TAKSU LAK 3:33 - ASII LAKDAP Bible (BSI)

³³ Tatiwe manson ka, ashut ashaiti jamkun na sitlo. Shatmaq apaiq ramram ka, kechu maiqsetiim jamkun na saütlo.

Hawa Naga Bible 2001

³³ Yehowa rueq layx vbac jix miqsaz yuimx htenc kuex mvnhttonx kuq ruiux, tsuingrux jix yuimx htenc kuex ruimruimx kuq yaq.

TAKSU LAK 3:33 Referencias Cruzadas

2 SAMUEL 6:11

Kra Tongshong Tek ka kiijaq jipi lütsam sito. Kiimaq Tatiwe raq Obed Edom jamtati ma pinthum achu shiiman kuqto.

YOBA 24:18

Abi ati maiqse ka jüchhang wa raq hut wantlo, kiimaq awak ram ka Shiikeawe raq man ason wishe; apaiq ka apaiq spiqro na jaq min shamki mak she.

YOBA 31:12

Kra nguraüka tiimiqchup, wamungtan walü raq, ijaq na jamlai wa sitlaq kra apun tiichong mak maq mikhiim phaq wan wa.

Tvtsvmc 1:3

Tsangshiq ka jüserai kii na acham pero ikha, akhing khaq khaq na atsi ango riitlo, kiimaq ajaq thun ka shinki mak phan. Tsangshiq raq jam lai wa shamtlaq kra ong wan ruq riitlo.

Tvtsvmc 37:22

Tatiwe raq ju miiwa shiiman kuqtaq kriiti thun raq mung ka milap wan, shatmaq apaiq manson hotibi thun ka kra mung wa ajo mirbaiq wan.

Tvtsvmc 91:10

kriikha na tsaimiq khusiq ümdü na saümak miraq, jasam piqsii ümjam tho na saümak miraq.

TAKSU LAK 10:6

Kechu maiqse riika achu shiiman milap; Shatmaq maiqjiqwe riika, tatso niq chang bomli bomtlo.

TAKSU LAK 14:11

Ashutwe jam ka thenkai jai min, mittingwe jam ka atsing angangli misi.

TAKSU LAK 15:6

Kechu maiqse tsangshiq tsiiq anyam ka, samhea saiqsamtlo. Shatmaq ashut ashai maiqse tsiiq ka, chamchao litkot ranaiq thumkitlo.

TAKSU LAK 21:12

Shiikeawe ka tingting; ashut aphitti raq, tsang jamkun maq, jamlai wa kiimungtlaq kra asap. Apaiq raq ashut kloti ka, ashthen mirbaiq.

MALAKI 2:2

Namshiq raq ngi ka namshiq jaqsham maq shreng ratlo. Namshiq raq ibomchong taiman riihan la, ngi raq namshiq khuthaq na manson mitiisaüha. Namshiq ramwe jaqsham jaq maq hupsam lap tlan thaq na tüsaiqsaiq misonha. Riikhaqli miika ngi raq man ason kun she. Jamkhano ngukla, namshiq raq ngi aming shreng lanta lang man.

TRI CHONGKE 11:28

Kiimaq, namshiq raq ara aming thun ara jin lanta, laihin sumla phra thun, namshiq raq man na shomnoq man dongdii kriithun ka shomnoqho hanla, manson miho han.

TRI CHONGKE 7:26

Ara sumla phra thun arwa namshiq jam na ashi ra min lam wan maimak. Kra riihanla tsangshiq raq howantaq manson ka namshiq miishe miniki. Namshiq riika saisi wan raa dongdii kiimaq kra sumla phra thun ka tho maq thowan raa dongdii. Jamkhano ngukla arthun arka Tatiwe manson maq atiiham wanwi she.

JOSHUA 6:18

Shatmaq ashthenbaiq chang hupsam kra namshiq raq jaqkaiq maq shamkai raamak. Kra riihanla, namshiq raq Israilnok piitiip na chamchao kiimaq athen ajen mitiisaü han.

JOSHUA 7:13

Tiido laq! mungmaiqse ka tiisiilaq, laüta tsangshiq ka anap ngi phana riihumwa miitu tiije laq. Jamkhano ngukla ngi Israilnok Tatiwe Shiikeawe raq akha chong chang asi: ‘Israilnok lei, ngi raq namshiq ma ashthenbaiq chang hupsam nguta chongkang kra namshiq jaq na wiijam asi! Namshiq raq kra hupsam thun ka lambaiq man wiiwii, namshiq raq namjaqti ka khatlot man mirhan!’