WEAWEA 5:29 - ASII LAKDAP Bible (BSI)

^29-30 Riita maiq awese ashi ka ata-nyung ma sethoq jakito nguta kha nyanho raüta tsang-nyung ka shuho raüla, ara tri armaq kha ka phoke chang. Kra nyung ka berong-wacha khaki na tiichap chang. Raüta ramwe raq arthun tumkham ramtam ara klo chang.

Hawa Naga Bible 2001

^29-30 Vkhoc tvrac vruex kuex vtaungx waz rueq vtaungx nyuiuz htokpawx yaq ngoz tueq, vtaungx nyuiuz muex kvmx muq nuex phvnc juing tvrac rvtueq. Shomc waz rueq yalxjuik nyuiuz kuex shomrawx khaungkac nuex tvjvp vtueq htungx tvrac rulc rv-ngvlc wisoz rax.

WEAWEA 5:29 Referencias Cruzadas

EJEKIEL 33:26

Namshiq ka nam nepja thun ma tlam tlan. Namshiq raq jamlai wa klotlan thun kriika Ngi ma maiqphai asi. Namshiq loweatek raq maiqchak rai sra tlan. Jamlai tiima lanto, kra mung ka namshiq riishe nguta tsütsit tlan?

LEWI 11:46

Riita, ngam thun khuthaq na kiimaq wushi thun khuthaq na, kiimaq kham na siti phan atra phan tlotli khuthaq kiimaq atra phan hiq raikhü na sitlaq kriithun khuthaq na thungtri raütu thun ka arthun ara.

LEWI 13:59

Riita ija thathaü ka uni rai na, riimakla müsaisai raihi-nairai khea na, riimakla nairai khea na, riimakla uni khea na, riimakla ngamkhü maq aklo hupsam na long raüla, arthun thungtri ara lang chang. Raüta hupsam thaq na thathaü long raüjaq, kriika ashe apii chang sha asii pii mai chang wa, kra ara tri raütu armaq shin raüta lang wan chang.

LEWI 7:11

Tatiwe ma rintii-honglu thun ke thungtri ka arthun ara.

WEAWEA 5:12

Israilnok ma arthun tsii chongke bomtsi ara chongkuqlaq. Bom ka akha moraqli miraq. Awese raq ata-nyung ka apaiq shummii raüta maiq rai kiicham kito, raüta apaiq khum ka tiisheto nguta kha mo-nyanli miraq. Shatmaq tsangwe riika riikhaqli ka sap mak. Jursap tsang-nyung raq kra bomtsi ka apaü raüta mothü min moraq miraq. Kra chhiti ka maiq saqse jumin ahü. Kiimaq tsang-nyung ka kra maiq rai sra rai tlaq akhing na jurmin chhimak dea. Riimakla, tsangwe ka tsang-nyung ma khahü na atsan ka motiikan sea moraq li miraq. Tsang-nyung riika tsangwe ma jamlai shut phit min klo mak shatmaq kha mo-nyan li miraq.

WEAWEA 5:15

Akhnok kha she nguraüla, tsangwe raq tsang-nyung ka ramwe phana shea wan chang. Kiimaq apaiq raq tri na chongtlaq kra phan phan honglu kechang jaili wongwin kilogram shi lam wan ratlo. Shatmaq apaiq raq olip tai ka kriijaq nyuk raamak. Riimakla kiijaq jamlai homseng min thiidam maimak. Jamkhano ngukla arka awese raq tsang-nyung ma tsan tiikan kha nyantlaq kra miitu, tengtlaq bomtsi kra tiidong khot ma akuq honglu.

WEAWEA 5:19

Kra raütiishe ramwe raq kra jechak nyung kiima ramwe apaiq raq tumkham bomtsi chongtlaq kra phan phan akha bomlaq nguta michong: “Ümniiraq maiq rai sethoq jaki maü dea jiila, ara tumkham raq ümdü na manson ka tiinilot mak miraq.

WEAWEA 5:28

Shatmaq apaiq ka shut mak dea, sepii jiila, manson ka akhum na nikhi walot mak miraq. Krai mren apaiq raq asetiim ka mihum wan.