ኤርሚያስ 40:9 - መፅሓፍ ቅዱስ

⁹ ጎዶልያስ፥ ወዲ ኣኪቃም ወዲ ሳፋን፥ ንኣኣቶምን ንሰቦምን ከምዙይ ኢሉ መሓለሎም “ንባቢሎናውያን እንተይፈራሕኹም ተገዝእዎም። ንንጉስ ባቢሎን ተገዝኡ፤ ኣብዛ ሃገር ከዓ ተቐመጡ እሞ ሰናይ ክኾነልኩም እዩ።

ኤርሚያስ 40:9 Referencias Cruzadas

ዘፍጥረት 49:15

እታ ዘዕርፈላ ቦታ ፅብቕቲ፥ እታ መሬቱ ድማ ልምዕቲ ከም ዝኾነት ምስ ረአየ፥ ንምስካም፥ ማእገሩ ኣትሓተ፤ ፀዓራይ ሓረስታይውን ኮነ።

2ይ ነገስት 25:24

ጎዶልያስ ድማ “ካብ ሹመኛታት ከለዳውያን ኣይትፍርሑ፤ ኣብዛ ሃገር ተቐመጡ፤ ንንጉስ ባቢሎን ከዓ ተገዝእዎ እሞ ፅቡቕ ነገር ክኾነልኩም እዩ” ኢሉ መሓለሎም፤ ንኣኣቶምን ንሰቦምን ከዓ ኣረጋግኦም።

መዝሙረ ዳዊት 128:2

ፍረ ፃማኻ ኽትምገብ ኢኻ፤ ምስጉን ኢኻ፤ ሰናይውን ክኾነልካ እዩ።

መዝሙረ ዳዊት 37:3

ብእግዚኣብሄር ተኣመን፤ ሰናይ ድማ ግበር፤ ኣብ ምድሪ ተቐመጥ፤ ተኣሚንካውን ውፈር።

ኤርሚያስ 27:11

ንስልጣን ንጉስ ባቢሎን ዝእዘዝን፥ ክሳዱ ትሕት ኣቢሉ ዝግዛእን ህዝቢ ግና፥ ኣብ ሃገሩ ኽሓድጎ እየ፤ ንሱ ኽሓርሳን ኣብኣ ኽነብርን እዩ።”

ሰቆቃወ 1:1

ኣሌፍ። እዛ ብህዝቢ መሊኣ ዝነበረት ከተማ፥ ከመይ ኢላ ሰብ ዘይብላ ተረፈት! እዛ ኣብ ማእኸል ህዝብታት ዓባይ ዝነበረት፥ ሕዚ ኸመይ ኢላ መበለት ኮነት! እዛ ኣብ ማእኸል ኣውራጃታት ልዕልቲ ዝነበረት፥ ከመይ ኢላ ተገዛኢት ኮነት?

ሰቆቃወ 5:9

ኣብ ምድረ በዳ ኻብ ዘሎ ሰይፊ ዝተልዓለ፥ ብህይወትና እንጀራና ነምፅእ ኣለና።