Yoel 2:21 - ASII LAKDAP Bible (BSI)

²¹ “Ai, hiqkhu rakhu lei naqhai rongkiq, shatmaq kai chochi ronglaq, ümkhiiwa nguraüla, Tatiwe raq namshiq ma jaqsham jonghea klotlo.

Hawa Naga Bible 2001

²¹ “Wuik vnax htenc lex, nauk hiz kaz, yuq muinz Yehowa rueq nuimshiq lotlaz tvkoc shuimx tueq ningkhvnc nuex vkoz vkez muex lenc lauk wuez kuinz.

Yoel 2:21 Referencias Cruzadas

RAPHA HIQWA LAK 15:1

Arjai maq, Abram raq riisham mak maq chhito kiimaq Tatiwe raq apaiq ma bom achong ka akha taito, “Naq haikiqjo, Abram la. Ngi raq ümniika haisi rasong mong wa khup wong kuq shat mirha. Kiimaq ümniima poksi jonghea mikuqha.”

Tvtsvmc 71:19

Shiikeawe lei, ümnaq kechu ka, ra thun niishe saü wanto. Ümniiraq jaqsham thun jonghea sham wan laü, ümniikhan ahinti jumin ahü.

Tvtsvmc 98:8

Namshiq jaqphi phok ronglaq, jürai thun lei; namshiq kin thun riimin, shinge ronglaq adam na chojong chise Tatiwe man na,

ISAIA 35:1

Kumtsaiphii wang michochi, kiimaq bintang jüngi wang na pepü wiihü peohea mipülii.

ISAIA 41:10

Naqhaikiq - Ngi ka ümniirai asi! Ngi ka üm Shiikeawe - ümniika jam miimin naqphiip jiipkiq! Ngi raq üm ningkun ka mitiiheng kang; lata mikhrumkuq kang. Ngi raq ümniika mitiiwong kang lata mitiichhiiha.

ISAIA 44:23

Chochi lantea rütrang ronglaq, namshiq ramungtan thun raq! Gitrang ronglaq, hiqtsan hiqmong thun lei! Chochi lantea rütrang ronglaq, pum thun, kiimaq rum wa pechong thun loweatek raq! Tatiwe raq apaiq jonglu tiichhito asengi Israilnok chhii wan raüta.

ISAIA 54:4

Ümniika naqhaikiq, ümkhushü ka tiijam nong mak she miraq; ümniika maiq raq jamsha nongmak she miraq. Ümniiraq nose wanyeji na ümwese rai samhea simaü lea wan laü akhing ka alaq she mirbaiq haü, kiimaq manti nyung rilung waqkhü kham nyangli chamchao wan laü kra alaq she mirbaiq haü.

ISAIA 55:12

“Namshiq raq Bebilon ka khoqriiq shishiiq lam maq mibaiqthü han; namshiq ka chela wa khusang maq mitsuq wan. Pum thun nai kin thun ka ashi ange miphok wan, kiimaq pechong thun ka chochisitsi ma agi watrang liishe miraq.

JEREMIA 33:3

“Ngi healaq, raüla Ngi raq mitre kang; Ngi raq ümniima awang chang thun kiimaq amao chang thun ümniiraq khonlot maü phan kra michong kuq kang.

Hosea 2:21

Kra akhing na ngi raq isengi Israilnok, achu jaü mitreha. Ngi raq ra mitiijun kuqha. Krai mren tsangmung na, tü atsam nai spiqtsi kiimaq Olip petsi thun aheawiq mitsingo.

Yoel 2:20

Ngi raq kupchi sawa hiqkhu nü, mung maq asaü wan kra, ajoshe mirbaiq ha. Ngi raq kupchikong wiijam ka, rumnyangkhi kumtsaiphii niishe mitsuq baiq ha. Kupchi kongla ma lamsheati kong ka, Ama Khamjong chum mong niishe mitsuq baiq ha. Tsangshiq ma jai na rewatikong ka, Mediterenian Khamjong chum mitsuq baiqha. Tsang maa ka hiq ma rama minam wan. Ngi raq tsangshiq ka tiisiirai mijiipbaiq ha. Namshiq tiichamchao wantaq kha na.

Yoel 2:26

Ümchaü namshiq ka rongboq she, mishongnga wan han. Namshiq raq nam Tati Shiikeawe mitiitsam kam han. Apaiq raq namshiq ma amao chang jaqsham kuqto. Namshiq ka chojong chise miishe misi han. Isenginok ka jurmin shummii mak she.

JEKERIA 8:15

Shatmaq ümchaü san, ngi raq Jerusalemti nai Juda mungti ma achu shiimanke wan miitushe thapthi wan kang. Arningkhan namshiq ka naqhai rongkiq.

TRI CHONGKE 4:32

“Namshiq rawü michhi han shaq, lea wantiiwa akhing kra konchon rong liita. Shiikeawe raq maiqse phan sang wantaq rapha hiqwa pat na saüli konchon rong liita. Mangjong hiq raikhü tlotli ka konchon rong liita. Atinkhan mra jonghea ka man na kongkhu pat na pin wan tiisha? Maiq weshi ra raq akha mra pinto nguta tsütsa ka tai wan tiisha?

1 SAMUEL 12:16

Kra ningkhan, namshiq ümbano chaptlan kiijaq chapshatli chap ronglaq, lanta Tatiwe raq ümchaü namshiq makki na awang chang jaqsham ashi mitiichhi kuq.

1 SAMUEL 12:24

Tatiwe aming thun ka lang ronglaq. Lanta tsan nai mongjii wiita kiinong lanta tsapkapkap maq apaiq kli shiili ronglaq. Apaiq raq namshiq miitu jaqsham jonghea shamkuqtaq kra tsan na tiitsang lanta sironglaq.