Tvtsvmc 82:3 - ASII LAKDAP Bible (BSI)

³ Miitsan maiqse nai jechisetiim raq alap chang arang sitlaq kra tiiwongke ratlo; tri raütu ka tingting maq sham ronglaq, lanta thümsaü litsebi nai ümkoq ümphaqti ka riikhaqli tri maq shin lanta khrum kuq ronglaq.

Hawa Naga Bible 2001

³ Htemsuiuz rvmsaz jix nuiyc nojix sahez rueq lvp aungx yaq htenc kuex tvguing tvwungx kuq shuinz; rax yaq jix htenc nuiyc romc kuy jix vguez jix htenc muex tvrac rulc rv-ngvlc phox kuq shuinz.

Tvtsvmc 82:3 Referencias Cruzadas

YOBA 29:12

Ümtiikiiwa miitsan maiqse hoq tlaq, ngi raq tsangshiq khrum kuq tiikang; ngi raq jechisetiim ümkoq ümphaq akai chang ahüti ka khrum kuq tiikang.

YOBA 31:21

Kiimaq rung maq kha ka ngi raq mitangha ngo maq, ngi raq jechise ashi ra laokang jiila,

Tvtsvmc 10:18

Ümniiraq maiqdi maiq ma kong nai jechisetiim hoqtrang kra mitai haü; laüta tsangshiq tiiwong na kha ka mipho kuq haü, kra ngu raütiq mangjong hanngam ningkun rümti raq tiiphiipjiip mak she miraq.

DUNGWVNC 23:3

Miitsan maiqse ka rung na tiichaptlaq akhing na naq tseatsiiqkiq.

DUNGWVNC 23:6

“Miitsan maiqse rung na chaptlaq akhing na, akha ka riikhaqli phokuqlaq. Naq tiishaüjikiq.

TAKSU LAK 31:9

Tsangshiq miitu chap laq. Laüta tri tingting maq sham laq. Jehin noreti nai thümwaq mantibi, rung maq tiiwong kuqlaq.”

ISAIA 1:17

Laüta tingting jaqsham kra shrinlaq. Liilaq, riikhaqli tingting jaqshamlaq. Di ama ikha maiq raq tiichamchaotlaq kra khrumlaq. Thüm waq mantise re ma tsangshiq raq jamlai phan lap phaq sea wan chang wa sitlaq kra khashkhaq kuqlaq. Kiimaq manti nyungre kra tiikhup wongkuq shat maq riimlaq.”

ISAIA 1:23

Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

JEREMIA 22:16

Apaiq raq miitsan maiqse kha tingting maq photo. Krai mren apaiq jaqsham ka ahea athuk atsom riito, kriikata Tatiwe sap raüta siwan rilung.

JEREMIA 22:3

“Ngi Tatiwe raq namshiq ma jamlai wa tingting kiimaq riikhaqli kra sham ronglaq nguta aming tat tiikang. Wepuq weseti maiq raq laoliitlaq kriiwa, apaiq laotiwe jaq khon mong kiiwa tiichhii kuq ronglaq. Maiqse ka jimaq nishishi haihü maimak. Kiimaq pongmungti wanshawe kiimaq jechi nomisetiim kra, riimakla manti nyungre kra, nanshan shan haihü raamak. Kiimaq ara asii hiqshong arjaq maiqsang jamshut phit makti ka tsea baiq raamak.

JEREMIA 5:28

Tsangshiq ka jaro apütamli kiimaq wok phetaktak. Tsangshiq raq abi kiimungtlaq thun awealot chang riimak. Tsangshiq raq manti sekong ma tsangshiq raq lapphaq sea chang ka kuqmak riimakla ji maq nishishi haithütlaq kriiti ka kha ka riikhaqli phokuq mak.

JEKERIA 7:9

“Man na rathup rapha niiphü ngi raq isengi ma ara aming kuqkang: ‘Namshiq raq tri ka riikhaqli ating maq sham raa. Kiimaq maiq ashi maq riita ashi ma tsan hea tsiihea mangchan tsii tiichhi raa.

TRI CHONGKE 10:18

Apaiq raq jechi nomisetiim nai thümwaq manti-nyungre ka tiishaüji mak maq khrum kuqtlo. Apaiq raq pong mungti nashiqnok rai shongti kra lungwiitlo. Raüta tsangshiq ma phaq nai sea kiimaq khu akhea kra kuqtlo.

TRI CHONGKE 24:17

“Pong mungti nai jechi setiim ka tsangshiq raq jamlai lap chang wa kra naq ningtangkiq. Kiimaq manti-nyung raq phanshi ra ümjaq wa anam raüla, kra rii thiitham kongphiq kha thü na apaiq khu akhea kra naq lam thükiq.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.