WEAWEA 6:24 - ASII LAKDAP Bible (BSI)

²⁴ Tatiwe raq ümniidea mishmanlaq kiimaq ümniika mishkum panlaq;

Hawa Naga Bible 2001

²⁴ Yehowa rueq nuimshiq muex ruimruimx kuq ruiux, mtvkhup wungx shueq:

WEAWEA 6:24 Referencias Cruzadas

RAPHA HIQWA LAK 28:15

Tsan na tiitsang laq. Ngi ka ümniirai nong shiinong mirha. Kiimaq ümniika ümriiba niili khum haü jiimin tiikhup wong kuq shat mirha. Kiimaq Ngi raq ümniika armung na hali mitiijang sheaho nongha. Ngi raq ümniima kiqkham raüpot khakuq kang thun kra kunli miku piwan shaq wiiwii, Ngi raq ümniika thaq mang.”

2 SAMUEL 7:29

Ngi raq ümniima ilai ila thun ka shiimankuq laq nguta achu jaü tiikang. Krai mren, tsangshiq ka ümwokhong na chojong chise maq misilaq. Ümnaq, Tati Rakaü Hiqwe raq ara kiqkham khakuq laü. Krai mren, ümnaq achu shiiman ka ilai ila khuthaq na pattup pat-sa she misi wan laq,” nguta Dawit raq achu jaüto.

Tvtsvmc 134:3

Ramungtan nai mangjonghiq tiiqti Tatiwe raq Jajon maq namshiq mishman kuqlaq!

Tvtsvmc 17:8

Ngi ka ümmakpo jamkho tiiwong tlaü kiikha tiiwonglaq; ngi ka ümrakong thun nyam na paülaq

Tvtsvmc 28:9

Ümsenginok kra chhiilaq, Tatiwe lei, kiimaq ümwokhong na siti ka shiimanlaq. Tsangshiq ka ümskusekong ümniika tsangshiq rümti; kiimaq tsangshiq ka pattup miitu shiikum panlaq.

Tvtsvmc 91:11

Shiikeawe raq arasetiim ma ümniika tiikheshat miraq raüta ümniika ümbana kihaü jiimin khebomshat miraq.

ISAIA 27:3

“Ngi raq ara chhintsii wankang. Lata kham maq aheawiq nyukruq nyuk kang. Lata maiq raq tiibiti mak chang miitu Ngi raq ranaiq rawa kheshat maq liiwan kang.

ISAIA 42:6

“Ngi, Tatiwe raq ümniika heawan kang lata ningkun kuqkang, hiqraikhü na mung ka tingting kappe maq peng wan miitu. Ümnaq lümaq ngi raq maiq phan tlotli rai tong mishongha; ümnaq lümaq Ngi raq maiq mung thun na rawüli mitiichhikuqha.

DANIEL 9:17

O, Shiikeawe lei, ngi achujaü nai tiipaiqnea tiikang ara tai kuq laq. Ümshomjam tiithen baiqtaq kra tiiheakuq nonglaq. Tiiheakuq liidea, haüla maiqse angu kunli raq, ümniidea Shiikeawe nguta misap wan.

John 17:11

Riita, ümchaü ka ngi ümphana wawan she. Ngi ka mangjong hiq na simang she. Shatmaq, tsangshiq ka mangjong hiq niili. Asii i We lei! Tsangshiq ka ümmang jong ningkun, ngi ma kuqlaü kriimaq khup wong kuqshat riilaq. Krai mren, nanai jamkho kiqshi maq sitiikai, kiikhiisii tsangshiq min kiqshi tsiimshi maq mishong nga laq.

1 Corinthians 14:16

Riita ümniiraq ümtiikiiwa Shiikeawe ma kechutum achu jaü tlaü, kiitiikaq ümtsai ümji wenyi miili achu jaü haü jiika, nanok ahinti nyungwe nosere ümchuwa kriijaq lom dam tlaq, kriiti riika sapmak miraq. Riita kriiti riika ümniiraq kechutum achu jaü tlaü kra tlot na, “Amen” ngutiika jamkho mitre dam? Jamkhano ngukla, nyungwe nose riika ümniiraq jamlai wa achü jaü tlaü kriika sapmak miraq.

Ephesians 6:24

Jurwa nashiq Tati Jesuq Khristo ka tsaimak phan lungwii maq lungwiitlaq, kriiti tarü ma Shiikeawe kaphap misilaq.

Philippians 4:23

Tati Jesuq Khristo kaphap ka namshiq tarü rai misilaq.

Philippians 4:7

Krai mren, Shiikeawe raq namshiq ma akuq, tsan awok sanglili rilung, maiqse raq sap lot mak phan wenyi rilung raq, Khristo Jesuq wokhong maq, namshiq ka hansang ma mirüm wan.

1 Thessalonians 5:23

Riita, nashiq ka khusang maq rüm wanti Shiikeawe raq, namshiq ka apaiq phumram kham maq batshat raüta, namshiq ka phanrap na asii arai, kiimaq namshiq khum ka, wiipumtam maq, namshiq wenyi ka, namshiq tsaiji ka, kiimaq namshiq han-ngam khum ka, Tati Jesuq Khristo saükai akhing ranaiq na saü li, ashe ashi miphan jam min ahü maq, siirai raihea maq mirümkom wan laq nguta, achu jaü tiikang.

1 Peter 1:5

Shiikeawe raq namshiq ka, apaiq ningkun jonghea rüm tlaq kriimaq, namshiq ka tiiwong shat maq rüm tlo. Arka namshiq raq Khristo ma kamtsantsii rüm tlan kriikha maq, Shiikeawe raq namshiq ka tiikhup wongkuq shat maq rüm tlo. Krai mren namshiq ka tsailam jilam miishe Shiikeawe raq mitiichhii kuq dongdii nguta kamto maq sirong laq. Riita, ara chongtiikai tiichhii wan rilung ka, namshiq ma Phangthum ranaiq niishetiq kunkun mitiihong kuq wan.

Jude 1:24

Namshiq ka tiichhan mak maq tiiwongketiwe, kiimaq namshiq ka shutphit ahü siirairai maq apaiq khushü ngao chhainyii mong na shea wantiwe, kiimaq chojong chise maq kiijaq mantut na tiichap wantiwe--

RUTHA 2:4

Heashi sijai niishe, Bethlehem maq aki Boaj ka wak na saükito. Raüta ningchangtibi rai, “Tatiwe ka namshiq rai misi laq!” nguta riibomto. “Tatiwe raq ümniima mishman laq!” nguta tsangshiq raq treto.

1 SAMUEL 2:9

“Apaiq awokhong na siti, asengi khup wong kuqtlo, shatmaq abi maiqsetiim ka ranyaq mong na mowantlo; maiqse raq aningkun maq rekhat tang wan lot mak.