Tvtsvmc 21:3 - ASII LAKDAP Bible (BSI)

³ Ümniika apaiq phana shiiman jonghea thun lamho laüta kilaü kiimaq akhupo na chaq kho phok ashi tiiphok kuqlaü.

Hawa Naga Bible 2001

³ Mnoz rueq yunghvlc ruimrix htenc kuex laq vtueq piq kox nuex kaz toq, piq khux nuex kuimshawx khushec tvbuz kuq toq.

Tvtsvmc 21:3 Referencias Cruzadas

2 SAMUEL 12:30

Raüta Ammonnok phra Molekh sumla khupo na atiiphok hokham khuphok chaq maq alo kra Dawit raq lamto. Kriika tokroqtsam ri tokbiingi tin riito. Kiimaq kra khuphok ka longseng maq atiimii riito. Dawit raq kra longseng thun ka run raüta, apaiq hokham khuphok niishe tiimiikhiiqto. Kiimaq apaiq raq kra chela wa sepat lopi pahea tsuq wanto.

2 SAMUEL 2:4

Kiijiishe Juda mung wa mungmaiqse ka Hebron na kiraüta, Dawit ka Juda mung na hokham miishe shongto. Riita Dawit raq Gilead wang wa Jabesh chelati raq Saul maa ka saiqsamto nguta tsütsa ka taito.

2 SAMUEL 5:3

Krai mren, Israil mung wa welabi thun tlotli ka Dawit phana Hebron chela na kito. Kiimaq apaiq raq tsangshiq rai pumshi nguta asii phumram kham maq ram tiibokto. Kiimaq tsangshiq raq Dawit khu na tel maq nyukto. Raüta apaiq ka Israil mung na hokhamwe ma shongto.

1 KAÜWA WERAÜ 20:2

Kiiwa Ammonnok phra sumla Molekh khupo na chaq khuphok ka kilogram roqtsam ri blai riito. Kra khuphok niika longseng po atiikop asi. Dawit raq lam raüta apaiq khuphok na tiikopto. Kiimaq apaiq raq kra chela wa sepat lope tsiiq pahea run wanto.

2 KAÜWA WERAÜ 6:41

Tiido laq ümchaüli, Tatiwe Shiikeawe lei, kiimaq ümnaq ningkun tu rii miithii ara Tongshong Tek kaü arai adam maq Shomjam mong na nyap wan dam laq. Laüta arjaq pattup pat-sa miitu shongnga wan laq. Laüta ümramwebi raq ümchuwa jaqsham wantlaq kra shiiman kuq laq. Kiimaq ümsenginok kunli ka ümnaq lungwii ram ram wokhong maq khoqriiq shishiiq she mishong nga wan laq.

YOBA 41:11

Apaiq ka juro mitsat khamlot raüta atra misilot? Apaiq tsealotti ka mangjong hiq na maiq ahü.

Tvtsvmc 18:18

Ümtiikiiwa ngi ka chamchao mong na riikang, tsangshiq raq ngi khatto, shatmaq Tatiwe raq ngi khupwong kuqto.

Tvtsvmc 20:5

Kiitiikaq naishiq raq ümrekhat tanglaü nguta agilülü misiitranghai kiimaq rekhat laü miitu nashiq Shiikeawe tiitsam laita poi miklo hai. Tatiwe raq ümnaq tiipaiqnea laü thun ka wiita dea mitrelaq.

Tvtsvmc 31:19

Ümniiraq pinthum awang chang hupsam thütlaü, ümnaq shrengti maiqsetiim miitu! Maiq loweatek raq ümniika pinthum ahea nguta asap, ümniima kamtibi thun ka ümniiraq thep khupwong tlaü.

Tvtsvmc 59:10

I Shiikeawe raq ngi lungwiitlo kiimaq apaiq ka ngi phana miki; apaiq raq ngi ma ijaqtinok tiitang wan kra mitiichhikuq.

Romans 11:35

Apaiq ma phanshi ra kene wanti maiq asi sha? Kra miitu apaiq raq atham asong kechang asi sha?”

Romans 2:4

Arka namshiq raq, Shiikeawe raq namshiq ma, mangchan tsii jonghea rüm tlaq kra shishe lam na khat tlo. Kiimaq apaiq raq namshiq shutphit ka mangchan tsi ma, namshiq ka atsea wan chang wiimin, tsat son n mak maq, anin riiwan tlo, kiimaq ranaiq shishi kla, namshiq raq tsii michhi wan han ahiq, nguta tsan tiibum raüta, namshiq tsantsii klai wan ka khe tlo. Shiikeawe raq namshiq ka kai lungwii tlo nguta namshiq riimin asap han. Shiikeawe raq namshiq mangchan tlaq arka, namshiq raq ngarai tsantsii kra miklai tlo laq, nguta ngo maq mangchan tlo.

Ephesians 1:3

Riita, ümchaü sanha, nashiq wiitarü raq, Shiikeawe, Tati Jesuq Khristo ma Awejong Shiikeawe ma, kechu tum rong i! Ara jamkhano chongtiikang ngukla, nashiq ka Jesuq Khristo rai pumshi hanshi she tiipum wan kai krai mren, Shiikeawe apaiq raq, nashiq ma ramungtan na ümchuwa achu shiiman sitlaq kra, wiita kuqto she.

Hebrews 2:9

Shatmiitiina, nashiq raq, Jesuq ka alose miitu, rasetiim nam miimin anun ma tiijato chhikai. Kra anun ma tiijataq kriika, apaiq raq Shiikeawe kaphap mangchan wokhong maq, maiqse angu tarü miitu mitsai laq nguta atiiki. Raüta, apaiq raq maiqse miitu tsaitaq krai mren, Shiikeawe raq apaiq ka wiitarü thaq na ajong alu miishe shongto. Apaiq khushü ngao ka achhai anyii she kuqto chhi tiikai.

Revelation 19:12

Amakpo ka walü liwa ikha achai anyii. Kiimaq apaiq raq khuphok ka pahea phoktlo chhikang. Apaiq dü na mang ashi waiqje asi riito. Shatmaq kra mang na jamlai wa waiqtaq, kriika apaiq tlea raüta maiq ahinti jurmin saplot mak.

1 SAMUEL 16:13

Kiijiishe Samuel raq olip tsai ka lam laüta Dawit khupo na aphutiim makki na nyukto. Tlothitli she Tatiwe wenyi raq Dawit khum ka rom wanto. Kiimaq kra ranaiq miiphat she wenyi ka Dawit rai siwanto. Raüta Samuel ka Rama chela na hali jang wan nongto.