WEAWEA 13:28 - ASII LAKDAP Bible (BSI)

²⁸ Shatmaq kiijaq shongtinok maiq ka sra nola jong siisaq, kiimaq tsangshiqnok chela thun kiimin jonghea hea siisaq kiimaq trotam maq kiitelong maq aruk siisaq. Kriithaq niimin tiibitaq she ka, naishiq raq maiq phan jonghea saüse phan kra chhikai.

Hawa Naga Bible 2001

²⁸ Yuq muinz kvruex mungx nuex httax yaq miq kuex luimc vkawc httaz hvlc, palx ruk palx htung vhttax ghaqyungx htenc nuex httax ngaungc wuez yaq. Kvdvyx muinz rvmuq pinhtumc yungc loayc hvlc miqphvnx rvtueq kuex khiz shec tiq.

WEAWEA 13:28 Referencias Cruzadas

2 SAMUEL 21:16

Maiq weshi jonghea nolajong amang min Ishbibenob ngutlaqwe ka jaq niika miikingam piqkaü piraü riito, kra piq lai ka toktsam ri tokthiq riito. Kiimaq apaiq riika nepjasai kaü anye kra wiraü riito. Apaiq raq tiima ka Dawit ka mitsatha nguta tiimato.

WEAWEA 13:33

Kiimaq naishiq raq maiq jonghea luhea phan Anak saüse phan kriimin chhikai. Tsangshiq man na naishiq ka kupchi kaüsetiim ikha tsaiji ranto. Kiimaq tsangshiq makki na naishiq ka jammin tairai mai kong ikha chhito sham.”

TRI CHONGKE 1:28

Nashiq ka kiijaq jam nguto miwa rong? Nashiq ka haisi. Nashiqnok siwebi kiina tiiwakai kriiti raq chongtlo, kra mung na siti maiq thun ka ahong alanok siisaq. Kiimaq nashiqnok thaq na ajong alu siisaq. Kiimaq tsangshiq ka chela thun na sitlo. Kra chela thun ka kiitelong maq ra tsan ra mong nyang na saüli li siisaq aruk. Kiimaq tsangshiqnok ka tum tintin chhiwataq nguwa!’

TRI CHONGKE 2:21

Tsangshiqnok kiimin Anakimnok jamkho jonghea luhea phan sitaq kiikhiisii ajong alu phan riito. Kiijaq tsangshiq ka pahea pahea riito. Kiimaq tsangshiqnok ka srea nolanok. Shatmaq Tatiwe raq tsangshiq ka wiita tiithen baiqto. Krai mren Ammonaiqnok raq tsangshiqnok hiqshong jii wanto. Raüta tsangshiq she kiijaq shong wanto.

TRI CHONGKE 3:5

Arthun chela ka trotam na kiitelong maq diiluwiq maq aruk siisaq. Kiimaq kilamchong thun kilü asi siisaq, kiimaq kilü lachong ka jinpan siisaq atiihong riito. Kiimaq kiitelong maq hiqshong tro na ruk hü hiqshong kiimin pahea riito.

JOSHUA 11:22

Israil mung na Anakimnok phan ka ashi ra min atra tiichong mak, thumthum jiipbaiqto. Shatmaq, Gaja chela wa, Gath chela wa, kiimaq Ashdod chela wiita, tsatlap mak dea, abung atsapseli tiichong kito.

JOSHUA 14:12

Riita, ümchaü min, ikongtitiim nai ngi raq kra tsütsa chongkuqho kai akhing na, Tatiwe raq ngi ma mikuqha nguta kiqkham kuqtaq, krai mren, ara ku akin binjü thun arka ngi rii chumkuq laq. Kiitiikaq naishiq raq ümniima kra binjü na sitinok ka Anakim phan, jonghea luhea phan sitlo nguta chonghokai ihata. Kiimaq tsangshiqnok sichang chela thun ka, ajong min jong hea, trotam maq long maq aruk nguta chonghokai ihata. Li jiimin, Tatiwe ka ngi rai asi miraq. Tatiwe raq ngi ma jamkho kiqkham khuqtaq kra phanphan, ngi raq tsangshiq ka khat lata, chela thun ka mijii wanha,” nguta Kelib raq Joshua ma chongto.

JOSHUA 15:14

Kelib raq Anak saüse phan Sheshai weraü, Ahiman weraü, kiimaq Talmai weraü thun ka Hebron chela kiiwa wiita jobaiqto.

PHOWEBI 1:20

Mosheq raq aming kuq thütaq kra phan phan, Hebron chela ka Kelib ma kuqto. Kelib raq kra chela wa Anak saüsetiim wetsam jobaiqto.