RUTHA 4:11 - ASII LAKDAP Bible (BSI)

¹¹ Kiijiishe, mung shiilangbi nai nanok ahinti thun tarü raq, “Tengto. Naishiq tarü ka ara miitu saqsebi. Tatiwe raq ümjamti nyung ka nawi nai Israilnok phan ma wipai Rechel nai Lea raq nati Jakob ma asetiim ka wiqrai rü atang tiipuchi kuq wantaq ikha, mitiipu kuq wan laq. Namsetiim ka tere rü atang ikha Ephrath hiq shong na mipuchi wan laq. Raüta, Bethlehem chela na tsangshiq mangchong ka, ra tsa ikha mijong wan laq.

Hawa Naga Bible 2001

¹¹ Ghaqshungc walaungx bix nuiyc vganc jix htenc rueq muinz, “Rvtueq, nuiyhez kuex hakhix muex yaungx vtix. Mtaungx nyuiuz kuex Yaku muex vsaz hez paunghvlc jawc kuy jix Rakhel nuiyc Lea ikhoc yaungc muex Yehowa rueq mtvhungx htaungx kuq kv-phux. Mnoz muinz Ephrat waruiuz wawc luizsuiuz waungsaz yaungx vtueq Betlehem ghaqyungx nuex muingc jungc mdung kueq.

RUTHA 4:11 Referencias Cruzadas

RAPHA HIQWA LAK 23:10

Ephron apaiq kiimin chela kilamchong na ngongthun chang ba kiijaq Hitaiqnok ahinti rai adam na ngashat asi riito. Apaiq raq kiijaq nokwe wiitarü raq taishat na treto,

RAPHA HIQWA LAK 24:60

Kiimaq tsangshiq raq Rebeka ma akha ramram kuqto: “Ino lei, ümniika saütam serü jawan laq, ümsetiim ka ahing amun mipu wan laq! Kiimaq ümlai ümla phan raq, tsang jaqtinok chela thun ka mijii wan laq.”

RAPHA HIQWA LAK 29:16

Laban setiim ka jechakse nai ka anai asi. Anyinyung mang ka Lea. Kiimaq ano nyung mang ka Rechel.

RAPHA HIQWA LAK 29:25

Jakob riika anap ranap niishetiq kriika Lea khana nguta sapto. Kiimaq apaiq ka Laban phana wato. Raüta nguto, “Riita ümniiraq ngi ma ara jamlai wa klo laü? Ngi riika Rechel lam miitu jaq shamkuq kang. Ümniiraq ngi ka jaram wa laorat laü?”

RAPHA HIQWA LAK 29:32

Kiimaq Lea ka wiihan she riito. Raüta ase maiqwe se chiito. Apaiq raq nguto, “Tatiwe raq ngi chamchao ka chhito. Ümchaü ka iwese raq ngi ka milungwii she.” Kra ningkhan apaiq raq no ka Reuben nguta mangto.

RAPHA HIQWA LAK 35:23

Lea setiim ka Reuben, (Jakob se chhikhuwe pinthum), Simeon, Lewi, Juda, Isakar, kiimaq Jebulun riito.

RAPHA HIQWA LAK 35:24

Kiimaq Rechel setiim ka Joseph nai Benjamin.

1 HOKHVMX 21:8

Raütiishe kriinyung raq lak thun waiqto. Raüta Ahab mang na sohito. Raüta apaiq sil maq lak thun ka thangto. Raütiishe Jejreel chela na siti ajong alabi nai mungtu shiilangbi miishe tiiho wanto.

1 KAÜWA WERAÜ 2:51

Kiimahali ase anai ngojawe mang ka Salma. Apaiq raq Bethlehem chela ka teiwanto. Kiimaq ase nojamwe atsam ngojawe mang ka Hareph. Apaiq raq Bethgadar chela ka teiwanto.

Tvtsvmc 132:6

Bethlehem maq Tongshong tek asi nguta tsütsa taikai, kra naishiq raq Jearim wakram wa humkai.

TAKSU LAK 14:1

Taksu nyung raq ajamkun tiijongtlo, Shatmaq maiqjiq nyung raq ajamkun ka, ajaq miili siiq baiqtlo.

TAKSU LAK 31:23

Ajamtiwe ka mung raq asap siisaq; apaiq ka tuwejong ashi.

JEREMIA 32:10

Ngi raq kra wakri lakjaq na suhikang. Lata sil maq thangkang. Kiimaq kiimwebi ma hali tiisuhikang. Lata kampho ka tok na shin lata kuq kang.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

Matthew 2:6

‘Judia wang wa Bethlehem chela lei, ümniika Judia wang na chela phong na akhek ashi; ümchela wa munglangti wela ashi michii, Apaiq raq i sengi Israil mung ka mirüm wan.’ ”

TRI CHONGKE 25:7

Shatmaq tsaikitiiwe ma aphu ano shaq raq anyi-chhi-nyung kra tiishong nga mak raüla, kra manti-nyung ka chelati welabi rung na kai chang. Raüta akha ngo chang, ‘Ijamtiwe ma aphu ano raq, aphu ano jamkun ka tiishong nga romak. Apaiq raq aphu ano lai ka Israil mung na tiicham thüro mak.’

TRI CHONGKE 25:9

anyi-chhi-nyung raq kra chelati rung welabi man na aphu-chhiwe tho na chap raüta, apaiq hok na patlaq sandal kiiwa ashi kra michhut baiq, raüta atheaphi na tho maq mitho. Raüta akha mingu, ‘Jurwa aphu ano ma alai tiichhan chhiro mak, kriiti jamkun ka akha miraq.’

RUTHA 1:2

Kriiwe mang ka Elimelekh. Tsangnyung mang ka Naomi. Tsangse maiqwese nai mang ka Maqlon nai Chilion. Tsangshiq ka Ephrath weraü wa. Kiimaq tsangshiq ka Juda wang na Bethlehem chela na siti. Tsangshiq ka Mob mung na laüho raüta kiina heashi sikai nguta kihoto.