WEAWEA 10:33 - ASII LAKDAP Bible (BSI)

³³ Riita Israilnok ka asii Sinai pum wa tiido wanto, raüta tsangshiq ka ranaiqtsam tinkhit wawanto. Tatiwe Tongshong Tek ka jang wrapshe tsangshiq ma lam shea sinkhu na wawan lili riitlo. Raüta tsangshiq ma lamjap chang piitiip tei wan chang hiq ba kra rit wan litlo.

Hawa Naga Bible 2001

³³ Israel miqsaz kuex vsawc Sinai kanx maq kaz wvnc vtueq, nuiyq thuimx lvmx khuemx wvnc tueq. Tsuingshiq jerak tec juing baung kuex tvkhic kuy tvkoc Yehowa Bomkhvrc Jep kuex tsuingshiq khaungx tvmax nuex mkaq muinz kaz yaq.

WEAWEA 10:33 Referencias Cruzadas

Tvtsvmc 95:11

Ngi ka itsan khiqhea kriikha na atiitum lata akha kiqkham kang: ‘Namshiq ka Ngi raq nii mitiitsak kuqha ngukang mung kriijaq ümkha riita jiimin saülu man mirhan.’”

DUNGWVNC 19:3

Kiimaq Mosheq ka Shiikeawe rai riihumwa pumkhu thaq na wa wanto. Tatiwe raq pum maq apaiq ka heato. Kiimaq apaiq ma Jakob saüse phan Israilnok ma akha chongkuqlaq nguta chongto:

DUNGWVNC 3:1

Ranaiqshi Mosheq ka ahuchhiwe Jethro, Midian mungti ramwe skukong nai chhechhi kong kra riimrea riito. Apaiq raq nyamse kong ka rumnyangkhi kumtsaiphii wang kiina tsuqhoto. Raüta asii Sinai pumji kiina saükito.

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 28:12

Apaiq raq namshiq tlotli ma nü tiitsak kuqto kiimaq aheawiq boq pumto. Shatmaq namshiq raq apaiq bom chong ka tairo man tlealan.

ISAIA 66:1

Tatiwe raq ngutlo, “Ramungtan ka Ngi ngachang hokham ngacho. Kiimaq mangjong hiq ka ihok tiida chang hüda. Ümniiraq Ngi miitu jamkhiinok jam wa mihai kuq haü? Ngi sichang ka jamkhiinok hiq ba niiwa miklo haü?

JEREMIA 3:16

Kiitiikaq namshiq ka kra mung na maiq pahea she mipuchi wan han. Kra akhing mungmaiqse raq ngi raq akuqha tongshong tek miitu ka riibom man she mirhan. Tsangshiq raq kra miitu ka tiimara mak she miraq. Riimakla tsan niimin tiitsang kong mak she miraq. Tsangshiq ma kriika raamak she miraq. Kiimaq anye ashi haiwan nong min rarai mak she miraq.

JEREMIA 31:2

Rumnyangkhi kumtsaiphii binjü maq, maiq ümchuwa atsai maakho bok wa lun wantaqti ma, Ngi raq tiihang mangchan tiichhikuq kang. Ümtiikiiwa Israilnok raq niitiitsak rit wantaq,

JEREMIA 6:16

Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”

EJEKIEL 20:6

Kra akhing na, Ngi raq tsangshiq ma tsangshiq ka Ejip mung wa ashea mirwanha. Lata Ngi raq tingsang atsea arwanha hiqpo hiqwin mungtan ashi, mangjong tlot li na ahea pinthum mung kiijaq mishea wanha nguta ikiq khamkuq kang.

WEAWEA 10:12

Krai mren, Israilnok raq tsangshiq ka Sinai Kumtsaiphii wang wa tiido wanto. Raüta laü wanto. Kriimiishe tsangshiq ka Paran kumtsaiphii wang na saüto. Kiijaq phumda kaü ka Tombutiip khuthaq na satki raüta khingkito.

TRI CHONGKE 1:33

Apaiq riika wranaiqshe namshiq ma sinkhu na wawan lili raüta, namshiq ma lamjap piitiip tei wan chang hiq ba ka tiihong kuq wan lili riito. Namshiq ma lamshea wan, apaiq ka namshiq ma sinkhu na, rawa niika waniitu ma ja raüta wawantlo, kiimaq ranaiq niika phumda kham ma ja raüta wawan lili riitlo.

TRI CHONGKE 31:26

“Ara Shiikeawe Thungtri lakdap ara jaülaq. Laüta Tatiwe üm Shiikeawe Tongshong Tek siim kiijaq thülaq. Krai mren, ara lakdap ka arnok khuthaq na tsangshiq tiishutti saqse ma mijalaq.

TRI CHONGKE 9:9

Ngi ka Tatiwe raq namshiq rai tongshongtaq bomkham kra longpen dam wiinai na awaiq kuq kra jaüwa pum na wa wan kang. Lata ngi ka kiijaq anaiq roqblai awa roqblai ranaiq rawa dungmin siq mang kham min nyang mang maq siwa kang.

Hebrews 13:20

Shiikeawe raq nashiq Tati Jesuq ka amaa wa tiidong wanto. Apaiq ka skukong Rümti Ajong Pinthum. Arka apaiq miisaq honglu na kuq raüta tsaito kriikha maq jawanto. Kra tsaitaq kra maq pattup pat-sa tongshong kra atiijai maq nei wanto. Raüta sil maq san wanto. Riita hansang Shiikeawe raq namshiq ma namshiq raq apaiq raq rotlaq kra phan phan athuk atsom jaqsham wan miitu phanrap ahea awa phan rong raa tlaq kra namshiq ma asho awo michom rom kuqlaq. Kiimaq apaiq raq Jesuq Khristo lümaq, nashiq khum na apaiq tiichochi chang jaqsham thun kra mishamlaq. Kiimaq Khristo miituli khushü chhainyii jonglu kra pattup pat-sa misilaq! Amen.

JOSHUA 4:7

Namshiq raq tsangshiq ma, Tatiwe Tongshong Tek raq Jordan rai jin wan kiita, Jordan rai kham ka süroq rükito nguta michongkuq han. Ara longkaü phong arka Israilnok ma pattup miitu ümchaü akhing na Jordan rai ka jamkho jin wantaq kra manphan tiitsang chang manphan miraq.”

PHOWEBI 20:27

Kra akhing bala Shiikeawe Tongshong Tek ka Bethel chela na riito. Kiimaq ramwe jaqshamti ka Eleajar se Phinehas, Aron ma asaü asi riito. Mungmaiqse raq Tatiwe ma waito, “Naiphu naino Benjaminnok khatkai mikinong hai shea? Shea, khatki maishe wa mithaq baiq hai?” Tatiwe raq treto, “Khatki rongkiq. Anap ranaiq ngi raq tsangshiq ka namshiq ma mitiitang kuqkang.”

1 SAMUEL 4:3

Rewati abung atiichong ka piitiip na jang wan raüta, Israilnok welabi raq nguto, “Ümchaü ranaiq nashiq ka Tatiwe raq Philistainnok ma jam nguto tiitangta? Nashiq Shilo na walaita Tatiwe Tongshong Tek ka ana piwa rong i. Kra riihaila, apaiq ka nashiq rai mikidam. Raüla, nashiq ka renok jaq wa mitiiwongkuq.”