TAKSU LAK 15:30 - ASII LAKDAP Bible (BSI)

³⁰ Naijum naiji chhihaüla, ümniika michochi haü. Tsütsa ahea taihaüla, ümtsaiji mijong.

Hawa Naga Bible 2001

³⁰ Nueyyuing nueyyumc htvlx phawc rueq mnoz muex tvkokez vtueq, vhvlx thuix thaungx rueq mnoz muex pinhtumc tvshuenc ruenc shuex.

TAKSU LAK 15:30 Referencias Cruzadas

EJRA 9:8

Shatmaq ümchaü ka heashise miitu naishiq, Tati Shiikeawe ümniiraq naishiq ma kaphap mangchan she hali tiichhikuq wan nong tlaü. Laüta naishiq phong wa maiq wiijamti tiichong wan laü, kra di-ama rilung kharü mong wa dokda kuq wan laü she. Laüta rilung tsitsü anye she kiqkap jaqshap maq singa wan miitu tsitsü triichüm kuq wan laü. Laüta ara asii hiqshong na hali tiishongnga kuq tlaü.

Tvtsvmc 89:15

Pinthum peohea jurwa ümniika ashi ange maq shomnoqtlaq, kiimaq juwa ümmangchan rawüli na sitlaqti ma!

TAKSU LAK 12:25

Chapa tsi riika maiqse tsaiji tran tlo; Shatmaq tsaido jido bomtsi riika, tsaiji kongtam puqshi tiijongtlo.

TAKSU LAK 13:9

Kechu maiqse ka waniitu ikha ali aliim; shatmaq ashut kloti ka, lemtem mat wan tlaq ikha mat wantlo.

TAKSU LAK 15:29

Maiqshaqti raq achu jaü raüla, Tatiwe raq tretlo; shatmaq ashut maiqse achujaü ka, apaiq raq tremak.

TAKSU LAK 15:31

Ümnaq tsat-sontlaq akhing na, bom tiitsang taihaüla, ümniika taksu ma mijahaü.

TAKSU LAK 17:22

Khoqriiq shishiiq rilung ka, khusang rakhang rilung; shatmaq munjuk mijuk rilung ka, chaosusu maq tsai wan rilung.

TAKSU LAK 25:25

Maiqmung luhea maq, tsütsa ahea tai ka, khamnyang tsihea bala, khamsangkok atsüm kuq ikha, tsan na washasha hea.

TAKSU LAK 3:8

Kra riihaüla, rilung na phum aphaq ikha miraq, ümkhum wa ami atsi wiita mihea wan, atsi asi min ahü she miraq.

THARC TVLUINGC 11:7

Ranaiq rawü li ngutlaq ka maiqse ma pinthum peohea.

ISAIA 58:11

Kiimaq Ngi riimin namshiq ka wranaiqshe mishun sheakang. Kiimaq namshiq ma ahea awa phan thun kra kuqlata mitsi mitsaq mitiipeo kang. Ngi raq namshiq ka kuilang kuilabi namhü namhan phintsaqtsaq mirüm wankang. Namshiq ka sonruk ashi na kham chamtraq sitlaq ikha, kiimaq tsiimseraise ümtiikiimin rüki mak phan ikha mirhan.

Revelation 21:23

Kra chela miitu rashe kii nai jipi li min raa mak she. Jamkhano ngukla, Shiikeawe khushü ngao kriili liliim tlo. Kiimaq Skuse ka chela miitu wanii tu.

Revelation 22:5

Kiijiika ranyaq mak she miraq. Kiimaq tsangshiq ma piijongteng lo, rashe kii lo kiimin raa mak she miraq. Jamkhano ngukla, Tati Shiikeawe kli she tsangshiq ma rawüli miraq. Kiimaq tsangshiq ka hokham ma jaraüta, pattup pat-sa mung she misiq wan dam.