WEAWEA 24:17 - ASII LAKDAP Bible (BSI)

¹⁷ Ngi raq rawiichii akhing chhitiikang, Kiimaq Israilnok mung kra chhitiikang. Hokham weshi, raiqsaiq ikha chhai hea, Kra mung na midong. Komet raiqsaiq po ikha apaiq ka Israil mung wa midong. Apaiq raq Mob mungti welabi thun mibuk. Kiimaq Seth mungti tlotli mitiiq baiq.

Hawa Naga Bible 2001

¹⁷ Ngaz rueq max kox wawc pat kuex lawc koq tueq, Israel miqsaz kuex ngaz rueq khiz tauk. Kvruex miqphvnx nuex hokhvmx washiz kuex phelez yaq ruiysuiyq ikhoc dung tuex. Ruiywuic poz ikhoc Israel wawc dung tuex. Piq rueq Moba phvnx walaungx bix htenc kuex khvt yurc gay ruiux, Set miqsaz htenc lotlaz kuex yurc gay shuex.

WEAWEA 24:17 Referencias Cruzadas

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

2 SAMUEL 8:14

Apaiq raq Edom mung tlotli na phentiip pahea phoqto. Krai mren, kra mungti ka awansenok miishe jawanto. Tatiwe raq Dawit ka barapse na rekhat kitlaq ka tiitang wanruq riito.

2 SAMUEL 8:2

Kiimaq apaiq raq Moabnok kra long raüta tangto. Apaiq raq rewa shumwi kong ka hiq na wiita tiibumto. Raüta wetsam phong kiiwa wenai ka tsatbaiqto. Kriikha niishe Moabnok mungti ka, awansenok miishe jawanto. Raüta apaiq ma tijong tsiiq she kuq wanto.

2 HOKHVMX 3:5

Shatmaq Israil mung Hokhamwe Ahab tsaijai ka, Mesha raq Israil mung tijong wokhong wa adong she riihoto.

1 KAÜWA WERAÜ 18:2

Kiimaq apaiq raq Moabnok kiimin khat raüta tangto. Raüta Mob mungti ka wansenok miishe tiijato. Raüta tsangshiq raq apaiq ma tijong tsiiq phunta kuqto.

Tvtsvmc 110:2

Tatiwe raq Jajon chela maq ümhokham ningkun ka mitiijong. “Ümjaqtinok thun ka penglaq,” nguta apaiq raq ngutlo.

Tvtsvmc 45:6

Shiikeawe raq ümniima mungtan kuqtaq kra pattup pat-sa thummak mitsing wan. Ümniiraq ümsengi ka tingting tri maq peng wan tlaü;

ISAIA 15:1

Arka Mob mungti miitu tsütsa. Ar chela nai Kir chela ka rawashi liipan niili tiithenbaiqto. Mob mung tlotli na kaiqshak kaiqshi biibangbang ma she.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 48:1

Tati Ningkun Ajongwe raq Mob mung miitu akha nguto: “Nebo chelati ma mangchan tsi— tsangshiq chela ka tiithenbaiqto! Kiriathaim chela re raq jiiwanto, chela tro kiitelong ruk ka tiibunbaiqto, kiimaq chelati ma jea tiingaüto.

JEREMIA 48:45

Ngila nguraü munglu wansha apin jin rai mungmaiqse kong ka akhing ashi na Sihon Hokhamwe raq langtaq Heshbon chela kiina, tiiwong wan julai nguta pintrangtlo. Shatmaq kra chela ka wa maq achaq baiq kun she khiimphaqtlo. Wa maq Mob mung tro thun ka achaq baiq kun she. Kiimaq Mob mungti rekhat lung wiiti srea jongbi thun ku-akin thun na siti bi ka wa maq wiita she chaqbaiqto.

JEKERIA 10:4

Tsangshiq phong wa tuwejongbi, welabi, phentubi midong. Raüta isengi mipeng wan.

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

WEAWEA 21:29

Mob mungti lei, phiiptsi chang jo namshiq ma! Khemosh phra shomnoqtinok lei thenki lan she jo! Namshiq phra kaü raq namshiq ka munglu wanshanok miishe tiijato, Kiimaq jechakre ka Amoraiq hokhamwe shumwi kong ma tiija baiqto.

WEAWEA 24:16

Jurwa Shiikeawe bom kra taitlaq Raüta Ratsan Mong Na Sitiwe raq akuq phaqchi laptla. Ngi raq riisham mak maq tiqtiq liilata chhitiikang Ningkun Ajong Shiikeawe raq riisham makchhi akuq.

Luke 1:78

Nashiq Shiikeawe ka mangchan rümti tsanin woknin. Apaiq raq nashiq ma tiichhii wan rashe kii liliim kra mitli kuq wan she.

Hebrews 1:8

Shatmaq tiina Shiikeawe raq Ase miitu bom ka akha chongto: “O Shiikeawe lei, ümniiraq ümhokham jaqsham tlaü kriika, pattup pat-sa mitsing wan! Ümniiraq ümsengi mungmaiqse ka, tingting tri raütu sham laüta peng tlaü.

Hebrews 7:14

Riita, apaiq ka Juda weraü phan ta na rawü chhikito nguta, wiitarü raq ra tsa ikha asap siisaq. Shatmiitiq, Mosheq raq ramwebi jaqsham chong tlaq kiijiika, Juda weraü wa ramwe jaq misham dam ngutiika chong mak dea riito.

2 Peter 1:19

Ara ra wa bomtsi saütaq kriika, man na shammibi raq Messia ka misaüho lii nguta chiiriim raüta tra hokuq wantaq kriika, tengto dea nguta bomchong raükha tiipha wan she riito. Arkha maq, nashiq raq shammibi bomchong ka tsan na atsi maq thü laita kam hai jiika nashiq ma ahea miraq. Krai mren, namshiq tarü raq, shammibi raq achongthü tsütsa kiima kam lanta sironglaq. Tsangshiq raq achongkuq tsütsa ka ranyaq mong na piijongteng tlü tlaq ikha maiqse ma wenyi walüli. Ranap rawü rashe midong hoshaq wiiwii ka, piijongteng wanii ka akhek raa tlo. Namshiq mongjii na Jesuq Khristo, ranap Saiqwüpo kra misaüho shaq wiiwii, shammibi bomchong piijongteng kra samhea tiinyai lanta thü ronglaq.

Jude 1:11

Tsangshiq miika kai phiiptsi wan chang sitlo! Tsangshiq ka Kain jai phanti. Kiimahali, kampho ma süram raüta, Balaam raq ngarai tangtaq, kra lamphan na hali, ümchaü tsangshiq armin kiho nong tlo. Tsangshiq arka, Kora raq jamkho pong wela ja ngarai tangtaq, kiikha ngarai tang tlo. Apaiq ka jamkho thumtaq, kra niq riri sii hali, tsangshiq armin then wanto she.

Revelation 1:7

Liirong laq, apaiq ka phum rai saühotlo she! Wiitarü raq apaiq kai rai ka michhi. Apaiq ka piq maq shukti riimin michhi. Apaiq saükai chhiwi raüta, mangjong maiqse wiita aho anyi miraq. Amen.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 22:16

“Ngi, Jesuq raq i rase ka arthun tsütsa ara namshiq phungtuti ma mitiitai kuq laq nguta tiikikang. Ngi ka Dawit weraü lai. Ngi ka Ranap Saiqwüpo.”

1 SAMUEL 14:38

Kiijiishe Saul raq mungmaiqse liiti welabi ka akha heato, “Ana warong ra, ümchaü ranaiq jamlai ngarai wa tangta kra rit rong i.