keyuti ẽ yunubiakẽ kua keyuama mã betsa arubaĩshina mã hayaki. Ha mabu tsuãra bishũ mã kuama ishiãwẽ taeshũ nawabu matuki sinataibu mã ana hatu maematirumaki’, akĩ na habias hãtxa ẽ mia yuishu ea hatu yuishũtãwẽ.

Josué 7:1

Judá enabu betsa hawẽ epa Carmi inũ, hawẽ hutxi Zabdi inũ, hawẽ hutxĩ epa Zerárã, ha huni Acã hatũ hatu txakabuwakĩ mabu kuatibiakẽ hawẽ kemukĩ Josué yunutiki meseama mabu betsa hawẽrua hawena wanũ ishũ bishũ hune aruawẽ taeshũ dasibibũ akãshu keska shinaĩ Israelĩ enabuki Senhor Deus sinataya

Êxodo 2:14

—Tsuã mia shanẽ ibu waimamẽ? Miã daki mĩ hatu unãti wamiski, kupikinã. Mĩ Egito nawa tenãshina keska wakĩ mĩ daki eari tenanũ ika ikaii— aka Moisĩ nĩkatã datekĩ shinaĩ: —Ẽ deteshĩkẽ dasibitũ unãkanikiki— ika

Gênesis 34:31

hawẽ bakebũ nĩkatã hatũ ibu yuikĩ: —Haska wakĩ nukũ pui dasibituna hininipa wakĩ beya wakĩ nuku beshpa betxitirubumaki— anibukiaki.

Gênesis 34:2

Heveu nawa shanẽ ibu Hamorĩ bake iyua Siquémnẽ Diná uĩkĩ atxishũ pesakĩ dakewatã

Gênesis 34:26

Hamor inũ hawẽ bake Siquém deteriatã hatũ hiwe anua hatũ pui Diná mebikinãbaĩkĩ iyuabu kaya

Gênesis 34:28

hiwe dapikea inũ bai anua ina sharabu bamakĩ hatu itxawatã

Amós 3:11

Haskamisbuwẽ taeshũ Senhor Deusũ hatu yuikĩ: “Matuki sinataibũ matũ mai pakea kebaũshãkanikiki. Matũ maewã Samaria mishki kenebaunibu kushipabiakẽ berãkĩ keyutã matũ hiwe hawẽrua betsa betsapa anua matũ mabu dasibi mã arukubaĩmis biãtã matu keyu buãshãkanikiki”, itã,