Yoel 3:16 - ASII LAKDAP Bible (BSI)

¹⁶ Tatiwe raq Jajon hiqlam maq chap raüta hok tlo, Apaiq bomtsi ramoktrang ikha, Jerusalem chela maq mok tlo. Ra ahiq atiikhai banban. Shatmaq Tatiwe apaiq ka asengi tiiwongchang ba, Israilnok miitu peruk weshaü.

Hawa Naga Bible 2001

¹⁶ Yehowa kuex Zion Kanx maq ramc vtueq; vpiq tvruingc kuex Yerusalem maq rv-nyawx yaq; ghaq nuiyc raungx kuex kvkhuirc kvbuilc yaq. Yuq muinz vpiq kuex vpiq miqsaz htenc tvguing jix muex yaungx tuex.

Yoel 3:16 Referencias Cruzadas

Tvtsvmc 18:2

Tatiwe ka ngi tiiwongti; apaiq ka ngi ma peruk weshaü jonghea. I Shiikeawe ka ngi tiiwong chang, kiimaq ngi ka apaiq rai ngi ka tiikhup wongshat. Apaiq raq ngi ka liiq ikha tiiwongkuqtlo; apaiq raq ngi tiichhiitlo kiimaq ngi ka khusang thütlo.

Tvtsvmc 29:11

Tatiwe raq asenginok ma ningkun kuqtlo raüta tsangshiq ma hansang shiiman kuqtlo.

Tvtsvmc 61:3

Jamkhano ngukla ümniika ngi tiiwongti, ijaqtinok jaqkhon wa tiiwongketi henghea.

TAKSU LAK 18:10

Tatiwe ka, nganghea kongmong chong ikha; kechu maiqse tiiwong juchang, haihü songhü angasea ma.

ISAIA 33:16

Kra riihan jiila namshiq ka mitiichhii kuq wan. Namshiq ka trotam maq kiitelong maq peruk weshaüje chela mong na siti ikha ahai song chang min ahü miraq. Namshiq ma phaq nai sea kiimaq kham anyang chang chamtraq asi miraq.

ISAIA 33:21

Tatiwe raq nashiq ma apaiq khushü ngao jonglu kra mitiichhikuq wan. Nashiq ka jürai kaütiim thun jonghea hea kiimaq khamrai setiim thun sitlaq thun tho na misi wan rong i. Shatmaq kiijiika wesang raliinok mokkiitu thun ka wamak she miraq.

ISAIA 42:13

Tatiwe ka nolajong ikha rekhatkai kitlo; apaiq ka tiijeshat chochikhiq rekhatkai ma. Apaiq raq rechapho ma gitlo, re riim; apaiq raq aningkun heng ajaqtinok ma tiichhikuqtlo.

ISAIA 51:16

Ngi raq ramungtan thun ka tiikha chan kang, lata hiq tiichap wan chang jamkhü kra phongkang; Ngi raq Jerusalem ma ngutiikang, ‘Namshiq ka isenginok! Ngi raq namshiq ma itri raütu kuqkang she, kiimaq Ngi raq namshiq ka ijaq maq khupwongkuq tiikang.’”

JEREMIA 16:19

Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

JEREMIA 17:17

Ümniika ngi tiiphiipjiiptiwe ma naq jakiq. Chamchao akhing ranaiq ümniika ngi tiipaükai chang ba.

EJEKIEL 38:19

Ngi raq i tsankhiq henghea lam maq ara kha toqtan tiikang, kra ranaiq akhing na Israil mung na pinthum henghea hiqjong mimu.

Hosea 11:10

Tatiwe raq ngutlo, “Hangsi gitlaq ikha tsangjaqtinok raq mikaqphaq. Raüla isenginok iwokhong na miwa. Tsangshiq shenyap mung wa taülaükhiq, ngi phana miwa.

AMO LUIK DVP (AMOS) 1:2

Amos raq akha chongto, “Tatiwe raq Jajon hiqlam maq gitlo; Apaiq giwatrang ramok watrang ikha, Jerusalem chela maq gitlo, nyamse rümchang nyiimlung wakram, wiitashe shinkito, kiimaq Karmel pum wa, nyamse rümchang wakram, wiita shinkito,”

AMO LUIK DVP (AMOS) 3:8

Hangsi kaü giraüjaq, haimak misi shea? Ajong Thaq Na Ajong Tatiwe she bom haü jaq, shammi bom chongmak juwa misi?

