ዘሑልቍ 10:35 - መፅሓፍ ቅዱስ

³⁵ ታቦት ክለዓል እንተሎ፥ ሙሴ “ኦ ጐይታ! ተስእ፤ ፀላእትኻ ኸዓ ፋሕ ይበሉ። እቶም ዝፀልኡኻ ድማ ኻብ ቅድሜኻ ይህደሙ” ይብል ነበረ።

ዘሑልቍ 10:35 Referencias Cruzadas

መዝሙረ ዳዊት 132:8

ኦ ጐይታ፥ ንስኻን ታቦት መቕደስካን፥ ናብ ዕረፍትኻ ተስእ።

መዝሙረ ዳዊት 3:8

ምድሓን ናይ እግዚኣብሄር እዩ፤ በረኸትካውን ኣብ ልዕሊ ህዝብኻ እዩ።

መዝሙረ ዳዊት 9:19

ኦ ጐይታ፥ ተስእ፤ ሰብ ኣይበርትዕ፤ ኣህዛብውን ኣብ ቅድሜኻ ይፈረዶም።

መዝሙረ ዳዊት 94:16

ምእንቲ ኽፉኣት ዝከራኸረኒ መን እዩ? ምእንቲ ዓመፀኛታትከ ዝቃወመኒ መን እዩ?

ኢሳይያስ 51:9

ኣታ ቕልፅም እግዚኣብሄር፥ ተልዓል፤ ተልዓል፤ ሓይልኻ ልበስ፤ ከምቲ ብዝሓለፉ ዘመናት፥ ብጥንቲ ትውልድታት ዝገበርካዮ፥ ተልዓል። ረዓብ ንዝበሃል ኣራዊት ዝቘረፅካዮ፥ ነቲ ዓብዪ ገበልውን ዝወጋእኻዮ፥ ንስኻዶ ኣይኮንካን?

ዘዳግም 32:41

ነቲ ዘንበልብል ሰይፈይ ምስ ሰሓልኩ፥ ፍርዲ ኸውፅእ ኸዓ ምስ ሓዝክዎ፥ ንተፃረርተይ ክብቀሎም እየ፤ ንዝፀልኡኒውን ሕነ ኽፈድዮም እየ።

ዘዳግም 7:10

ነቶም ዝፀልእዎ ንምጥፋእ ኣብ ቅድሚኣቶም ናይ ኢዶም ይፈድዮም፤ ንዝፀልእዎ እንተይደንጐየ ኣብ ቅድሚኡ ናይ ኢዶም ይፈድዮም።

1 ሳሙኤል 4:3

እቶም ተዋጋእቲ ናብ ሰፈሮም ምስ ተመለሱ፥ እቶም ዓበይቲ እስራኤል፥ “ስለ ምንታይ ኮን እዩ እግዚኣብሄር ሎሚ ኣብ ቅድሚ ፍልስጥኤማውያን ከም እንሰዓር ዝገበረና? እምበኣር ኣብ ማእኸልና ኾይኑ ኻብ ኢድ ፀላእትና ምእንቲ ኸድሕነና፥ ንታቦት ኪዳን እግዚኣብሄር ካብ ሴሎ ናባና ነምፅኣዮ” በሉ።