Tvtsvmc 74:3 - ASII LAKDAP Bible (BSI)

³ Ümji maq walaüta ara botkhulai rai riishottlii atiithenbaiq kriijaq khum wakiq naishiqnok jaqtibi raq Shomjam wa phanrap wiita tiithenbaiqto.

Hawa Naga Bible 2001

³ Naungshiq ralx htenc rueq Shomc Yuimx mungx nuex httax yaq phvnx ruip saz kuex tvbac gay tueq; bac wvnc tueq lotlaz kuex kaz vtueq lawc kaz kuiuz.

Tvtsvmc 74:3 Referencias Cruzadas

2 HOKHVMX 25:9

Raüta apaiq raq Shomjam kra, hokhamwe jam kra, kiimaq Jerusalem na siti welabi ajongbi thun jam kra wiita wa maq chaq baiqto.

NEHEMIA 1:3

Kiijiishe, tsangshiq raq, “Nashiq mungti, munglu shumwi ma tsuq wan mak deati, lun wantiiti thun ka, kai chamchao mong niili sitlo. Kiimaq pongmung maiqse raq pinthum jomniim shaqshaq shummiitlo. Jerusalem chela long peruk kriimin wiita bunkito. Kiimaq peruk kilam kilü thun kriimin wa maq chaq raüta, wiita tiithen baiqto,” nguta tsangshiq chongto.

NEHEMIA 2:13

Ngi ka rawa mong niili tiido lata, chela tro ruk kra ahukse maq sisin wan wan shrira liikang. Shenyap nü na Jüwii Kilam Chong kriimaq liiphaho lata, hiqmai nü na Pren Kaü Khamdü nü na liiwan kang. Lata Shinchiitsap Phong Kilam Chong nü na liiwan kang. Ngi raq kra chela tro na ashthen arbaiq peruk thun ka, kiimaq wa maq chaq raüta ashthen baiq thun kra sidi liiwan kang.

NEHEMIA 2:3

Kiimaq ngi raq, “O, Chaü lei, rilung alu maq silaq! Iti iwi sichang changkhü chela ka wiita she then wanto. Chela trotam na long maq aruk khetuk thun kriimin wa maq chaq baiq raüta wiita she thenkito,” nguta apaiq bom ka trekang.

Tvtsvmc 44:23

Tiidolaq, Tatiwe lei! Ümniika jamto konrai tlaü? Ümniika chaplaq! Naishiq ka pattup miitu naq tiishaübaiqkiq!

Tvtsvmc 44:26

Kira naishiq khrum laq! Tiipit maü phan üm mangchan wokhong maq naishiq chhiilaq!

Tvtsvmc 79:1

O Shiikeawe lei, thatsang maiqse raq ümmungtan long wanto. Tsangshiq raq asii üm Shomjam tiisheshi baiqto raüta Jerusalem ka wiita tiibunbaiqto.

ISAIA 10:6

Ngi raq Asiria mungti ka tiiki lata ra weahünok mungti, itsan tiikhiqtinok kra tiikhat tiikang. Ngi raq tsangshiq ka maiq mung wa tsiiq nai nyam trunkai kiimaq atiihuk kai kiimaq maiq ka ji maq nishishi, lam na botkhulai rai shottlii tiithenbaiq tiikikang.”

ISAIA 25:10

Tatiwe raq Jajon Pum ka mikhup wongkuq. Shatmaq Mob mungti ka ji maq nishishi minibaiq. Tsamkü phong ka hok maq nibaiq wan raüjaq hiq tiipü chang ma tiijabaiqtlaq ikha.

ISAIA 61:4

Tsangshiq raq chela thun athen arki luheashe tiiheahü thun kra kunkun mitiihea haiwan.

JEREMIA 52:13

Raüta apaiq raq Shomjam nai hokhamwe jam, kiimaq Jerusalem chela wa ajong alabi jam thun kra wiita wa maq chaqbaiqto.

AJONJÜ 1:10

Ajaqtinok raq atsiiq tum thun wiita tsuq wanto; Apaiq raq tsangshiq ka asii Shomjam mong na nyap wan chhito, Kiijaq Tatiwe raq pongmunti tiiwamak riito.

DANIEL 11:31

Apaiq phenlabi wiijamti raq Shomjam ka mitiishe baiq. Raüta tsangshiq raq Shomjam na ranaiqtek honglu kuq tlaq kra atiithaq mirbaiq. Raüta Riikhiq Phiiptsi Chang Sumlakaü she mitiinga shong.

DANIEL 9:17

O, Shiikeawe lei, ngi achujaü nai tiipaiqnea tiikang ara tai kuq laq. Ümshomjam tiithen baiqtaq kra tiiheakuq nonglaq. Tiiheakuq liidea, haüla maiqse angu kunli raq, ümniidea Shiikeawe nguta misap wan.

DANIEL 9:27

Kra tuwe ka mangjong hiq na siti maiqmung pahea rai, rawii wiimiishi na saüli pharang rang maq silu mirja. Kra rahiq akhing ka wiijam she nyiwanto angu na, apaiq raq nyamse honglu takuq wan tlaq kra nai laihin honglu kuq wan tlaq jaqsham ka atiitsaq she mirbaiq. Raüta Riiqkhiq Phiiptsi Chang Sumla Kaü kriishe diilu pinthum ba asii thaq na asii Shomjam khok kriijaq mishong wan. Kra Shomjam tiisheshi wantiwe ka, Shiikeawe raq mitsat baiq wan shaq wiiwii, kra Riiqkhiq Phiiptsi Chang Sumla Kaü ka tiingashat li miraq.”

Mikha 1:3

Tatiwe ka apaiq sichang asii jam maq satho tloshe. Raüta pum khu thun thaq na mikhum.

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

Mark 11:17

Kra raütiishe, apaiq raq, “Asii Bomtsi na Shiikeawe raq, ‘I Jam ka mangjong maiqse tlotli ma, achu jaü chang, Asii Shomjam miraq,’ nguta chongtlo. Shatmaq, namshiq riitiq sha, ahuk arotti thun kra tiibo chang jam miishe tiija baiq holan nya!” nguta nokwe ma chongkuqto.

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

JOSHUA 10:24

Raüta Joshua phana shea wanto. Kiijiishe Joshua raq asengi Israilnok sreabi thun ka wiita adam na tiithungto. Raüta asengi phong wa siihiipbi apaiq rai kaidamti thun kra waraüta, hokhamwetiim dangkong na ji maq ni ronglaq nguta aming kuqto. Krai mren tsangshiq raq ji maq nito.

Revelation 11:2

Shatmaq, shomjam kinphai ka naq shinkiq. Jamkhano ngukla, kriika thatsang maiqse ma alike kun she. Tsangshiq raq Asii Chelati ka jipi lüroq blai ri lünai, ji maq nishishi mihaihii baiq.