NAHUM 1:7

Tatiwe ka ahea; Apaiq raq asengi, chamchao mong wa, tiiwong kuqtlo; Apaiq wokhong na nyap wanti, apaiq raq shiilitlo.

HAGAI 2:6

“Jaqlolishe ngi raq ramungtan nai mangjong hiqdiim, kiimaq mangjong hiqraikhü nai sammoktra jü thun wiita mibaiqha.

HAGAI 2:7

Ngi raq mangjong hiq wa maiq mung thun naüshaüshaü mirha. Krai mren pongmung maiqse raq tsangshiq tsiiq tum kra howan raüta arjiishe mito wan. Krai mren, Shomjam ka tsiiq anyam raq ama she miraq.

JEKERIA 10:12

Ngi raq isenginok ka, ajong alanok miishe mitiija wan ha. Tsangshiq raq ngi mishomnoq wan. Raüta tsangshiq raq ngi aming lang raütiishe mishong nga wan.” Arka Tatiwe raq toqtantlo.

JEKERIA 10:6

“Ngi raq Juda mungti mitiitsing ngangha, Ngi raq Israil mungti ka mitiichhii ha. Ngi raq tsangshiq ka mimangchanha, Lata wiitarü tsangmung niishe mitsuq wan ha. Tsangshiq ka ngi raq jangshi min tiishaübaiq mang dongdii ikhiishe, ikhuk na mipom wan ha. Ngi ka tsangshiq Tati Shiikeawe. Ngi raq tsangshiq achu jaü mitreha.

JEKERIA 9:12

Munglu shumwikong lei, ümchaü san, namshiq ma akamsea chang asi she, jangwa rongkiq. Nam tiiwong chang niishe jang wa rongkiq, Ngi raq namshiq ma shiiman kechu, thep tliip lata mipai kuq kang. Namshiq ümtinkhan wa chamchao wan lan, Kra tiijang thamke miitu,

Hebrews 12:26

Man na, apaiq bomchongke akhing na, mangjong hiq ka atiikhai banban tiimeto. Shatmaq, kra thaq na ümchaü ka, apaiq raq akha hali kiqkhamto asi, “Ngi raq lakshi ri hali mangjong hiq ara mitiikaü lak baiq nong ha! Mangjong hiq ara lamlam li min riimak, ramungtan kiimin miphai baiq nong ha,” nguta chongtlo asi.

Revelation 11:13

Kra tsangnai wawan ri, tlothit li she henghea langlang hiqjong muto. Kra hiqmu raq chela ka manroqshi khu wa manshi rii ka tiithen baiqto. Kiimaq, maiq ka hingmiishi jiimto. Kiiwa chantlaq maiqse angu thun ka, kai phiip raq tsaito. Raüta, tsangshiq raq ramungtan wa Shiikeawe ningkun jonglu kra chhi raüta, apaiq ka tiitsamto.

Revelation 11:19

Kiijiishe, ngi raq ramungtan wa Shiikeawe shomjam kilü ka dito chhikang. Kiimaq Tongshong Tek kiimin shomjam mong na chhikang. Kiimiili she rachhai ralüp watrang, ramok wa trang, kiimaq hiqjong muwa trang, kiimaq tsakhiiq rokwa trang liishe chhikang.

Revelation 16:18

Krai mren, ramok rachhai wa trang liishe, ramok wa trang liishe, kiimaq phiiptsi chang hiq jong muwa trang liishe brak wanto. Mangjong hiq na maiqse angu kra phansang wanli miiphat, atinkhan heng hiqjong mu ka, mu wan mak dea. Ara hiqjong mu wantaq arka, wiitarü thaq na abi henghea pinthum mu wanto!

1 SAMUEL 15:29

Israilnok rümti khushü ajong Shiikeawe raq arot chongmak. Kiimaq apaiq tiima tsantsii kiimin klaimak. Apaiq ka maiqse riimak. Apaiq hon atsii ka klai mak.”