TAKSU LAK 17:15 - ASII LAKDAP Bible (BSI)

¹⁵ Ashutwe ka atiihang raq, kiimaq maiqsangwe ka, ashut ma tiijabaiq photi ka, Tatiwe raq pinthum shutlo.

Hawa Naga Bible 2001

¹⁵ Layx bac waz kuex mvrax wawc tvdungc gay muinz, mvrax kop muq waz muex phoc kuy muinz Yehowa rueq shuiuc yaq.

TAKSU LAK 17:15 Referencias Cruzadas

1 HOKHVMX 21:13

Raüta joksaü liiqse maiq wenai kriiraq mungmaiqse man na Naboth raq Shiikeawe ma nai hokhamwe ma mansonto nguta kha ka nyanto. Krai mren apaiq ka chela phai niishe hit hoto. Raüta kiijaq longmaq tiitsailaq tiiqbaiqto.

Tvtsvmc 94:21

tsangshiq raq sepiiti thun tiidea ma thiikho thutlo raüta maiqsangtibi ma kha tiiho raüta tsangshiq ka phaqsi na tiikibaiqtlo.

DUNGWVNC 23:7

Khahü na maiq ma kha naq nyankiq. Kiimaq maiqsangti ka tiishut laüta phaqsi na naq tiikikiq. Jamkhano ngukla jurwa akha ajiq photlaq raüta ashut klotlaq, kriiti ka Ngi raq mitiishut baiqha.

TAKSU LAK 11:1

Tatiwe raq tok ajiq langti saisitlo, Shatmaq riikhaqli tok langti miika, achochi riitlo.

TAKSU LAK 15:8

Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

TAKSU LAK 17:26

Sepiiti tsasha kriika ajiq pinthum, Maiqshaqti ma mo tiiho tlaq ka, kha ajiq photlo.

TAKSU LAK 18:5

Ajiqwe ka alam ma tiija, alamwe ka ajiq ma tiija, kriika ashut khapho daja.

TAKSU LAK 31:5

Tsangshiq raq che nyang raüla, thung tri sham alaq riibaiqtlo, raüta se ano rongraa tlaqti ma, liikuq mak riitlo.

TAKSU LAK 6:16

Ngarai phantrok ka Tatiwe raq saisitlo, Ngarai phan miishi ngojati ka apaiq raq aphai riitlo.

ISAIA 5:20

Namshiq ka miqlan she! Namshiq raq abi ka ahea ngutlan kiimaq ahea ka abi ngutlan. Namshiq raq ranyaq ka rawiili ma tiijatlan kiimaq ranyaq ka rawü ma tiijatlan. Namshiq raq akhapwiq phan kriika asumwiq ngutlan, kiimaq asumwiq phan kriika akhapwiq ngutlan.

ISAIA 5:23

Shatmaq khapho rung miishe ka ashutwe raq tsiiqlap kuq raüla, namshiq raq ajiqwe ka atiidong riibaiqtlan. Lantea maiqsangwe ka nanshan shan tiishut baiqtlan.

AJONJÜ 3:35

Apaiq raq nashiq ma thektlaq nguta athiiq ka, ümtiikiiwa lapmai riijiiq kra apaiq raq asap.

EJEKIEL 13:19

“Namshiq raq haptashishe jaili nai phutsam phublaise winsii phu kra laphaq miitu Ngi ka isenginok mungmaiqse makki na shummiitlan. Namshiq raq maiqse ka khii akha min ahü atsai chang shutphit jammin ahü kriiti kiimin wiita tsatbaiq wantlan. Kiimaq mungmaiqse juwa ashut kloti, tsangshiq ka atra si thek makti thun kra atra tiisitlan. Namshiq raq arot akiq bom kra chong lanta mungmaiqse ka laotlan. Tsangshiq raq namshiq bom kiima kamtlo.”

AMO LUIK DVP (AMOS) 5:12

Ngi raq namshiq ngarai asap ha, namshiq ngarai tak amachhaq, tsiiqlap siqlanta kechu maiqse tiicham chao lan. Ra raq ham mak jehin nore, rung maq tiidea baiq lan.

AMO LUIK DVP (AMOS) 5:7

Namshiq raq ajiqwe ka alam ma tiija tlan. Alamwe ka ajiqwe tiija tlan! Namshiq raq tingting tri lam ka jimaq nibaiq tlan.

AMO LUIK DVP (AMOS) 6:12

Rekhatti kumrangkong ka longrong thaq na midoqsiq shea? Nitheti raq minsaü pang maq khamjong chum ka, ni ma mithu shea? Shatmaq namshiq raq tingting tri raütu ka, maiqmea chang ma tiija baiq lan. Kechu ramram jaqshamtsi ngo ka, akhapkhiq ma tiija baiq lan.

Romans 4:5

Shatmaq, jurwa apaiq riika Shiikeawe ma kamwan chang miraq, jaqsham ahea sham wan raüta, Shiikeawe tsan ka tiihea wanlot mak miraq, nguta sap tlaq, raüta Shiikeawe ma kam tlaq, krai mren, apaiq kamtsantsii thü tlaq, kra thaq na seng raüta, Shiikeawe raq apaiq ngarai ka diikuq tlaq, raüta akhu na phumram kham maq bat raüta, apaiq ka kechu maiqse she nguta, awura maq tiiham wan tlaq, raüta apaiq rai wehea she tiija wan tlaq, kriika kamtsantsii thaq seng raüta, kechu maiqse ma tiija wantlo. Apaiq raq Shiikeawe tsan tiihea wanli chang, jaqsham ahea sham raütiika riimak.

TRI CHONGKE 25:1

Mosheq raq Israilnok ma nguto, “Bom shiiton Israilnok maiq wenai ka tsangnai kha tiiphokai rung na michap. Raüta phowebi raq tsang nai liipan wa, weshi ka alamwe kiimaq weshi ka ajiqwe nguta kha ka mipho kuq.

James 5:6

Namshiq raq jam min sap makti, maiqsangti ka shaphaq baiq wan lan ihata. Kiimaq wiita atsea riibaiq wan lan ihata. Kiimaq tsangshiq raq namshiq jaq ka towan lot mak riito.