Tvtsvmc 3:3 - ASII LAKDAP Bible (BSI)

³ Shatmaq, O Tatiwe lei, ümniika haisi ranaiq ngi tiikhup wongketi; ümniiraq ngi ma rekhat tiitang kuq tlaü laüta ngi ma srea ningkun shoqkuq tlaü.

Hawa Naga Bible 2001

³ Yuq muinz O Yehowa lex, mnoz kuex kvhiz juing wawc mkaq muinz tvkhup wungx kuq yaq ngvy lak rvtoq; mnoz rueq ngaz muex lotlaungc wvnc kuq vtueq, ngvy khvmc thuinz tvmvrc kuq yek phux.

Tvtsvmc 3:3 Referencias Cruzadas

RAPHA HIQWA LAK 15:1

Arjai maq, Abram raq riisham mak maq chhito kiimaq Tatiwe raq apaiq ma bom achong ka akha taito, “Naq haikiqjo, Abram la. Ngi raq ümniika haisi rasong mong wa khup wong kuq shat mirha. Kiimaq ümniima poksi jonghea mikuqha.”

RAPHA HIQWA LAK 40:13

Ranaiq tsam sijai na hokhamwe raq ümniika phaqtek mong wa mitiidong. Raüta ümkha ka adii mirkuq. Kiimaq ümniika ümnaq ngachü ngacho na che tsümketiwe ma hali mishong nong. Kiimaq man na ümniiraq apaiq ma chekok ka jamkho tsümkuq tlaü kiikhahali mitsüm kuq nong haü.

2 HOKHVMX 18:30

Kiimaq apaiq raq namshiq ka Tatiwe miili kamrong i nguta mitiishon. Tatiwe raq namshiq ka mitiichhii kuq lot nguta naq kamsiq rongkiq. Kiimaq apaiq raq naishiq Asiria mung phenlabi ka Jerusalem ka khat laita jii wan tiikai kriiwa mitang baiqlot nguta naq tiima rongkiq.

2 HOKHVMX 18:32

Raüta ajong hokhamwe raq namshiq ka mung ashi aheawiq ümchaü ara nammung akha, spiqtai nyang miitu spiqro asi, winsii phaq miitu püwong kham ra jangphaq chang hiq asi. Olip pero tonglong mung, olip tai ka chamtraq, kiimaq ngiqngu chamtraq asi, mung na mitiisi wan. Namshiq raq apaiq aming kra tai han jiila, namshiq ka tsai man mirhan. Shatmaq atra misihan. Hejekia raq namshiq ma Tatiwe raq mitiichhiikuq nguta tsaiji tlam bom chongtlaq kriima naqshon rongkiq. Namshiq ka anginok ma naqja rongkiq.

2 HOKHVMX 25:27

Ewilmerodakh ka Bebilon mung na hokham ma shongtaq kra rawiili, apaiq raq Juda mung Hokhamwe Jehoiachin ma mangchan tsantsii tiichhi kuqto. Raüta apaiq raq Jehoiachin ka phaqtek wa atiidong she riito. Ara apaiq phaqtek mong wa tiidongtaq arka Jehoiachin ka munglu shumwi ma Bebilon mung na shea wan li maq, wiiroqtsam ri wiimiishi she angu rawii, jipi lüroqshi ri lünai angu na, kra jipi lüwa raroqnai ri ramiishi ranaiq na apaiq ka phaqtek mong wa tiidongto.

Tvtsvmc 110:7

Hokhamwe raq lamkii na khamraise kiiwa kham minyang wan; raüta aningkun ka milap wan, raüta rekhat tang raüta nolajong mija wan.

Tvtsvmc 119:114

Ümniika ngi khupwongti kiimaq ngi chhiiti; ngi ka ümkiqkham ma ran tiikang.

Tvtsvmc 18:2

Tatiwe ka ngi tiiwongti; apaiq ka ngi ma peruk weshaü jonghea. I Shiikeawe ka ngi tiiwong chang, kiimaq ngi ka apaiq rai ngi ka tiikhup wongshat. Apaiq raq ngi ka liiq ikha tiiwongkuqtlo; apaiq raq ngi tiichhiitlo kiimaq ngi ka khusang thütlo.

Tvtsvmc 27:6

Krai mren, ngi tro na re phong kra mitangha. Chojong chise agilülü lam maq apaiq Shomjam na honglu thun mitaakuqha; ngi mishiha, ngi raq Tatiwe mitiitsamha.

Tvtsvmc 28:7

Tatiwe raq ngi khupwong kuqtlo kiimaq tiichhiitlo; ngi raq apaiq ma kamtiikang. Apaiq raq ngi khrumtlo kiimaq ngi tiichochitlo; ngi raq apaiq ka chojong chise shinge lata shomsiq tiikang.

Tvtsvmc 4:3

Tsan na tiitsang ronglaq Tatiwe raq kechu maiqse ka apaiq rii tsea wanto, raüta ngi raq achu jaüha la apaiq raq tretlo.

Tvtsvmc 62:7

Ngi tiichhiiwan nai ikhushü tiijong luti Shiikeaweli; apaiq ka ngi tiiwongti nolajong; apaiq ka tiiwongtiip.

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

ISAIA 45:25

Ngi Tatiwe, raq Jakob saüse thun ka wiita mitiichhiiha, kiimaq tsangshiq raq Ngi mitiitsam.

ISAIA 60:19

“Ümniima ranaiq na rashekii ka rarai mak she miraq, riimakla ümniima jipi li kiimin rarai mak she miraq. Ngi, Tatiwe arli she ümniima pattup pat-sa mililiimha; Ngi khushü ngao chhaitlaq kriili she ümniima mililiim.

Luke 2:32

Apaiq ka Pongnok phan maiqse ma, Ümrawü li tiichhike wanti, Apaiq ka ümsenginok Israil mung ma, ümkhushü jonglu kra tiichhike wanti.”

TRI CHONGKE 33:29

Israil lei, ümniika kopan jonghea! ümnaq akha maiq jumin ahü, Tatiwe raq atiichhii wan mung ashi. Tatiwe apaiq kli ümliiq kiimaq üm nepja, ümnaq tiiwongketi kiimaq ümniima rekhat tiitangketi. Ümjaqtinok ka tiihang kuqlaq nguta ümman na mitiipaiqnea, kiimaq ümniiraq tsangshiq ka hok maq nishishi mirhaü.

Revelation 21:11

Kiimaq Jerusalem ka Shiikeawe khushü ngao raq achhai anyii wa hea la riito. Kra Chela ka athii tsinhea phan Jaspar longseng chhai tlaq ikha wüjangjang hea chhai raitlo.

Revelation 21:23

Kra chela miitu rashe kii nai jipi li min raa mak she. Jamkhano ngukla, Shiikeawe khushü ngao kriili liliim tlo. Kiimaq Skuse ka chela miitu wanii tu.