Tvtsvmc 67:4 - ASII LAKDAP Bible (BSI)

⁴ Maiq mung thun ka michochilaq kiimaq chojong chise mishingelaq, jamkhano ngukla ümniiraq maiqphan thun ka tingting kappe sham laüta tsangshiq kha ka photlaü laüta mangjong hiq wa maiq mungtek ka shunsheatlaü.

Hawa Naga Bible 2001

⁴ Miq htenc kuex tvrac vlvmz maq phox kuq ruiux, ghaq htauk wawc miqphvnx ruip rawx muex lvmx shvlc kuy ningkhvnc nuex, miqphvnx htenc vkoz vkez thuinz maq mshix ngoyx wuez kueq.

Tvtsvmc 67:4 Referencias Cruzadas

RAPHA HIQWA LAK 18:25

Riikhaqli miika, ümniiraq maiqsangti ka ashutti rai ka tsat baiq maü mirhaü. Kriika ümkhiiriitii jiimin klolot maü! Ümniiraq kiikhiika klolot maü. Kra ümniiraq klo haü jiika, maiqsangti kiimin ashutti rai khoshi na mo tiiho ma mikhat wa. Arka ümkhiiriitii jiimin riimak. Mangjong hiq tlot li kha photiwe riika tingting maq phoke chang li.”

Tvtsvmc 2:8

Jaülaq, raüla ngi raq ümniima maiqmung thun kunli mikuq kang; hiqraikhü tlotli ka ümniirii she miraq.

Tvtsvmc 82:6

‘Namshiq ka tisho kong,’ nguta Ngi raq ngukang ihata; ‘namshiq tarü ka Ratsan Mong Na Sitiwe setiim.’

Tvtsvmc 9:8

Apaiq raq mangjong hiq ka tingting kappe sham raüta pengtlo, apaiq raq maiq mung thun kha ka tri riikhaqli maq photlo.

Tvtsvmc 96:10

Maiqmung thun tlotli ma chong ronglaq, “Tatiwe ka hokham! Hiq ka phataqtaq ashongwishe kiimaq tiimeshilot mak she; apaiq maiq phan thun kha ka tingting kappe maq mishin.”

Tvtsvmc 98:9

jamto ngukla apaiq ka mangjonghiq pengkai kitlo. Apaiq raq mangjong maiqse ka tingting tri lang raüta riikhaqli maq kha mipho.

ISAIA 54:1

Jerusalem lei, ümniika sehü nyung ikha silaü, shatmaq ümchaü ka agi asii ashi ange she chochilaq. Ümchaü ümsetiim ka awese raq heashise min tlea mak nyung thaq niimin ümsetiim ka pahea she miraq!

ISAIA 55:4

Ngi raq apaiq ka wela ma shongkang, kiimaq mangjong tlotli thaq na phentuwe ma shongkang, kiimaq apaiq lümaq Ngi raq tsangshiq ma iningkun tiichhikuq kang.

ISAIA 60:6

Hupsamhoti kongnyung kaüshi kumtsong kong misaü wan, Midian nai Epha mungti. Tsangshiq ka Sheba mung wa chaq nai homseng howan raüta misaü wan. Mungmaiqse raq tsütsa ahea Tatiwe raq shamtaq kra michong!

Acts 17:31

Ara jamkhano chongtla ngukla, apaiq raq mangjong maiqse kunli kha ka tingting maq phoke wan miitu akhing ranaiqshi ka atiihongthü wishe. Kriika, maiq weshi apaiq raq tsea raüta shongtaq, kriiwe lümaq mipho kuq. Riita, ara chongtlaq arka tengteng dea nguta, maiqse angu tarü ma hakhi tiichhike miitu, apaiq raq kriiwe ka amaa wa tiidong wanto!”

Romans 2:5

Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.

Galatians 4:27

Asii bomtsi na akha chongtlo: “O laihü lahü nyung lei, chojong chise miishe silaq! Nowüchhi tsi jangshi min chamchao maü shaqti nyung lei, kai chojong chise ma silaq! juwa sehü nyung nguta awese raq miimbaiq wantaq, kra nyung raq khoti miina, awese raq lungwii hea nyung thaq na, asetiim ka pahea mihum wan,” nguta chongtlo.

TRI CHONGKE 32:43

“Maiqmung thun lei, namshiq raq Tatiwe senginok ka tiitsam ratlo, apaiq raq tsangshiq tseati thun ka wiita ma mo mitiiho. Apaiq raq ajaqtinok thaq na aphuk lamtlo, kiimaq asenginok ngarai thun ka diikuqtlo.”