TAKSU LAK 23:32 - ASII LAKDAP Bible (BSI)

³² Anap ranap niika, paü raq athaü ikha, atsi she mirhaü.

Hawa Naga Bible 2001

³² Raungnvp kvyix nuex vyangx vhttax puiuc rueq vkauk gay ikhoc mnoz rvhumc tuiux.

TAKSU LAK 23:32 Referencias Cruzadas

YOBA 20:16

Abiwe raq jamlai wa joktlaq kriika awok mong na liipu ma jakitlo, kriiraq apaiq ka paü raq athaü ikha tsat baiqtlo.

Tvtsvmc 91:13

Ümniiraq hangsikong nai paüsang nyiqlakong min hok maq nishishi minibaiqhaü, pinthum henghea hangsikong nai paüsangkong thun wiita nishishi minibaiqhaü.

DUNGWVNC 7:12

Tsangshiq raq tsang nyeakii thun ka hiq na baiqto. Riikiita kra nyeakii thun ka paükaütiim ma jakito. Shatmaq kriithun ka Aron nyeakii raq wiita jokbaiqto.

TAKSU LAK 20:1

Chechok tsampii jati ka, maiq jiq angi nola; cherop jati ka maiqjiq.

TAKSU LAK 5:11

Ümniika atsai wan chang na mibum haü; Laüta ahan anyi li she mirhaü; ümngam ümngiq ka wiita, aphaq wan kun she miraq.

THARC TVLUINGC 10:8

Jurwa thiikho thutlaq kriiti ka kiijaq maiqmiili midea wa. Jurwa khetuk chai raüta maiq jam mong na watlaq, kriiti ka paü raq mithaü.

ISAIA 11:8

Nose ashi ka paükaü alai henghea tho na haisiq raümin kaqmak miraq,

ISAIA 28:3

Kra mungtubi cherop kong shiikong raitlaq kriika re raq ji maq nishishi minibaiq.

ISAIA 59:5

Namshiq raq abi thiikho thutlan kriika paüsang nyiqla kaü tai phong ikha. Maiq tseabaiq chang achok araq lai phan klo tlan. Kra paü taipo kriishe tiibun kiiq raüla, paüse se dongki tlo! Shatmaq namshiq raq abi thiikho thütlan kra riika namshiq ma jamlai achu shiiman ahü. Kriika chiiqkiiq mü wa rai lam raüta khea ataq ikha. Jamlai taichang min riimak!

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

JEREMIA 8:17

“Liironglaq!” nguta Tatiwe raq ngutlo. “Ngi raq namshiq phong na paüsang kong, pinthum alai henghea phan tiikitiikang. Akhnok paükong arka paü tiimochiiti riimin tiimochiilot mak. Kra ningkhan namshiq ka mikaq.”

AMO LUIK DVP (AMOS) 5:19

Kra ranaiq akhing ka, maiq weshi ka hangsikaü raq jowan raüta aju, chapbi kaü rai riihum rainong tlaq ikha miraq! Kiimaq maiq weshi ka wakmaq awa ajam na saü, ajaq hiqkhu chong na arwiiq, kiiwa paü raq athaü ikha miraq!

AMO LUIK DVP (AMOS) 9:3

Tsangshiq ka Karmel pum na tiipaü wa raü min, kriiwa rit wa lata mitiidongho ha. Kiimaq tsangshiq ka imakki wa, khamjong chum mong na, tiipaü nyapwa raü min, kriiwa prenkaü ma mitiikaq ha.

Romans 6:21

Riita, man na ji na, namshiq raq ngarai minshiiq wan lan kra miitu, ümchaü ka ajiasi she riitlan. Riita kriiwa namshiq ma jamlai phan amet wa lap lan? Kra thun jaqsham wan lan, kra tsingo ka namshiq ma, atsai lam siisaqli tankuq wanto!

Ephesians 5:18

Ümchaü sanha, cherop ma naq ja rongkiq she. Che riika namrilung kli mishthen baiq. Kra rii na, Asii Wenyi ma nam mongjii ka kunli tiima lantli si ronglaq.