WEAWEA 25:4 - ASII LAKDAP Bible (BSI)

⁴ Kriikha Mosheq ma nguto, “Israilnok welabi ka wiita shea laq, kiimaq Ngi aming wokhong maq ranaiq shethung pii na tsangshiq thun ka jiipbaiq laq. Kra riihaütiq Ngi ka mungmaiqse ma itsan tiikhiq mangshe mirha.”

Hawa Naga Bible 2001

⁴ Moshe muex ngoc, “Ngvy thuinkhvy shiz tvkoc Israel miqsaz walaungx bix htenc kuex tvdung vtueq mungx miqsaz khaungkac nuex thvt gay shuiuz,” ngoz tueq jungx tueq.

WEAWEA 25:4 Referencias Cruzadas

2 SAMUEL 21:6

Kra ningkhan, asaü asetiim wa maiqwesetiim wemiishi kra lap laüta naishiq ma atra maq kiinong kuq laq. Raüla naishiq raq tsangshiq ka Tatiwe man na, Gibeon chela na, Tatiwe raq Saul ka tsea raüta hokham ma ashong wanwe sichang kriijaq mitiishak paq baiqhai.” “Ahea ikhla. Ngi raq tsangshiq ka lap lata namshiq ma mikiinong kuq baiq kang,” nguta hokhamwe treto.

2 SAMUEL 21:9

Raüta Dawit raq tsangshiq ka Gibeon chelati jaq na kiinong kuq baiqto. Tsangshiq raq kra maiq wemiishi kra Tatiwe man na kinla kiijaq tiishak paqbaiqto. Krai mren, tsangshiq wemiishi ka chiimshi na tsaito. Riita kra maiq tiishak paq baiqtaq akhing ka, lamse sat thum wan nini she, jaili tsamhan apha wan kun niishe tsangshiq ka tiishak paqbaiqto.

Tvtsvmc 106:29

Tsangshiq jaqsham maq Tati tsankhiq shaüto, kriikha na tsangshiq phong na thabitsi tiisaüto.

DUNGWVNC 18:25

Raüta Israilnok tlotli liipan wa maiq asap atsintibi thun ka tseato. Raüta apaiq raq tsangshiq ka welabi ma ahing thun thaq na, ashi thun thaq na, roqbiingi thun thaq na, kiimaq aroq thun thaq na apengti thun ma shongto.

Jona 3:9

Kiikha nashiq raq ngarai tiidii wan hai jiika, jursap, Shiikeawe raq apaiq tsantsii miklai wan min aja sham. Kiimaq apaiq tsankhiq nashiq khuthaq na sitlaq kriimin mishi wan sham. Raüta nashiq ka atsai chang wa, atiichhun mirkuq wan sham!”

WEAWEA 25:11

“Phinehas raq jaqsham ahea klo kha maq, Ngi ka Israilnok ma itsan tiikhiq mang she. Apaiq raq laihin phra shomnoq ka pinthum ninlot mak Ngi li shomnoqtlo. Kra ningkhan tsangshiq ka itsan khiq li jiimin, Ngi raq tsangshiq ka tiijiimbaiq mang dea riikang.

WEAWEA 25:18

Jamkhano ngukla tsangshiq raq Peor hiq maq abi kiimung raüta namshiq laoto. Kiimaq Peor hiq maq thadong na tsaitaq Kojbi lümaq lao wanto.”

TRI CHONGKE 13:11

Kra riihantiq, Israilnok tlotli raq jamlai mra wa pintaq kra wiita raq mitai. Raüta tsangshiq ka ahai she miraq. Kiimaq maiq ahinti jurmin akha ashut aphit jaqsham ka klo mak she miraq.

TRI CHONGKE 13:13

nam mungwa maiq pantlat na siti raq tsangshiq chelati mungmaiqse ka, namshiq raq man na ümtiikiimin shomnoq wan man sumla phra thun kriishe shomnoq hoto nguta tsütsa ka mitai han.

TRI CHONGKE 13:15

kriishe ngu raüla, kra chelati maiq thun ka namshiq raq wiita miqchup jiip baiq ronglaq. Kiimaq tsangshiq jam nyamse kong thun kiimin wiita jiip baiq ronglaq. Kra chela ka hiqmiq changkhü ma tiijabaiq tlii jiipbaiq ronglaq.

TRI CHONGKE 13:17

Kra miqchup shiithen baiq chang nguta atiishut baiq hupsam kiiwa jamlai min namshiq maiqmii miitu naq thü rongkiq. Kra riihan jiitiq Tatiwe tsankhiq walüwa ikha nyaitlaq kra atsaq she miraq. Raüta namshiq ma tiihang mangchan mitiichhikuq. Kiimaq apaiq raq namshiq ma tiihang mangchan mitiichhikuq wan. Kiimaq namshiq ka namtitiim ma kiqkham kuqtaq kra phan phan awealot maiq ka pahea mitiipuchi kuq wan.

TRI CHONGKE 21:22

“Kiimaq maiq weshi ka kha jonghea tang kha na, tsat baiq raüta, apaiq maa ka pekham chong na tiipaq shat chan thü raüla,

TRI CHONGKE 21:23

kra maiq maa ka ra washi kiikhiili tiipaq shat ka thü raa mak. Kra maiq maa ka kra ranaiq li lap thü chang. Jamkhano ngukla maiq maa pekham chong na tiipaq shat la thü raüla kra mung na Shiikeawe manson she misaüki. Maiq maa ka lam lanta alap riithü ronglaq. Tatiwe üm Shiikeawe raq ümniima kuqtlaq mung ka naq tiishekiq.

TRI CHONGKE 4:3

Tatiwe raq Peor Pum maq jamlai wa riitaq kra namshiq raq maiqmii mak maq achhilan. Apaiq raq Baal phra shomnoqti maiq wiita tsatbaiqto.

JOSHUA 22:17

Nashiq raq Peor chela maq ngarai tang laita, Tatiwe raq asenginok ka thabi tiidong raüta tiijiim baiqtaq ira tsan na asi khata? Kra ngarai kha na nashiq ka ümchaü niitaq chamchao tiikai ara. Riita kra ngarai thaq na jaram tiitsuq wa?

JOSHUA 23:2

Kra ningkhan apaiq raq Israilnok tlotli, phukhu welabi, ashun asheatibi, phowebi, kiimaq mung liiti siihiipbi thun ka adam na ngongthun nga miitu tiiheato. Raüta akha nguto, “Ngi ka ümchaü sanha kaüja kiija she.