TAKSU LAK 18:18 - ASII LAKDAP Bible (BSI)

¹⁸ Wela wenai rungshi na chap. Tsang nai tatso tsekhi wa lap. Tatso chhiiti wutan langphok.

Hawa Naga Bible 2001

¹⁸ Tvrac rungx nuex khuec vkhac vhttax miq wanueyc kuex luimc vkawc vyungx jix jvnc ngoz ruiux yuq, tsuingnueyc khac kuex hangchac maq htvp htaz kuq lot shix.

TAKSU LAK 18:18 Referencias Cruzadas

1 KAÜWA WERAÜ 24:31

Takitek wa maiq juwa maiqlati nai apaiq ma anotiim phong wa weshi raq lang liichang ka tsuntlo. Raüta tsangta rii jaqsham chang kra lang raq thaütlaq kra phan phan riiphea wanto. Arka tsangshiq ma ata awiitiim Aron saüse phan wa ramwebi raq jaqsham riiphea wantaq kiikha riipheato. Hokhamwe Dawit, Jadok, Ahimelekh, kiimaq ramwebi takitek wa awetiim, kiimaq Lewinok ka ara jaqsham riiphea wan liiti kiimwebi riito.

1 KAÜWA WERAÜ 6:63

Kiikhiisii hali, tsangshiq ma chela roqshiri anai ka, Reuben phan sichang wang wa, Gad phan sichang wang wa, kiimaq Jebulun phan sichang wang wa, Merari weraü phan ma, ata ata maq pheakuqto.

NEHEMIA 11:1

Mung welabi ka Jerusalem chela na shong nga wanto. Kiimaq mungmaiqse wiika, maiqta taroqshi khuthaq wa, tashishi langlii raüta, lang raq thaütlaq kriita ka asii chela Jerusalem na siwan miitu tsea wanto. Kiimaq kiiwa chan tlaq maiqta tatiikaü kriika, chela ahin na shongnga wan chang, nguta bom ka riichong raüta tri ka shatthüto.

TAKSU LAK 16:33

Maiqse raq Shiikeawe tiima khon miitu, lang liitlo; Shatmaq kra bomtre ka, Shiikeawe apaiq riili thapthitlo.

TAKSU LAK 18:17

Rung na khachongti raq, akha nyan achong ka riikhaqli ikha; khatsiiti raq poshi shi maq, akiq ka khü wan raüla tri misup wan.

TAKSU LAK 18:19

Phunaino ka khrum laq; apaiq raq ümnaq mikhrum kuq. Chela kiitelong ruk ikha miraq, shatmaq apaiq rai riitso haüla, apaiq raq kilü ashaq miraq.

JOSHUA 14:2

Tatiwe raq Mosheq ma aming kuqtaq krai mren, Jordan rai maq shenyap nü mung ka, maiqphan phan tiikaü ri phankho rii hiq ka, langlii raüta, lang raq thaütlaq kra phan chumkuqto.

1 SAMUEL 14:41

Raütiishe Saul raq Tatiwe Israilnok Shiikeawe ma akha nguto, “Tatiwe ümchaü ranaiq ümniiraq ngi achu jaü jam nguto tre maü? Tatiwe, Israilnok Shiikeawe, ngi raq achu jaütiikang ka asii longpo thun maq langlii tiikang ara tre laq. Riita, Jonathan lo, kiimaq ngi riilo shutkai jiila, Urim longpo armaq tre laq. Kiimaq ümsengi Israilnok riila shuttaq jiila Thummin longpo armaq tre laq.” Krai mren, bom tre ka Jonathan nai Saüli riidea shutto nguta lang raq thaüto. Krai mren mungmaiqse ka kha ahü she riito.

1 SAMUEL 14:42

Kiijiishe Saul raq nguto, “Ise Jonathan nai ngi liipan arwiishe long maq liirong laq.” Krai mren, lang raq Jonathan dü niishe thaüto.